Roubaix

	Roubaix
	Stedhûs fan Roubaix ; Wapen fan Roubaix
	Bestjoer
Lân	Frankryk
Regio	Opper-Frankryk
Departemint	Noarderdepartemint (59)
Boargemaster	Guillaume Delbar
	Sifers
Ynwennertal	98.828 (2019)
Oerflak	13,23 km²
Befolkingsticht.	7.470 ynw. km²
Stêdekloft	Jeropeeske metropoal fan Risel
Hichte	35 m. boppe seenivo (17–52 m)
	Oar
Postkoade	59100
Tiidsône	UTC +1
Simmertiid	UTC +2
Koördinaten	50° 41′ N, 3° 10′ E
	Offisjele webside
	www.ville-roubaix.fr

Roubaix (Nederlânsk: Robaais; West-Flaamsk: Roboais) is in âlde yndustrystêd yn it noarden fan Frankryk, flak by de Belgyske grins. De stêd hie sa likernôch 96 tûzen ynwenners yn 2013 en wie dêrmei nei Risel en Amiens de op twa nei grutste stêd fan de regio Opper-Frankryk^[2]. Roubaix foarmet in konurbaasje, mei de omlizzende stêden, Risel, Tourcoing, Villeneuve-d'Ascq en 86 oare gemeenten, wêr mear as in miljoen minsken wenje, dy't ûnder it gesach feriene fan in stêdekloft falt: de Jeropeeske metropoal fan Risel^[3].

Mei de Yndustriële Revolúsje fan de njoggentjinde ieu, groeide Roubaix yn rap tempo. De befolking woeks fan 8.091 yn 1800 nei 124.661 yn 1896. De stêd doe waard in sintrum fan ynternasjonaal belang foar de wol- en tekstylyndustry en waard dêrom ek wol 'It Mansjester fan Frankryk' ferneamd. Mids 20e iuw rekke de tekstylsektor yn ferfal. Sûnt moat de ekonomy fan Roubaix it meast hawwe fan kultuer, mar seker ek fan toerisme. It Museum foar Keunst en Yndustry^[4] en it Museum foar Tekstylen^[5] lûke in soad minsken.

De stêd is hjoed-de-dei foaral bekend as oankomstplak fan de hurdfytswedstryd Parys-Roubaix.

Befolking

Roubaix is bekend om syn sosjaal, kultureel en etnysk ferskaat. De ynwenners fan de stêd wurde yn it Frânsk “Roubaisiens” en yn it Pikardysk “Roubégnos” neamd.