Arafuerasee

Ut Wikipedy
Arafuerasee
geografy
type wetter rânesee
lokaasje tusken Yndoneezje en Austraalje
lân Austraalje
Yndoneezje
ûnderdiel fan Grutte Oseaan
sifers
maks. lingte 1.290 km
maks. breedte 560 km
oerflak 650.000 km²
djiptegemiddelde 150 m
djipste punt 3.680 m

De Arafuerasee is in rânesee fan de Grutte Oseaan en leit tusken Yndoneezje en Austraalje, súdwestlik fan West-Papoea.

Seeën fan Yndoneezje

De trochsneed djipte is tusken de 50 en 200 meter. De see hat net safolle skipfeart en der binne noch in soad frijwat ûnbekende dielen, saneamde unsurveyed areas. Op seekaarten wurde dy gebieten dúdlik oanjûn mei it each op mooglik gefaar foar de skipfeart.

De Arafuerasee is in wichtich fiskfangstgebiet foar de oanswettende regio's. Lykwols driget der (yllegaal) oerbefiskjen en fersmoarging. Meast wurdt tonyn, makriel, ferskate sardinesoarten en grenaten fongen, dy't ek útfierd wurde. Der wurdt tocht dat ûnder it kontinintaal plat grutte ierdoalje- en ierdgasfjilden sitte.[1]

Om ekonomyske ûntjouwing en beskerming fan wetter en libjende organismen goed te regeljen, is der sûnt 2003 in gearwurkingsferbân fan steats- en net-steatske organisaasjes ûnder de namme „The Arafura and Timor Seas Experts Forum (ATSEF)“ opset, dy't ûndersyk en gearwurking tusken de steaten Austraalje, Yndoneezje, Papoea Nij-Guinea en East-Timor koördinearret.[2]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. Albert Rolff, Erdöl in Südostasien und seine volkswirtschaftliche Bedeutung für Westeuropa
  2. Grundinformationen zum Arafura Seas-Timor Seas Experts Forum