Beatrix de Rijk

Ut Wikipedy
Gean nei: navigaasje, sykje

Beatrix de Rijk (Soerabaja, 1883 - Den Haach, 18 jannewaris 1958) wie de earste Nederlânske frou dy't har fleanbrevet helle. Hja wie tige sportyf oanlein, spile tennis en koe al betiid autoride.

De Rijk groeide op yn Nederlânsk-Ynje, it tsjintwurdige Yndoneezje). Letter bedarre hja yn Parys, om model te wurden, en naam fleanlessen by René Hanriot (1867-1925) yn Bétheny. Op 6 oktober 1911 krige se fleanbrevet nr. 652 útrikt troch de Aéro Club de France. De Rijk kaam út in begoedige famylje, dat hja koe in eigen fleanmasine keapje. Sy joech der in stikmannich fleandemonstraasjes mei. Yn it begjin fan de Earste Wrâldkriich bea hja har tsjinsten oan by de Nederlânske- en Frânske loftmacht, mar hja waard wegere. Sûnt wie it dien mei de fleanderij. Hja troude en ferfarde mei har man nei Ynje. Yn de Twadde Wrâldkriich sneuvele harren ienige soan en ferdwûn har man sûnder in spoar nei te litten yn Atjeh.

Nei de oarloch kaam Beatrix werom yn Nederlân, dêr't hja stoar mei 74 jier.

Boarnen, noaten en referinsjes[boarne bewurkje]

Boarnen, noaten en/as referinsjes:
  • B. van der Klaauw/Armand van Ishoven/Peter van der Gaag, De geschiedenis van de Nederlandse en Belgische Luchtvaart (rige: De geschiedenis van de luchtvaart) - 1982, útjouwerij Lekturama,
  • Nederlânske Frouljusried