New American Library
| New American Library | ||
| Ofbyld:NAL logo.png | ||
| algemien | ||
| hist. namme | American Library of World Literature | |
| nasjonaliteit |  Amerikaansk
| |
| type | privaat | |
| sektor | útjouwerij | |
| haadkertier | New York (New York) | |
| oprjochte | 1948 | |
| oprjochter | Victor Weybright en Kurt Enoch | |
| eigner | Pearson PLC | |
| mem | Penguin Group | |
| dochters | sjoch ûnder ymprints | |
| offisjele webside | ||
| www.nalauthors.com | ||
De New American Library (NAL), in namme dy't oerset wurde kin as de "Nije Amerikaanske Bibleteek", is in Amerikaanske útjouwerij dy't oprjochte is yn 1948 en fêstige is yn New York. Dit bedriuw leit him benammen ta op 'e publikaasje fan betelbere paperback-werprintings fan literêre klassiken en wittenskiplike útjeften, hoewol't it ek wol populêre lektuer en net-wittenskiplike non-fiksje op 'e merk bringt.
Skiednis
De NAL waard yn 1948 oprjochte troch de Amerikaanske útjouwers Victor Weybright en Kurt Enoch, yn 't earstoan ûnder de namme fan American Library of World Literature ("Amerikaanske Bibleteek fan Wrâldliteratuer"). Fan it begjin ôf oan wie it in autonome Amerikaanske difyzje fan 'e Britske útjouwerij Penguin Books. By de NAL kamen wurken út fan skriuwers as James Joyce en William Faulkner, en hoewol't de ferkeap yn 'e Feriene Steaten sels de wichtichste merk foarme, eksportearre de NAL ek in protte nei it bûtenlân. Dêr kaam noch by dat it Amerikaanske Peace Corps, in helporganisaasje dy't jonge Amerikanen útstjoerde nei ûntwikkelingslannen, op in stuit 150.000 eksimplaren fan 52 NAL-titels bestelde om wei te jaan oan 'e frijwilligers.
Mei dêrtroch wie de NAL tige súksesfol en hie de útjouwerij tsjin 1965 fan 'e útjeften fan syn wichtichste ymprints, Mentor en Signet, mear as 50 miljoen eksimplaren ferkocht. Sels gie de NAL trije kear oer yn oare hannen. Yn 1960 waard it bedriuw oankocht troch Times Mirror fan Los Angeles, al behold it ûnder it nije bewâld syn autonomy. Yn 1983 kochten Odyssey Partners en Ira J. Hechler de NAL foar in bedrach fan mear as $50 miljoen fan Times Mirror. Fjouwer jier letter, yn 1987, waard de útjouwerij lykwols wer yntegrearre yn syn oarspronklike memme-ûndernimming, doe't de NAL oankocht waard troch de Penguin Group. Sûnt dy tiid is de NAL in difyzje fan Penguin bleaun.
Ymprints
- NAL Accent
- Mentor Books (meast non-fiksje, sûnt 1979)
- Mentor-Omega (roomsk-katolike filosofy)
- Mentor Executive Library (saaklike en ekonomyske non-fiksje)
- Obsidian Books
- Onyx Books
- Plume (sûnt 1970)
- Signet Books (fiksje, sûnt 1948)
- Signet Classics (werprintingen fan literêre klassiken)
- Signet Eclipse
- Signet Key (fiksje foar jongfolwoeksenen)
- Signet Select
- Signet Science (wittenskiplike útjeften)
- Roc Books (science fiction en fantasy)
- Topaz Books
Keppelings om utens
| Boarnen, noaten en/as referinsjes: |
|
Foar boarnen en oare literatuer, sjoch ûnder: References, op dizze side. |