Attractiepark Slagharen

Attractiepark Slagharen
ferdivedaasjepark
Attractiepark Slagharen (2006)
lokaasje
lân	Nederlân
Provinsje	Oerisel
Gemeente	Hardenberg
plak	Slagharen
adres	Zwarte Dijk
koördinaten	52° 37' NB, 6° 33' EL
bysûnderheden
type	Attraksjejepark
eigner	Parques Reunidos
iepen	3 juny 1963
oerflak	83 ha
attraksjes	35
achtbanen	2
wetterattr.	4
wurknimmers	1.000
skiednis
hist. namme	Shetland Ponypark Slagharen, Ponypark Slagharen
gebou
boujier	1963
offisjele webside
Webstee Attractiepark Slagharen
kaart
Lokaasje Attractiepark Slagharen

Attractie- & Vakantiepark Slagharen is in attraksjepark en fakânsjepark yn Slagharen yn de provinsje Oerisel. It park bestiet sûnt 1963 en hjitte oarspronklik "Shetland Ponypark Slagharen".

Beskriuwing

It park telt mear as 30 attraksjes, wêrûnder 2 achtbanen. En bestiet út twa parten, dy't ûnderling ferbûn binne troch in haadstrjitte mei winkels en restaurants. Dizze haadstrjitte wurdt "Mainstreet" neamd.

Yn it súdlik part is de yngong en hjir steane attraksjes as "Apollo" in sweefmûne yn de foarm fan de moanne, "Enterprise" In grutte rûndraaiende skiif dêr 't oan de sydkant gondels befêstige binne. en de "Free Fall" In 40 meter hege frijefaltoer. Yn it noardlike part stiet de grutte achtbaan "Gold Rush", "Red Bandits Adventure" in attraksje mei boatsjes yn it tsjuster, dy't yn it plak kaam fan de jierrenlang opfierde Wild West Show. Yn dit part stiet ek de nôtmûne de Pionier út boujier 1859. In frijwillige mûnder soarget der foar dat de mûne noch regelmjittig draait.

In kabelbaan mei twa stasjons ferbynt it noardlike en súdlike part fan it park. Dêrneist rydt der in monorail troch it hiele park, mar dizze hat sûnt 2015 noch mar ien stasjon, dizze stiet yn it súdlike part fan it park.

By it attraksjepark Slagharen heart in fakânsjepark, dit park bestiet út steancaravans en bungalows. In oar part fan it fakânsjepark hjit "Wigwamwereld Slagharen" en hjir steane wigwamtinten. Sûnt 2002 is der njonken de "Wigwamwereld" ek in kemping.

Earste achtbaan mei in fertikale looping

Jierrenlang wie achtbaan "Thunder Loop" ien fan de ikoanen fan it attraksjepark. In stielen achtbaan dy't yn 1979 iepene waard. De baan hie in lingte fan 592 meter, in maksimale hichte fan 24,5 meter, en in looping. By in rit yn de achtbaan, dy't in minút en 42 sekonden duorre, berikte de trein in maksimale faasje fan 77 kilometer yn it oere. It wie de earste achtbaan ea mei in fertikale looping yn Nederlân. By in keuring tusken it simmer- en winterseizoen yn 2014 waard de achtbaan ôfkard. It wie de bedoeling om de achtbaan foar it nije pretparkseizoen, dat úteinset ein maart 2015, al wer operasjoneel te krijen, de baan waard yn de hjerst fan 2016 demontearre. Yn 2017 kaam de ferfanger fan de "Thunder Loop" de "Gold Rush" ree.

Ferneamde attraksjes

	Namme	Iepene	Opm.
	Apollo	1980	In sweefmûne, mei skommels befêstige oan in ring dy't om in grutte moanne draait.
	Ripsaw Falls	1992
	Big Wheel	1980	In reuzerêd fan 50 meter heech.
	Enterprise	1977
	Free Fall	2003	In frijefaltoer fan 40 meter.
	El Torito	1973	Renovearre yn 2016
	Gold Rush	2017	Gold Rush ferfangt yn 2017 Thunder Loop, de ferneamde achtbaan út 1979

Ferdwûne ferneamde attraksje

	Namme	Iepene	Ofbrútsen	Opm.
	Thunder Loop	1979	2016	By in keuring tusken it simmer- en winterseizoen yn 2014 waard de achtbaan ôfkard.

Boarnen, noaten en/as referinsjes:

Wikipedy:NL Commons Wikimedia Commons  Ofbylden dy't by dit ûnderwerp hearre, binne te finen yn de kategory Attraksjepark Slagharen fan Wikimedia Commons.