Wire

Ut Wikipedy
Gean nei: navigaasje, sykje
Wire tidens in konsert (2008) yn Turyn

Wire is in Britske postpunk-groep, dy't fan 1976 ôf mei pauzes aktyf west hat. De band jildt as ien fan de ynfloedrikste eksperimintele rochbands.

Gearstalling[bewurkje seksje | edit source]

Colin Newman is de foaroanman fan de formaasje; de oare trije leden binne Bruce Gilbert as gitarist, Robert Grey (alias Robert Gotobed) as drummer en Graham Lewis as bassist en meisjonger. Gotobed ûntsloech himsels yn 1990 om't er himsels net mear noadich achte doe't de groep in kar makke foar elektroanika — dêrop feroare de band har namme ta trije letters: Wir, lykwols sûnder de útspraak /waıə/ te wizigen. As Wir wurdt ien album útbrocht. Nei de weromkomst fan Robert Grey yn 2000 waard de namme feroaring wer ûngedien makke.

Punkrock[bewurkje seksje | edit source]

Wire wie ynearsten in punkrockgroep. Har earste album Pink Flag, út 1977, is in skoallefoarbyld fan simpele punk mei aparte net regelmjittige songstrukturen en in grut oantal tige koarte nûmers, fan soms amper in heale minút. Op dat album stie ek it nûmer 'Mannequin', dat in ier new wave-ikoan wurden is. Yn 1978, mei Chairs Missing, waard de simpele punk al wat tebek set. Producer Mike Thorne soarge foar fernijende syntesizerkonstruksjes dy't it stimmige, evokative karakter fan de groep stal joech.

Eksperiminteel[bewurkje seksje | edit source]

Fan it album 154 ôf yn it dêrop folgjende jier waard noch mear eksperimintearre. Soks is goed te hearren oan de ynmoedige tsjustere nûmers 'A Touching Display' en 'The Other Window' en oansteklike popdeuntsjes as 'Map Ref. 41°N 93°W' en 'The 15th'. Lykwols late dizze twaspjalt ta ferskillende stilistyske rjochtingen, wat opfalt yn it live-album Document and Eyewitness is dat it fol stiet mei eksperiminteel materiaal.

Soloprojecten[bewurkje seksje | edit source]

Nei 1981 foel Wire de fakto út elkoar en gongen de bandleden har eigen wei. Colin Newman gie solo, Gilbert en Lewis foarmen de band Dome. Yn 1985 kaam de band wer by elkoar. It wurk dat se fan doe ôf makken gong hieltyd mear de kant út fan elektroanyske muzyk, wêrtroch't drummer Gotobed oerstallich waard. Yn de 90-jierren wurken de bandleden meast oan har eigen projekten, it ienige album fan it trijemanskip is The First Letter dat mei mingde reaksjes ûntfongen waard. Pas yn 1999 geane de bandleden har wer mear mei Wire bemuoien en ûntwikkelje in oare styl mei hoekige gitaarpartijen en snelle drums. Twa EP's en it album Send wurde útbrocht.

Ynfloed[bewurkje seksje | edit source]

Wire wurdt troch in protte letter rockgroepen sjoen as in wichtige ynspiraasjeboarne. Nettsjinsteande in lytske tal platen dat fan de band ferkocht binne, is har reputaasje mânsk en falt te fergelykjen mei bands as The Velvet Underground.

Diskografy[bewurkje seksje | edit source]

Albums[bewurkje seksje | edit source]

  • 1977 Pink Flag
  • 1978 Chairs Missing
  • 1979 154
  • 1981 Document and Eyewitness: Electric Ballroom (live)
  • 1987 The Ideal Copy
  • 1988 A Bell Is a Cup...Until It Is Struck
  • 1989 It's Beginning to and Back Again (live)
  • 1990 Manscape
  • 1991 Drill
  • 1991 The First Letter (als Wir)
  • 2003 Send
  • 2004 Wire on the Box: 1979 (CD+DVD, live)
  • 2005 The Scottish Play: 2004 (CD+DVD, live)

Keppeling om utens[bewurkje seksje | edit source]