Bettie Page

Ut Wikipedy
Bettie Page
persoan yn de seksyndustry
Bettie Page, Playmate jannewaris 1955.
Bettie Page, Playmate jannewaris 1955.
persoanlike bysûnderheden
echte namme Bettie Mae Page
nasjonaliteit Amerikaansk
berne 22 april 1923
berteplak Kingsport (Tennessee)
stoarn 11 desimber 2008
stjerplak Los Angeles (Kalifornje)
etnisiteit Angelsaksysk Amerikaansk
wurkpaad
wurksum as fetysjmodel, neakenmodel
jierren aktyf 19511957
offisjele webside
n.f.t.
Bettie, fêstbûn, krijt foar de kont

Bettie Mae Page (Kingsport (Tennessee), 22 april 1923 - Los Angeles, 11 desimber 2008) wie in Amerikaansk fetysjmodel en neakenmodel.

Biografy[bewurkje seksje | boarne bewurkje]

Yn de jierren-1950 waard se bekend as pin-up girl ûnder lieding fan fotograaf Irving Klaw. Yn jannewaris 1955 wie hja Playmate fan de Moanne foar it blêd Playboy Magazine. Ek hat se oan 'e gong west as bondagefotomodel. Page waard foaral 'ûndergrûns' populêr út reden fan de taboe-sfear dy't om har foto's hinge.

Yn 1953 nimt Page aktearlessen by de Herbert Berghof Studio en spile doe ferskate rollen op toaniel en telefyzje. Page bleau modellewurk dwaan oant 1957. Hoewol't hja in soad neaken posearre hat, hienen de (sadomasogistyske) foto's noait in eksplisyt seksuele ynhâld.

Yn in ynterview mei Playboy yn 1998 seit se oer har karriêre as model:
'Ik haw nea fûn dat it beskamsum wie. Ik fielde my normaal. It wie gewoan folle better as acht oeren deis op in typmasine om te hammerjen, wat jin gau ferfeelt'.

Ein jierren 50 bekearde se har ta it kristlike leauwe, folge trije Bibelskoallen en wurke dêrnei foar allerhanne kristlike organisaasjes, ûnder oaren foar dy fan de baptistyske evangelist Billy Graham.

Earne yn de jierren-1980 krige hja te lijen fan skizofreny en waard dêrfoar acht jier ûnder steatstafersjoch pleatst.

Nei in lang skoft net yn it iepenbier ferskynd te wêzen, waard se yn de jierren-1990 opnij bekend en krige se in kultstatus. Benammen de sjongster Madonna beskôge har as in grutte ynspiraasjeboarne. Yn 1996 ferskynde Page har autobiografy. Teffens waarden der ferskillende biografyske films oer har libben makke, sa as The Notorious Betty Page út 2005, mei Gretchen Mol yn de haadrol.

Op 6 desimber 2008 krige se in hertynfarkt hie se te krijen mei in longûntstekking. Page stoar fiif dagen letter oan de gefolgen fan it hertynfarkt. Hja wie doe 85 jier.[1][2]

Films[bewurkje seksje | boarne bewurkje]

Filmografy[bewurkje seksje | boarne bewurkje]

  • Striporama (1953)
  • Varietease (1954)
  • Teaserama (1955)
  • Irving Klaw Bondage Classics, Volume I (London Enterprises, 1984)
  • Irving Klaw Bondage Classics, Volume II (London Enterprises, 1984)
  • Bettie Page: Pin Up Queen (Cult Epics, 2005)
  • Bettie Page: Bondage Queen (Cult Epics, 2005)
  • 100 Girls by Bunny Yeager (Cult Epics, 2005)
  • Bizarro Sex Loops, Volume 4 (Something Weird Video, 2007)
  • Bizarro Sex Loops, Volume 20 (Something Weird Video, 2008)

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. Pin-upicoon Bettie Page overleden, NRC Handelsblad, 12 dec 2008
  2. Bettie Page, Queen of Pinups, Dies at 85, The New York Times, 11 des. 2008