Abovjan

	Abovjan; Աբովյան
	Polityk
Lân	Armeenje
Provinsje	Kotajk
	Sifers
Ynwennertal	35.400 (2016)
Oerflak	11 km²
Befolkingsticht.	± 2.300 / km²
Hichte	1.450 m
	Oar
Stifting	1963
Tiidsône	GMT+4 (UTC+4)
Simmertiid	GMT+5 (UTC+5)
	Offisjele webside
	Offisjele side

Abovjan (Armeensk: Աբովյան) is in stêd yn de Armeenske provinsje Kotajk. De stêd leit 10 kilometer noardeastlik fan de haadstêd Jerevan op in hichte fan likernôch 1.450 meter boppe seenivo.

Abovjan is neffens ynwennertal de op fjouwer nei grutste stêd fan it lân (sinsus 2011). De stêd hat goede ferbinings mei Jerevan en wurdt as noardlike tagongspoarte en foarstêd beskôge fan Jerevan.

De stêd ûnstie yn de jierren 1960 doe't it doarp Elar omdoopt waard ta Abovjan. Op it plato tusken de rivieren Hrazdan en Azat waard yn de jierren 1962-1963 de moderne stêd situearre, dy't him ûntwikkele ta in yndustrieel sintrum yn de Armeenske Sosjialistyske Sovjetrepublyk. De stêd is ferneamd nei de ferneamde Armeenske skriuwer Chatsjatûr Abovjan.

Befolking

Nei it útienfallen fan de Sovjet-Uny sakke it ynwennertal. Yn 1989 telde de stêd noch 59.000 ynwenners, yn 2009 wiene dat der noch mar 36.000. In offisjele rûzing yn 2016 gyng út fan in ynwennertal fan likernôch 35.400.

Mear dan 90% fan de befolking bestiet út etnyske Armeenjers. Hja stamme benammen ôf fan Armeenjers út de diaspora, dy't yn de jierren 1960 út Syrje, Iran en Libanon ferhûzen nei Armeenje en harren yn de nije stêd nei wenjen setten.

Fierder wenje der lytse minderheden fan Koerden, Jezidy's, Russen en Assyriërs.

Jier	1873	1897	1926	1939	1959	1970	1973	1976	1989	2001	2011	2016
Ynwennertal	360	548	897	1.024	2.289	14.700	28.500	38.400	58.671	44.596	43.495	35.400

(De sifers tusken 1873 en 1959 geane oer it tal ynwenners fan it eardere doarp Elar, dat tsjintwurdich ûnderdiel foarmet fan Abovjan.)

Wikimedia Commons

Ofbylden dy't by dit ûnderwerp hearre, binne te finen yn de kategory Abovjan fan Wikimedia Commons.