Abondance (ko)

Ut Wikipedy
Gean nei: navigaasje, sykje
Vache d'Abondance.jpg

De Abondance is hybride ko dy't ûnstien is yn it departemint Haute-Savoie yn Frankryk.

Beskriuwing fan it ras[bewurkje seksje | edit source]

De kij binne mids-grut; de ko waacht tusken de 580 en 680 kilogram (kg) en wurdt sa'n 1.30 m heech. Sy hawwe in goud-brune facht; in wite kop (útsein om de eagen hinne), ûnderkant fan it liif en úteinen fan de poaten.

De molke hat in moai lykwichtich fet- en aaiwythalte. De molke wurdt fanâlds brûkt foar it meitsjen fan Appellation d'Origine Contrôlée (AOC) tsiis, sa as de reblochon, abondance, tome des Bauges en de beaufort. Trochsneed molkproduksje is 5700 kg de laktaasjeperioade.

It ras wurdt bot wurdearre fanwege de grutte temperatuerferskillen dy't sy hawwe kinne, fruchtberens, molke, fleis, it lange libben en it maklike ôfkealjen.

Oarsprong[bewurkje seksje | edit source]

Abondance cows.jpg

It ras komt fan de Chablais yn de Haute-Savoie, dêr't it fokt waard troch de muontsen fan de abdij fan Sint-Maurice d'Agaune sûnt de 12e ieu. It ras waard yn it earstoan chablaisienne neamd.

Fersprieding[bewurkje seksje | edit source]

Op't heden binne der sa'n 150.000 Abondance-kij yn Frankryk. Sy binne ek útfierd nei Noard-Amearika, Irak en Afrika. Yn West-Afrika binne sy krúsd mei N'dama.