Anna Folkema
Anna Folkema (Dokkum, doopt 22 maaie 1695- Amsterdam, beïerdige 8 oktober 1768) wie in Frysk 18e iuwsk graveur en skildereresse.
Libben en wurk
[bewurkje seksje | boarne bewurkje]Se waard berne yn Dokkum as dochter fan goudsmid en graveur Johann Jakob Folkema (†1735) en Brechtsje Jacobs Faber († 1728).[1] Se wie de suster fan Jacob Folkema en fan Fopke Folkema.[1] Om 1708 hinne ferfear de húshâlding nei Amsterdam dêr't se meiïnoar in bedriuwke foar it meitsjen fan printen begûnen.[1]
Anna Folkema bleau frij faam en waard, lykas ek har broer en heit, beïerdige yn de Westertsjerke yn Amsterdam.
Wurk
[bewurkje seksje | boarne bewurkje]Ta it wurk fan Anna Folkema hearre ûnder mear printen fan gebouwen en tsjerken yn Amsterdam, tekeningen fan bern, printen fan dwergen, in tekening fan de skilder Johannes van Bronkhorst, portretten fan de predikanten Johannes Boskoop, Pieter Schrijver, Martinus Snethlage en Jacobus Tyken. Fan dy skilderijen makke har broer Jacob Folkema printen. Ek in rige portretten fan leden fan de Utertske famylje Van Royen, fan om 1735 hinne, wurdt oan Anna Folkema taskreaun.
Har etsen en gravueres ferskynden yn:
- Il callotto resuscitato, oder Neu eingerichtes Zwerchen Cabinet (Amsterdam 1716, en om 1720).
- R. van Leuve, ’s Waerelds koopslot of de Amsteldamse beurs, opnaam yn: Idem, Mengelwerken (Amsterdam 1723) [printen fannijs brûkt yn: Gebouwen, gezichten en oudheden der stad Amsterdam (Haarlim 1741, 1744)].
- Claas Bruin, Dichtmaatige gedachten over honderdvyfenvyftig bybelsche printverbeeldingen (Amsterdam 1727).
- Oar wurk yn û.m.: Ryksprintekabinet (Amsterdam), Stedsargyf Amsterdam (Argyf famylje Backer).
| Boarnen, noaten en/as referinsjes: |
|