Bert Roach

Bert Roach
akteur
Roach yn The Black Bag (1922)
persoanlike bysûnderheden
nasjonaliteit	Amerikaansk
berne	21 augustus 1891
berteplak	Washington, D.C.
stoarn	16 febrewaris 1971 (79 jier)
stjerplak	Los Angeles
jierren aktyf	1914-1951
offisjele webside
yn de Internet Movie Database

Bert Roach (Washington, D.C., 21 augustus 1891 – Los Angeles, 16 febrewaris 1971) wie in Amerikaansk filmakteur. Hy die mei oan 327 films tusken 1914 en 1951.

Libben en wurk

Bert Roach begûn syn aktearkarriêre as toanielspiler mei 17 jier yn New York City. Hy wie haadrolspiler yn muzikale komeedzjes lykas Louisina Lou en trede op as tenorsjonger. Yn 1914 begûn er syn filmkarriêre yn 'e Keystone Studios fan Mack Sennett. Mei syn oergewicht en in te grutte snor yn guon fan syn rollen krige er it tige drok as filmkomyk, benammen yn koarte filmkomeedzjes, mar sûnder in grutte bekendheid te krijen. Yn Sennett syn komeedzje Yankee Doodle opfierd yn Berlyn, in Amerikaanske oarlochspropagandafilm yn it ramt fan de Earste Wrâldoarloch, ferskynde Roach as Paul von Hindenburg.

Yn de jierren tweintich fan de 20e iuw wie Roach ek yn ûnderskate lange stomme films te sjen yn wichtige byrollen, mear as ien kear as in joviale en komyske freon fan de haadpersoan - it meast bekend wol as in kollega en maat fan de tragyske haadpersoan yn de klassiker A Man of the Masses fan King Vidor. Yn tsjinstelling ta in soad kollegas fan de stomme film wist Roach ein fan de jierren tweintich de sprong nei de talkies te meitsjen, mar yn de rin fan de jierren tritich en fjirtich waarden de rollen hieltyd lytser en minder wichtich. As besoarge keamergenoat fan Leon Ames syn personaazje yn 'e horrorfilm Murder in the Rue Morgue, mei Bela Lugosi, hie Roach ien fan syn ferneamdste optredens yn in lûdsfilm. Ferskate kearen waard er yn lytse rollen cast as in komyske sûper.

Hy wie boaske oan Gladys Marie Johnson.

Filmografy

In kar:

• Fatty's Magic Pants (1914)
• Yankee Doodle in Berlin (1919)
• Down on the Farm (1920)
• A Small Town Idol (1921)
• A Lady of Quality (1924)
• Don't (1925)
• The Denial (1925)
• Money Talks (1926)
• The Flaming Forest (1926)
• Tillie the Toiler (1927)
• The Battle of the Century (1927)
• The Crowd (1928)
• Honeymoon (1928)
• Young Nowheres (1929)
• So Long Letty (1929)
• The Show of Shows (1929)
• No No Nanette (1930)
• Hold Everything (1930)
• Bad Sister (1931)
• Murders in the Rue Morgue (1932)
• Impatient Maiden (1932)
• Night World (1932)
• Hallelujah, I'm a Bum (1933)
• San Francisco (1936)
• Algiers (1938)
• Romance on the Run (1938)
• Mardi Gras (1943)
• The Strange Love of Martha Ivers (1946)
• Dick Tracy Meets Gruesome (1947)

Boarnen, noaten en referinsjes

Boarnen, noaten en/as referinsjes:

Foar boarnen en noaten, sjoch: de:Bert Roach

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Bert Roach fan Wikimedia Commons.