Besjoch de boarne foar Afro-Aziatyske talen

{{Universele ynfoboks taalfamylje
| namme                        = Afro-Aziatyske talen
| oare namme(n)                = Hamito-Semitysk, Semito-<br>Hamitysk, Afraziatysk
| lokaasje                     = [[Noard-Afrika]], de [[Hoarn fan Afrika|Hoarn fan<br>Afrika]], dielen fan [[West-Afrika]], <br>it [[Midden-Easten]] en [[Malta]]
| tal talen                    = ±300
| tal sprekkers                = >495 miljoen <small>(2018)</small>
| taalfamylje                  = ''gjin algemien akseptearre <br>heger nivo fan taalfamylje''
| subgroepen                   = ● [[Berbertalen|Berbersk]] <br> ● [[Egyptysk]] †<br>● [[Kûsjityske talen|Kûsjitysk]]<br>● [[Omoatyske talen|Omoatysk]]<br>● [[Semityske talen|Semitysk]]<br>● [[Tsjadyske talen|Tsjadysk]] 
}}
De '''Afro-Aziatyske talen''' foarmje in grutte [[taalfamylje]] fan likernôch 300 ûnderskate [[talen]], dy't sprutsen wurde yn [[Noard-Afrika]], de [[Hoarn fan Afrika]], dielen fan [[West-Afrika]], it meastepart fan it [[Midden-Easten]] en op [[Malta]]. Oare nammen foar de famylje binne '''Hamito-Semitysk''', '''Semito-Hamitysk''' (beide no fierhinne yn ûnbrûk rekke) en '''Afraziatysk''' (nea bot yn gebrûk kommen). Fierwei de grutste taal fan 'e groep is it [[Arabysk]], in [[dialektkontinuum]] dat rikt fan 'e [[Atlantyske Oseaan]] oant de [[Arabyske See]]. In oar bekend lid fan 'e famylje is it [[Hebriuwsk]], de nasjonale taal fan [[Israel]]. It [[Malteesk]] is de iennichste Afro-Aziatyske taal dy't fan oarsprong bûten [[Afrika]] en [[Aazje]] sprutsen wurdt. Mei mear as 495&nbsp;miljoen [[memmetaal]]sprekkers foarmje de Afro-Aziatyske talen anno [[2018]] de op trije nei grutste taalfamylje fan 'e wrâld (nei de [[Yndo-Jeropeeske talen|Yndo-Jeropeeske]], de [[Sino-Tibetaanske talen|Sino-Tibetaanske]] en de [[Niger-Kongoleeske talen]]). Njonken talen dy't hjoed de dei noch sprutsen wurde, omfettet de Afro-Aziatyske taalfamylje ek [[útstoarne talen]], dy't ta de ierst oerlevere talen fan 'e wrâld hearre, lykas it [[Egyptysk]] út 'e tiid fan 'e [[farao's]] en it [[Akkadysk]] fan [[Assyryske Ryk|Assyrje]] en [[Babyloanje]].

==Nammen==
Yn 'e iere [[njoggentjinde iuw]] waarden de [[Berbertalen]] mei de [[Kûsjityske talen]] en it [[Egyptysk]] op ien bulte smiten ûnder de oantsjutting 'Hamityske talen'. Krekt as '[[Semityske talen]]' wie dy namme ôflaat fan 'e [[Bibel]], dêr't yn ''[[Genesis (bibelboek)|Genesis]]'' de [[soan]]nen fan [[Noäch (bibelsk persoan)|Noäch]] neamd wurde as [[Sem (bibelsk persoan)|Sem]], [[Cham (bibelsk persoan)|Cham]] en [[Jafet]]. (Der wie ek in taalgroep dy't de 'Jafetityske talen' neamd waard: wat no de [[Súdkaukazyske talen]] binne.) Tsjin 'e [[1860-er jierren]] waard dúdlik dat de Hamityske talen en de Semityske talen eins by deselde [[supertaalfamylje]] yndield wurde moasten. De [[taalkundige]] [[Friedrich Müller (taalkundige)|Friedrich Müller]] stelde dêrom yn [[1876]] yn syn ''Grundriß der Sprachwissenschaft'' foar om 'e hiele famylje mar de Hamito-Semityske talen te neamen. [[Maurice Delafosse]] betocht yn [[1914]] de term Afro-Aziatyske talen, hoewol't dy oantsjutting pas yn algemien gebrûk kaam doe't de ynfloedrike [[Feriene Steaten|Amerikaanske]] taalkundige [[Joseph Greenberg]] dêr yn [[1950]] formeel op oankrong. 

Greenberg woe ôf fan 'e namme Hamitysk om't de Hamityske talen by neier ynsjen gjin jildige taalkloft foarmen: de Berbertalen, Kûsjityske talen en it Egyptysk binne net nauwer [[taalbesibskip|oaninoar besibbe]] as oan 'e oare Afro-Aziatyske taalgroepen. Dêrnjonken wurde yn 'e Bibel de soannen fan Noäch oantsjut as de stamfaars fan it [[Joaden|Joadske]] (Sem), it [[negroïde]] (Cham) en it [[jeropide ras|blanke ras]] (Jafet), en Greenberg woe ek dúdlik meitsje dat de ferskynsels [[taal]] en [[taalbesibskip]] neat mei [[ras (klassifikaasje fan minsken)|ras]] te krijen hawwe. Neitiid hawwe oare taalkundigen op yndividuële basis foar de Afro-Aziatyske taalfamylje oare nammen betocht, lykas "Eritreesk" (Tucker, 1966), "Lisramysk" (Hodge, 1972) en Afraziatysk, in gearlûking fan Afrikaansk en Aziatysk (Diakonov). De term 'Hamito-Semitysk' wurdt noch altyd brûkt yn [[wittenskip]]like fermiddens yn beskate [[Jeropa|Jeropeeske]] lannen en ek by de [[oerheid]] fan [[Yndia]], dy't de oantsjutting foar de yndieling fan talen by [[folkstelling]]s brûkt.

==Underferdieling==
{| class="wikitable" style="width: 400px;"
|- style="vertical-align: top;"
| scope="row" style="width: 50%; background-color: White Smoke;" | {{Stambeam2}}
* <big>'''Afro-Aziatyske talen'''</big>
** [[Berbertalen]]
***[[Eastlike Berbertalen]]
***[[Eastnumidysk]] † <small>(ek Numidysk of Aldlibysk)</small>
***[[Gûantsje (taal)|Gûantsje]] †
***[[Noardlike Berbertalen]]
***[[Tamasjek|Tûarek-talen]]
***{{Stambeam2/ein tûke}} [[Westlike Berbertalen]]
** [[Egyptysk]] †
** [[Kûsjityske talen]]
***[[Eastkûsjityske talen]]
****[[Dahalo (taal)|Dahalo]]
****[[Heechlânske Eastkûsjityske talen]]
****[[Jakû-Dûllai-talen]]
****{{Stambeam2/ein tûke}}[[Leechlânske Eastkûsjityske talen]]
***[[Middenkûsjityske talen]]
***[[Noardkûsjityske talen]]
***{{Stambeam2/ein tûke}} [[Súdkûsjityske talen]]
** [[Omoatyske talen]]
***[[Noardomoatyske talen]]
***{{Stambeam2/ein tûke}} [[Súdomoatyske talen]]
** [[Semityske talen]]
***[[Eastsemityske talen]] †
***{{Stambeam2/ein tûke}} [[Westsemityske talen]]
****[[Middensemityske talen]]
*****[[Arabyske talen]]
*****{{Stambeam2/ein tûke}} [[Noardwestsemityske talen]]
******[[Amoritysk]] †
******[[Arameeske talen]]
******?[[Eteosyprioatysk]] †
******{{Stambeam2/ein tûke}} [[Kanaänityske talen]]
******* [[Noardkanaänityske talen]] †
*******{{Stambeam2/ein tûke}}[[Súdkanaänityske talen]]
****{{Stambeam2/ein tûke}} [[Súdsemityske talen]]
*****[[Súdarabyske talen]]
*****{{Stambeam2/ein tûke}} [[Westlike Súdsemityske talen]]
******[[Aldsúdarabyske talen]] †
******{{Stambeam2/ein tûke}} [[Etiopyske talen]]
******* [[Noardetiopyske talen]]
*******{{Stambeam2/ein tûke}}[[Súdetiopyske talen]]
**{{Stambeam2/ein tûke}} [[Tsjadyske talen]]
***[[Biû-Mandara-talen]]
***[[Easttsjadyske talen]]
***?[[Kûdjargé (taal)|Kûdjargé]]
***[[Masa-talen]]
***{{Stambeam2/ein tûke}} [[Westtsjadyske talen]]
{{Stambeam2/ein}}
|-
|}
Hoewol't taalkundigen it oer it algemien iens binne oer de seis haadtûken fan 'e Afro-Aziatyske talen, besteane der ferskate striidpunten. De [[Omoatyske talen]], dy't yn it súdwesten fan [[Etioopje]] sprutsen wurde, foarmje it meast omstriden diel fan 'e taalfamylje, om't de [[grammatika]]le skaaimerken dêr't de taalkundigen ornaris it measte gewicht oan takenne by de yndieling fan [[taalbesibskip]], by de Omoatyske talen fierhinne net oerienkomme mei dy fan 'e oare dielen fan 'e Afro-Aziatyske famylje. Greenberg beskôge de Omoatyske talen as in ûnderdiel fan 'e [[Tsjadyske talen]], wylst oare saakkundigen har ôffrege hawwe oft sels de yndieling as in ôfwikende tûke fan 'e Afro-Aziatyske talen wol te ferantwurdzjen is.
[[File:Underlinge relaasje fan de Afro-Aziatyske taalgroepen.png|left|thumb|400px|De ûnderlinge relaasje fan 'e taalgroepen fan 'e Afro-Aziatyske taalfamylje.]]

As derfan útgien wurdt dat de Omoatyske talen ta de Afro-Aziatyske talen hearre (wat almeast dien wurdt), binne de taalkundigen it deroer iens dat dy taalgroep him dan as earste fan 'e [[Proto-Afro-Aziatysk]]e [[oertaal]] ôfspjalten hawwe moat, om't er de measte ferskillen mei de oare Afro-Aziatyske talen fertoant. Wat de ûnderlinge relaasje fan 'e oare Afro-Aziatyske subgroepen oangiet, dêr't is men it net oer iens, mar de teory dy't op 'e measte stipe rekkenje kin, is dat de ôfspjalting yn dizze folchoarder ferrûn is: Omoatysk, Tsjadysk, Egyptysk, Kûsjitysk, Berbersk en Semitysk.

De status fan it [[Ongota (taal)|Ongota]], dat sprutsen wurdt yn súdwestlik [[Etioopje]], is ek kontroversjeel, benammen troch it "mingde" foarkommen fan dy taal. Guon taalkundigen beskôgje it as in Eastkûsjityske taal op in [[Nilo-Saharaanske talen|Nilo-Saharaansk]] [[substraat]]. Mei oare wurden: it liket derop dat de [[Ongota (folk)|Ongota]] oarspronklik in Nilo-Saharaanske taal sprieken, mar dat dy ferkrongen is troch harren hjoeddeistige [[Kûsjityske talen|Kûsjityske taal]], dêr't lykwols restanten fan 'e ferlern giene Nilo-Saharaanske taal yn werom te finen binne. [[Harold C. Fleming]] stelde yn [[2006]] foar om it Ongota as in aparte tûke yn 'e Afro-Aziatyske talen op te nimmen.
[[File:Afro-Aziatisch NL.png|right|thumb|250px|De fersprieding fan 'e Afro-Aziatyske talen (giel).]]

It [[Bedja (taal)|Bedja]] fan súdlik [[Egypte]] en noardlik [[Sûdaan]] wurdt soms ek as in aparte tûke fan 'e Afro-Aziatyske talen oantsjut. Faker wurdt it lykwols by de Kûsjityske talen ûnderbrocht, ek al wykt it dêr frij sterk fan ôf.

It [[Kûdjargé (taal)|Kûdjargé]], in taal út eastlik [[Tsjaad]], soe Afro-Aziatysk wêze kinne, mar dêr binne de taalkundigen it noch net oer iens. [[Roger Blench]] stelde yn [[2008]] fêst dat de basis[[wurdskat]] der Afro-Aziatysk útsjocht, en spekulearre dat it in konservative oergongsfoarm tusken de Tsjadyske en de Kûsjityske talen wêze koe.

It útstoarne [[Meroïtysk]] út 'e [[Aldheid]] fan Etioopje is troch guon taalkundigen oandroegen om yn 'e Afro-Aziatyske talen opnommen te wurden, mar de measten sjogge dêr net genôch bewiis foar. It Meroïtysk wurdt sadwaande oer it algemien noch altyd klassifisearre as in [[isolearre taal]].

==Sprekkers==
De Afro-Aziatyske talen hiene yn [[2018]] mear as 495&nbsp;miljoen [[memmetaal]]sprekkers. Dêrmei foarmen se de op trije nei grutste taalfamylje fan 'e wrâld, nei de [[Yndo-Jeropeeske talen|Yndo-Jeropeeske]], de [[Sino-Tibetaanske talen|Sino-Tibetaanske]] en de [[Niger-Kongoleeske talen]], en krekt foàr de [[Austronezyske talen]]. Fan 'e Afro-Aziatyske talen hat it [[Arabysk]] fierwei de measte sprekkers, mear as 310&nbsp;miljoen. Dat is eins net ien taal, mar in [[dialektkontinuum]], dat rikt fan 'e [[Atlantyske Oseaan]] yn [[Marokko]] oant de [[Arabyske See]] yn [[Omaan]]. Op it twadde plak komt it [[Hausa (taal)|Hausa]], in Tsjadyske taal út noardlik [[Nigearia]] en súdlik [[Niger]], dy't mear as 40&nbsp;miljoen sprekkers hat en troch nochris 20&nbsp;miljoen oaren yn 'e [[Sahel]] as ''[[lingua franca]]'' brûkt wurdt. 

It [[Oromo (taal)|Oromo]] (of Galla) wurdt troch 34&nbsp;miljoen minsken sprutsen yn [[Etioopje]] en noardlik [[Kenia]]. It [[Amhaarsk]], fan âlds de nasjonale taal fan Etioopje, hat mear as 25&nbsp;miljoen sprekkers. Dêrnei folgje it [[Somalysk]] fan [[Somaalje]], [[Dzjibûty]] en eastlik Etioopje mei 16&nbsp;miljoen sprekkers en it [[Afar (taal)|Afar]] (of Danakil) fan noardlik Etioopje, [[Eritreä]] en Dzjibûty mei 7,5&nbsp;miljoen. Oare wichtige Afro-Aziatyske talen binne it [[Tigrinja (taal)|Trigrinja]], de nasjonale taal fan Eritreä, it [[Hebriuwsk]], de nasjonale taal fan Israel en it [[Malteesk]], de nasjonale taal fan [[Malta]], dat de iennichste Afro-Aziatyske taal is mei in fersprieding dy't fan oarsprong bûten [[Afrika]] en [[Aazje]] leit.
[[Ofbyld:Proto-Afroasiatic homeland and dispersal.png|left|thumb|250x250px|In teory oer de ''Urheimat'' fan 'e sprekkers fan it [[Proto-Afro-Aziatysk]].]]

==Skiednis==
===Oarsprong===
Der bestiet gjin ienriedigens mank taalkundigen oer hokker gebiet as it oarspronklike heitelân (de ''Urheimat'') sjoen wurde kin fan 'e sprekkers fan it [[Proto-Afro-Aziatysk]], de [[oertaal]] dêr't alle lettere Afro-Aziatyske talen út fuortkommen binne. De wichtichste teoryen rjochtsje har op it grinsgebiet tusken de [[Hoarn fan Afrika]] en [[East-Afrika]], de eastlike [[Sahara]] en de [[Fruchtbere Healmoanne]] fan it [[Heine Easten]]. 

===Oerlevering===
De ierste oerlevering yn [[skrift|skreaune foarm]] fan in Afro-Aziatyske taal betreft it [[Aldegyptysk]] wêrfan't in ynskripsje datearret fan omtrint [[3400&nbsp;f.Kr.]] [[Symboal]]en dy't sterk op [[hieroglifen]] lykje en dy't weromfûn binne op [[diggelguod]] út 'e [[Nakada&nbsp;II]]-[[kultuer]] suggerearje sels dat de oerlevering fan it Egyptysk tebek giet oant [[4000&nbsp;f.Kr.]] Dat jout in minimumâldens foar de Afro-Aziatyske talen dy't dêrmei 6.000 jier bedraacht. It Aldegyptysk wiek lykwols al sterk ôf fan it Proto-Afro-Aziatysk, en dêr kin út ôflaat wurde dat der al frijwat tiid ferstrutsen wêze moat sûnt it Egyptysk him fan dy oertaal ôfspjalte. Skattings oer wannear't it Proto-Afro-Aziatysk sprutsen waard, rinne sterk útinoar, mei't guon taalkundigen it op [[7500&nbsp;f.Kr.]] hâlde (9.500 jier lyn), wylst oaren earder tinke oan [[prehistoarje|16.000&nbsp;f.Kr.]] (18.000 jier lyn). Dy lêste datearring giet in stik fierder yn 'e tiid werom as de datearring fan 'e measte oare [[oertalen]].
[[File:Detailed Afroasiatic map.svg|right|thumb|400px|Detaillearre [[lânkaart]] fan 'e Afro-Aziatyske talen.]]

===Klassifikaasje===
De klassifikaasje fan 'e Afro-Aziatyske talen as taalfamylje sette al yn 'e [[njoggende iuw]] útein, doe't de [[Joaden|Joadske]] [[grammatika|grammatikus]] [[Juda ibn Koeraisj]], út [[Tiaret]], yn [[Algerije]], foar it earst oerienkomsten tusken de [[Semityske talen]] en de [[Berbertalen]] fêststelde. Hy koe it Semitysk troch syn stúdzje fan [[Arabysk]], [[Hebriuwsk]] en [[Arameesk]], en hearde it Berbersk eltse dei om him hinne. It duorre oant de [[njoggentjinde iuw]] foar't [[Jeropa|Jeropeeske]] taalkundigen deselde link leine. Yn [[1844]] stelde [[Theodor Benfey]] in taalfamylje foar dy't bestean soe út 'e Semityske talen, de Berbertalen en de Kûsjityske talen (dy't er doe "Etiopyske talen" neamde). [[Friedrich Müller]] publisearre yn [[1876]] syn ''Grundriß der Sprachwissenschaft'', wêryn't er in Hamito-Semityske taalfamylje foarstelde dy't bestie út 'e Semityske talen en de 'Hamityske talen'. Dy lêste groep stalde er gear út it Egyptysk, de Berbertalen en de Kûsjityske talen, mar de Tsjadyske talen sleat er bûten.

It wie de [[egyptology|egyptolooch]] [[Karl Richard Lepsius]] dy't de Hamityske talen útwreide mei oare net-Semityske talen fan [[Noard-Afrika]], te witten: de Tsjadyske talen en it [[Bedja (taal)|Bedja]]. Lepsius dielde sawol it [[Hausa (taal)|Hausa]] as it [[Nama (taal)|Nama]] yn by de Hamityske groep. Wat it Hausa oangie, oer de yndieling wêrfan't doedestiden nochal wat twifel bestie, hied er gelyk, mei't dat yndie in Tsjadyske taal is. It Nama, dat sprutsen wurdt yn [[Namybje]], is lykwols in [[Koisan-talen|Koisan-taal]], dy't neat mei it Afro-Aziatysk te krijen hat. Dy misslach is te ferklearjen trochdat sawol Müller as Lepsius by harren yndieling net inkeld op taalkundige ynformaasje fertrouden, mar teminsten likefolle op [[antropology]]ske arguminten, lykas libbenswize, en [[ras (klassifikaasje fan minsken)|rasiale]] skaaimerken, lykas [[hûdskleur]].

Yn [[1912]] publisearre [[Carl Meinhof]] ''Die Sprachen der Hamiten'', wêryn't er ek it [[Sandawe (taal)|Sandawe]] en it [[Hadza (taal)|Hadza]] by de Hamityske taalgroep yndielde, en sels [[Nilo-Saharaanske talen]] (lykas it [[Masai (taal)|Masai]]) en [[Niger-Kongoleeske talen]] (lykas it [[Fûlany (taal)|Fûlany]]). Syn yndieling stie lykwols oant yn 'e [[1940-er jierren]] yn heech oansjen. Meinhof ferliet him útslutend op it idee dat 'sprekkers fan Hamityske talen' [[synonym]] wie mei '[[nomade|nomadyske]] [[feehâlderij|feehoeders]]'. Hy leaude dat dy libbenswize oantoande dat sokke folken yn prinsipe fan oarsprong [[jeropide ras|blank]] west hiene en dat se dêrom folslein ferskilden fan en superieur wiene oan 'e echte '[[negroïde|negers]] fan Afrika'.
[[File:Africa_ethnic_groups_1996.jpg|left|thumb|250px|De fersprieding fan Afro-Aziatysktalige [[folk]]en (giel) yn ferhâlding ta oare [[etnyske groep]]en yn [[Afrika]].]]

Yn [[1924]] wie [[Marcel Cohen]] ien fan 'e earsten dy't it bestean fan in Hamityske taalgroep ôfwiisde en de Hamityske subgroepen op ien hichte stelde mei de Semityske talen. Yn [[1950]] makke it wurk fan [[Joseph Greenberg]] fierhinne in ein oan it gebrûk fan 'Hamitysk' as in taalkundige oantsjutting. De Hamityske taalgroep waard skrast, en foar de namme Hamito-Semitysk kaam 'Afro-Aziatysk' yn it plak, dat ferwiisde nei it ferspriedingsgebiet fan 'e talen yn Afrika en Aazje. Fierders waarden Meinhof syn tafoegings foargoed út 'e Afro-Aziatyske talen ferwidere en wer tafoege oan 'e taalfamyljes dêr't se echt by hearden. It Sandawe en it Hadza wurde no beskôge as [[isolearre talen]], wylst de Koisan-talen ûnderwilens yn ferskate lytsere groepen útinoar fallen binne. Yn [[1969]] stelde [[Harold C. Fleming]] foar om wat doe de Westkûsjityske talen neamd waarden, los te meitsjen fan 'e Kûsjityske taalgroep en ûnder de nije namme Omoatyske talen as in aparte tûke yn 'e Afro-Aziatyske talen op te nimmen. Dat foarstel is sûnt fierhinne algemien akseptearre.

==Ferbannen mei oare taalfamyljes==
Der bestiet gjin algemien akseptearre heger nivo fan [[taalbesibskip]] foar de Afro-Aziatyske talen. Nettsjinsteande dat hawwe ferskate taalkundigen besocht om links mei oare taalfamyljes te lizzen. Sa besocht [[Hermann Möller]] yn [[1906]] oant te toanen dat der in besibskipsrelaasje bestiet tusken de Semityske talen en de [[Yndo-Jeropeeske talen]]. Hy dielde dy beide taalfamyljes dêrom yn by de [[Yndo-Semityske talen]]. Dy teory hat tsjintwurdich net folle oanhing, hoewol't rûnom tajûn wurdt dat der [[grammatika]]le oerienkomsten tusken de talen fan 'e beide groepen besteane. Dy wurde lykwols net as foldwaande bewiismateriaal sjoen foar in besibskipsbân.

In oare teory hat te krijen mei de [[Nostratyske talen]], in betinksel fan 'e [[Denemark|Deenske]] taalkundige [[Holger Pedersen (taalkundige)|Holger Pedersen]] út [[1931]]. Dêrta soene de Afro-Aziatyske talen gearbrocht wurde moatte mei de Yndo-Jeropeeske, [[Oeralyske talen|Oeralyske]], [[Altayske talen|Altayske]], [[Jûkagierske talen|Jûkagierske]] en [[Dravidyske talen]]. 

[[Joseph Greenberg]] ûntstried yn [[2002]] it bestean net fan in bân fan Afro-Aziatysk mei de oare Nostratyske taalfamyljes, mar dy besibskip wie neffens him folle minder nau as dy fan 'e oare Nostratyske taalfamyljes ûnderling. Hy neamde dy oare taalfamyljes de [[Jeraziatyske talen]], dêr't er ek noch de [[Tsjûkotko-Kamtsjatkyske talen]], it [[Giljaaksk]], it [[Koreaansk]], de [[Japanske talen]], it [[Ainû (taal)|Ainû]] en de [[Eskimo-Aleoetyske talen]] oan tafoege. Yn [[2005]] stelde [[Sergej Starostin]] dan wer foar om dy Jeraziatyske talen mei de Afro-Aziatyske, [[Dravidyske talen|Dravidyske]] en [[Súdkaukazyske talen|Súdkaukazyske]] taalfamyljes ûnder te bringen by it Nostratysk. De [[Boreaanske talen]] soene dan noch wer in nivo heger stean en sawol de Nostratyske talen omfiemje as de [[Dené-Kaukazyske talen|Dené-Kaukazyske]] en de [[Austryske talen]].

==Sjoch ek==
*[[taalbesibskip]]

{{boarnen|boarnefernijing=
Foar boarnen en oare literatuer, sjoch ûnder: [http://en.wikipedia.org/wiki/Afroasiatic_languages ''References'', op dizze side].
}}

[[Kategory:Afro-Aziatyske talen| ]]
[[Kategory:Taalfamylje]]