Magellaanstrjitte
|
|
|
 |
|
| Lokaasje | |
| See | Atlantyske Oseaan/Grutte Oseaan |
| Koördinaten | {{{koordinaten}}} |
| Oerflakte | |
| Djipte (maks.) | m |
| Trochsneeddjipte | {{{trochsneeddjipte}}} m |
| Trochsneeddjipte | m |
| Breedte | ± 3 km |
| Maks. breedte | {{{breedtemaks}}} |
| Maks. breedte | |
| Lingte | 570 km |
| Oer | |
 Satellytfoto fan Magellaanstrjitte yn wie kleuren |
|
De Magellaanstrjitte is in seestrjitte yn it meast súdlike diel fan Súd-Amearika; it wetter leit tusken Patagoanje yn it noarden en Fjoerlân yn it suden. Hy is neamd nei de Portegeeske ûntdekkingsreizger Ferdinand Magellaan, dy't der yn 1520 foar it earst trochhinne farde by syn reis om de wrâld yn tsjinst fan de Spaanske Kroan.
De strjitte is in lytse 600 kilometer lang, en hat in protte eilannen. De ouwers binne Sileensk grûngebiet.
Oant it Panamakanaal iepene waard, wie de strjitte in wichtige rûte foar skippen ûnderweis nei de Stille Oseaan. Yn it tiidrek fan de sylskippen koe de trochfeart tige dreech wêze fanwege de sterke streamings en de fûle winen, dêr't min wat fan te sizzen wie, dy't dêr hearskje kinne, boppedat wie it lestich manoevrearjen yn de nauwe passazje. Yn it earstoan wie de rûte allinne bekend by de Portugezen en Spanjerds, mar letter wisten ek Ingelsen en Nederlanners fan de trochgong. Oant de ûntdekking fan Kaap Hoarn en de Drakestrjitte troch Le Maire en Schouten yn 1616 wie de Magellaanstrjitte tige fan belang om de Stille Oseaan te berikken, mar ek yn de 21e ieu is der noch in protte skipsferkear.
- Iere trochfearten nei Magellaan
- 1526 García Jofre de Loaísa farde yn 122 dagen troch de strjitte.
- 1540 Francisco de la Ribera: in skip fan syn fleat farde troch de strjitte.
- 1559 Juan Fernández Ladrillero wie de earste dy't strjitte yn hinne en wer trochkrúste.
- 1578 Francis Drake die 16 dagen oer de strjitte.
- 1584 Pedro Sarmiento de Gamboa farde yn 34 dagen fan west nei east.
- 1587 Thomas Cavendish farde yn 49 dagen troch de strjitte,
- 1594 Richard Hawkins die der 46 dagen oer.
- 1599 Simon de Cordes út de fleat fan Jacques Mahu farde yn 4 moannen troch de strjitte.
- 1600 Olivier fan Noort farde troch de strjitte yn in 116 dagen.
- 1615 Joris fan Spilbergen die der 34 dagen oer om de strjitte troch te reitsjen
Stavering [bewurkje seksje]
De krekte stavering fan de namme fan de seestrjitte leit net fêst. Strjitte (fan) Magellaan wurdt it meast brûkt. Dêrneist wurde ek de nammen Magalhãesstrjitte, Magallanesstraat, Strjitte Magallanes, Strjitte (fan) Magalhães en fariaasjes dêrop wol brûkt.
Gallery [bewurkje seksje]
-
Magellaanstrjitte moarns ier
-
Magellaanstrjitte by sinsûndergong
-
Magellaanstrjitte
-
Campana de Roldan is op dizze kaart fan Battista Agnese út 1544 te sjen as tredde lofts fan ûnderen
