Betheltsjerke (Genemuiden)

Ut Wikipedy
Jump to navigation Jump to search
Betheltsjerke
Betheltsjerke (Hersteld Herfoarme gemeente), Genemuiden II.jpg
lokaasje
lân Flag of the Netherlands.svg Nederlân
provinsje Flag of Overijssel.svg Oerisel
gemeente Coat of arms of Zwartewaterland.svg Swartewetterlân
plak Genemuiden wapen.svg Genemuiden
adres Bereklauw 1
bysûnderheden
type bouwurk Tsjerke
boujier 2012
arsjitekt Van Beijnum Architecten, Amerongen
oare ynformaasje
kosten 5 miljoen euro
webside Side fan gemeente

De Bethelkerk (Frysk: Betheltsjerke) is de tsjerke fan de hersteld herfoarme gemeente yn Genemuiden, Oerisel.

Skiednis[bewurkje seksje | boarne bewurkje]

De hersteld herfoarme gemeente fan Genemuiden ûntstie út in skuorring fanwegen de fúzje fan de herfoarme gemeente mei de grifformearde gemeente. Likernôch 1.150 leden fan de herfoarme tsjerke woene doe net meigean yn de PKN en rjochten yn Genemuiden in hersteld herfoarme gemeente op. Oant 31 desimber 2012 hierde de hersteld herfoarme gemeente it herfoarme sintrum fan de PKN en krekt foar dy tiid koe de gemeente de nijbou yn gebrûk nimme. Offisjeel waard de tsjerke op 13 april 2013 iepene. Underwilen wie it ledetal fan de gemeente doe al tanommen ta 1.450 leden.[1]

Beskriuwing[bewurkje seksje | boarne bewurkje]

Gevelstien ta oantinken fan de bou

De foarse tsjerke bestiet út in 20 meter hege tsjerkeseal, in rojale hal, in konsistoarje, sân oare romten en in 38 meter hege toer. De Betheltsjerke fan Genemuiden hat plak foar 1.110 minsken en mei it each op in fierdere oanwaaks fan leden kin der noch in kreake mei 275 plakken ynboud wurde.[2]

Foar de hersteld herfoarme gemeente fan Elspeet waard earder yn 2010 in hast identike tsjerke boud.[3][4]

Oargel[bewurkje seksje | boarne bewurkje]

It oargel is oarspronklik ôfkomstich út Dútslân, dêr't it yn 1970 troch de firma Oberlinger út Windesheim foar de stiftstsjerke yn Neustadt an der Weinstraße boud waard. Al yn 2010 kocht de gemeente it oargel oan foar de noch nij te bouwen tsjerke. Oargelbouwer Ide Boogaard út Rijssen fersoarge de demontaazje, de ferhûzing en de opbou fan it ynstrumint. Dêrby waard de disposysje sûnder feroarings oernommen, mar it front is foar it grutste part in nij ûntwerp .[5]

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: