Balikpapan

	Balikpapan
	Bestjoer
Lân	Yndoneezje
Provinsje	East-Kalimantan
Eilân	Borneo
Boargemaster	Rizal Effendi
	Sifers
Ynwennertal	688.318 (2011)
Oerflak	503,3 km²
Befolkingsticht.	1400 / km²
Hichte	0 m
	Oar
Stifting	1897
Tiidsône	WITA (UTC+8)
	Offisjele webside
	www.balikpapan.go.id

Balikpapan is in havenstêd op it Yndonesysk part fan Borneo, Kalimantan

It is de grutste stêd fan de provinsje East-Kalimantan, grutter as de provinsjehaadstêd Samarinda. Balikpapan leit oan de Strjitte Makassar en is in sintrum fan ierdoaljewinning, oaljeraffinaasje en houthannel. Njonken de Yndonezyske steatsoaljeûndernimming Pertamina, sitte der ek Frânske en Amerikaanske oaljemaatskippijen. De oaljewinning waard 1897 mei útein set en benoarden Balikpapan binne noch de yn Nederlân makke jaknikkers yn it wurk.

Om reden fan de oaljefjilden en de yndustry anneks waard der yn de Twadde Wrâldkriich swier fjochte om de stêd: Jannewaris 1942 kaam it ta de Slach om Balikpapan, febrewaris 1942 waard de stêd troch it Keizerlik Japansk leger ynnaam en july 1945 fan de Alliearden ferovere.

Balikpapan hat in ynternasjonale lofthaven (Sepinggan International Airport) en mear as ien haven; ien dêrfan is foar de ieroaljeútfier.

In wichtich part fan de befolking komt út oarde dielen fan Yndoneezje en bestiet út ûnder mear Dajaks, Banjar, Buginezen, Madoerezen en Javanen.