Abbottabad

Ut Wikipedy
Gean nei: navigaasje, sykje
Abbottabad
ایبٹ آباد
Sifers
Ynwennertal 120.888 (2006)
Hichte 1260 m
Polityk
Lân Pakistan
Provinsje Khyber-Pakhtunkhwa
Distrikt Abbottabad
Oar
Tiidsône PST (UTC+5)
Abbottabad yn Khyber Pakhtunkhwa

Abbottabad (ایبٹ آباد) is in stêd yn de regio Hazara fan de provinsje Khyber-Pakhtunkhwa yn Pakistan. De stêd leit yn de Orashdelling, 50 km noardeastlik fan Islamabad en 200 km be-easten Pesjawar.

De stêd is yn Pakistan ferneamd fanwege it moaie waar dêre, de goede ûnderwiisynstellingen (bynamme: Stêd fan de skoallen) en militêre ynstituten en dêr wenje in protte pinsjoenearre militêren.

Abottabad waard wrâldferneamd troch de oanfal op de filla fan Osama bin Laden op 2 maaie 2011 troch Amerikaanske militêren.

Juny 1948 iepene it Britske Reade Krús in sikehûs yn Abbottabad om de tûzenen pasjinten út Kasjmir, dêr't doe slim fjochte waard, opfange te kinnen.[1] Op 8 oktober 2005 waard Abbottabad slim rekke troch de ierskodding yn Kasjmir. It grutste part fan Abbottabad bleau oerein, mar in soad âlde gebouwen waarden ferneatige of skansearre.

Abbottabad fan de hichte Shimla ôf sjoen

Boarnen, noaten en referinsjes[bewurkje seksje | edit source]

Boarnen, noaten en/as referinsjes:
  1. Partition of India and Pakistan 1947 - British Red Cross