Breisach am Rhein

Breisach am Rhein
Sicht op de Stefanusmunster
Flagge	Wapen
Polityk
Lân	Dútslân
Dielsteat	Baden-Württemberg
Landkreis	Breisgau-Hochschwarzwald
Sifers
Ynwennertal	15.488 (31.12.2019)
Oerflak	54,61 km²
Befolkingstichtens	284 / km²
Hichte	225 m
Oar
Tiidsône	UTC+1
Simmertiid	UTC+2
Webside	www.breisach.de

Breisach am Rhein is in stêd oan de Dútsk-Frânske grins healwei tusken Colmar en Freiburg im Breisgau en fan beide kanten op sa'n 60 kilometer noardlik fan Basel en súdlik fan Straasburch. In brêge oer de Ryn ferbynt Breisach mei Volgelsheim op de Frânske kant. Noardeastlik fan de stêd leit de Kaiserstuhl, in lyts middelberchte dêr't poerbêste wyn produsearre wurdt.

Yn de lette midsiuwen wie Breisach ynearsten in selstannige ryksstêd yn it Hillige Roomske Ryk, dat fan it stedswapen falt ôf te lêzen. Loadewyk de Beier ferpâne yn 1330 de stêd lykwols oan de Eastenrykske hartoggen Otto de Fleurige en Albrecht de Lamme.

Oan it begjin fan de Iermoderne Tiid waard Breisach útboud ta in ryksfêsting.

Tsjintwurdich is de stêd fan belang as sintrum fan sa'n 40.000 ynwenners yn de omkriten op de Dútske kant en de oanbuorjende Elzas.

It besjen wurdich

It besjen wurdich is de op in rots (Münsterberg) boppe de stêd lizzende romaansk-goatyske Stephansmünster. Foar de rots oer leit de Eckartsberg, dêr't de resten fan de fêsting te sjen binne.

Berne

• Oliver Baumann, fuotballer