Schiphol

Ut Wikipedy
Gean nei: navigaasje, sykje
Schiphol
Terminal E

Luchthaven Schiphol is de grutste Nederlânske lofthaven. Nei London Heathrow Airport, Aéroport de Paris-Charles de Gaulle en Flughafen Frankfurt am Main is it de fjirdgrutste lofthaven fan Europa. It leit yn de gemeente Haarlimmermar sa'n 15 kilometer besúdwesten fan Amsterdam.

Schiphol is de thúshaven fan de Nederlânske loftfeartmaatskippijen KLM, Martinair, ArkeFly, transavia.com en Amsterdam Airlines. Dêrneist is it ek de Europese hub fan Delta Air Lines en sûnt april 2011 de tredde hub fan priisfjochter Vueling. De lofthaven leit inkele meters ûnder seenivo en hat seis start- en lanningsbanen. Op it plak dêr't Schiphol no leit, hat earder it doarp Rijk lein. De namme "Schiphol" wurdt ek brûkt as plaknamme, krektas Schiphol-Oost en Schiphol-Rijk.

De lofthaven is eigendom fan de Schiphol Group (statutêre namme: "N.V. Luchthaven Schiphol"), mei as oandielhâlders de Nederlânske Steat, en de gemeenten Amsterdam en Rotterdam.

Namme[bewurkje seksje | edit source]

De Nederlânsk namme fan de fleanhaven is Luchthaven Schiphol en is yn it Ingelsk bekend as Schiphol Amsterdam Airport. Oare Ingelske nammen binne Schiphol Airport, Amsterdam Airport, Schiphol Airport Amsterdam of Amsterdam Airport Schiphol neamd. Yn it Frysk wurdt de namme útsprutsen as Skiphol en wurdt yn Fryske teksten wol gauris sa skreaun.

Wikimedia Commons Ofbylden dy't by dit ûnderwerp hearre, binne te finen yn de kategory Amsterdam Airport Schiphol fan Wikimedia Commons.