Japanske yen

Ut Wikipedy
Gean nei: navigaasje, sykje
Japanske munten
Koers JPY - EUR.
Falutateken fan de yen

De yen (Japansk: 円, "en") is de muntienheid fan Japan. De yen wurdt yn it Latynske skrift ôfkoarte ta ¥, yn it Japansk wurdt de kanji 円 brûkt.

Troch it belang fan Japanse ekonomy is de yen yn de wrâld in wichtige muntienheid.

Grutte bedragen en Japanske taal[bewurkje seksje | edit source]

Troch de ferskillende wizen fan tellen yn Europa en Japan kin it lestich wêze om mei in Japanner oer grutte bedragen te sprekken. dêr't men yn Europa yn tûzenen en miljoenen praat (mei 3 sifers tagelyk), tinkt men yn Japan yn groepen fan 4 sifers (myriaden). As in net-Japanner dus oer 10 miljoen yen sprekt, sil in Japanner dit earste oersette moatte nei 1000 kear 10000 yen (of 1000万円) eardat hy in gefoel krije sil foar hoefolle it jild dat bedrach krekt is.

Munten en bankbiljetten[bewurkje seksje | edit source]

Der binne munten fan 1, 5, 10, 50, 100 en 500 yen. Der binne bankbiljetten fan 1.000, 5.000, 10.000 yen en it komselden brûkte biljet fan 2.000 yen.

Skiednis[bewurkje seksje | edit source]

Under en nei de Twadde Wrâldkriich ferlear de yen in grut diel fan syn wearde. Nei in ûnstabile tiid waard de yen yn 1949 keppele oan de Amerikaanske dollar (¥360 waard lyksteld oan US$1). Dat plan fan de Feriene Steaten wie ûnderdiel fan it Bretton Woods Systeem. Doel fan dat systeem wie in stabile Japanske ekonomy. Yn 1971 waard de bân tusken de yen en de dollar ferbrutsen. Reden dêrfoar wie it loslitten fan de Amerikaanske goudstandert, wat in wichtich ûnderdiel wie fan it Bretton Woods Systeem.

Sjoch ek[bewurkje seksje | edit source]

Keppeling om utens[bewurkje seksje | edit source]

Commons Commons: Japanese yen – foto, fideo en harktriemmen