Aleksander Nevski-katedraal (Tver)

Ut Wikipedy
Aleksander Nevski-katedraal

Собор Александра Невского

bouwurk
Церковь святого князя Александра Невского (47762398421).jpg
lokaasje
lân Flag of Russia.svg Ruslân
oblast Flag of Tver Oblast.svg Tver
plak Flag of Tver.png Tver
koördinaten 56° 50' N 35° 53' E
bysûnderheden
type bouwurk Katedraal
boujier oarspronklike bou 1891-1893; weropbou 2010-2013
sloopjier 1983
arsjitekt F.N. Malinovski
boustyl Neorussyske arsjitektuer 19e iuw
offisjele webside
sobor-nevskogo.ru

De Aleksander Nevski-katedraal (Russysk: Собор Александра Невского) is in tsjerkegebou fan it bisdom Tver fan de Russysk-Otterdokse Tsjerke. De katedraal stiet by it treinstasjon fan Tver.

Skiednis[bewurkje seksje | boarne bewurkje]

De bou fan de oarspronklike tsjerke fûn plak tsjin it ein fan de 19e en it begjin fan de 20e iuw. De stêd makke yn dy tiid troch nije fabriken en in tannimmend ynwennertal in foarse groei mei. De bewenners, dy't yn de delsetting by it stasjon wennen, fersochten in nije tsjerke te bouwen. Noch yn itselde jier joech Aleksander II tastimming foar de bou fan in tsjerke, wêrfoar't in stik lân oan it Privokzalnaja-plein tawiisd waard en de arsjitekt A. Fedorova krige opdracht om in ûntwerp te meitsjen.

Brek oan jild en oare swierrichheden soargen foar fertraging fan de bouplannen en lieden ta it meitsjen fan in nij projekt troch F.N. Malinovski yn 1889. It plan krige yn it ramt fan de neitins oan de mirakuleuze redding fan tsaar Aleksander Aleksandrovitsj en syn famylje by de treinramp op 17 oktober 1888 yn Borki by Charkov goedkarring en op 30 augustus 1891 waard útein set mei de bou fan de tsjerke, dy't twa jier letter op 30 augustus 1893 ôfsletten wurde.

Yn 1929 waard de tsjerke sletten, de koepels en klokketoer waarden sloopt en it ûntwijde gebou waard dêrnei foar ferskillende funksjes ferboud. Nei de kriich wie yn de eardere tsjerke in winkel ûnderbrocht. Mei de bou fan in nije stasjon en de werynrjochting fan it plein by it stasjon waard it restant fan de tsjerke yn 1983 ôfbrutsen.

Weropbou[bewurkje seksje | boarne bewurkje]

In yn 2009 stifte groep minsken fan û.o. ûndernimmers en foaroansteande ynwenners fan Tver krewearren foar de weropbou fan de tsjerke en op 20 oktober 2010 waard útein set mei de rekonstruksje fan de nije Katedraal fan de hillige rjochtfeardige prins Aleksander Nevski oan it Stasjonsplein. By de earste stienlizzing wiene fersjintwurdigers fan it stedsbestjoer oanwêzich en filantropen, fan wa't de nammen op in plakette yn de katedraal fêstlein binne.

Op 12 septimber 2013 waarden de krusen en koepels op de nijbou set. De earste tsjint yn de rekonstruearre tsjerke fûn plak op Peaskesnein, 12 april 2015.

De rekonstruksje fan de katedraal fûn plak mei help fan bewarre tekenings út de 19e iuw.

Boarnen, noaten en referinsjes[boarne bewurkje]

Boarnen, noaten en/as referinsjes:

Dizze side is alhiel of foar in part in oersetting fan de Russysktalige Wikipedyside; sjoch foar de bewurkingsskiednis: ru:Собор Александра Невского (Тверь)