Rienk Ulbesz (skûtsje)
| |||||
| |||||
| Eigener | Stichting Ljouwerter Skûtsje | ||||
| Plak | Ljouwert (stêd) | ||||
| Werf | Roorda, de Piip, Drachten | ||||
| Boujier | 1915 | ||||
| Kleur | grien | ||||
| Lingte | 19.50 | ||||
| Breedte | 3.82 | ||||
| Holte | 1.15 | ||||
| Djipgong | 0.38 | ||||
| Skipper | Willem Zwaga | ||||
| Tonnaazje | 45 | ||||
Rienk Ulbesz is in skûtsje dat foar Ljouwert meidocht oan it SKS-skûtsjesilen. De bemanning fan it Ljouwerter Skûtsje ûntdekte it hjoeddeiske skip yn Amsterdam, dêr't t as wenboat lei. It skip is neamd nei skûtsjeskipper Ulbe Zwaga en syn soan Rienk. Eigener fan iet skûtsje is de Stichting Ljouwerter Skûtsje. Oan de Ljouwerter stedsgrêft is it by't winter feestlik ferljochte. De liuw as seilteken komt fan it Ljouwerter stêdswapen.
Ljouwert nimt sûnt 1963 mei in eigen skip diel oan it SKS skûtsjesilen. Nei ferskate wikselingen fan skipper kaam Rienk Ulbesz Zwaga oan it roer te stean. Hy wie earder kampioen wurden mei de skûtsjes fan Langwar en de Súdwesthoeke. Yn 1986 koften de Ljouwerters in nij skip, dat neamd waard nei Rienk’s heit, Ulbe Zwaga, dy t yn 1985 ferstoarn wie. Mei dit skûtsje behellen de Ljouwerters wikseljende resultaten.
Yn 1992 waard der wer in nij skûtsje oanskaft. It wie de bedoeling dat Rienk Zwaga mei dit nije skip sile soe, mar hy ferstoar foardat it skûtsjesilen begong. Hy waard ferfong troch syn broer Lammert Zwaga. It nije skûtsje, yn 1914 boud op de Skipwerf De Piip yn Drachten, krige de namme “Rienk Ulbesz”.
Yn 1995 waard Rienk syn soan Ulbe Rienksz Zwaga de nije skipper. Dy behelle yn 1998 en 1999 de alderearste kampioenskippen fan it Ljouwerter skûtsje. Troch swierrichheden mei it bestjoer waard er earst foar trije jier útsletten en dêrnei hat er him weromlutsen.. Yn 2017 waard Willem Zwaga (in soan fan Ulbe Rienksz) de nije skipper.
Skûtsjes
[bewurkje seksje | boarne bewurkje]- 1963-1978 : Op Hoop van Zegen
- 1979-1985 : De Nieuwe Zorg
- 1986-1991 : Ulbe Zwaga
- sûnt 1992 : Rienk Ulbesz.
Skippers
[bewurkje seksje | boarne bewurkje]- 1963-1964 : Siete Meeter
- 1965-1970 : Sietse Tjittesz. Brouwer
- 1971-1984 : Albert van Akker
- 1985-1991 : Rienk Ulbesz. Zwaga
- 1992-1994 : Lammert Ulbesz. Zwaga
- 1995-2002 : Ulbe Rienksz. Zwaga
- 2003-2005 : Evert (Epie) van der Pol
- 2006: Ulbe Rienkszn. Zwaga
- 2007-2012 : Jappie Meeter
- 2013-2016 : Siete Ezn. Meeter
- 2017 - no: Willem Ulbesz Zwaga
SKS kampioen
[bewurkje seksje | boarne bewurkje]| Oantal | Skipper | Kampioen yn |
|---|---|---|
| 2 | Ulbe Rienks Zwaga | 1998 - 1999 |