Hainje
Hainje wie in karrosserybedriuw op It Hearrenfean en waard oprjochte yn 1907. Hainje waard bekend troch de reade standertbus (Commissie Standerisearring Autobusmaterieel). Dit bustype waard boud tusken 1966 en 1988.
Ynhâld |
Steds- en streekbussen [bewurkje seksje]
.jpg)
Yn de jierren '60 boude Hainje inkele searjes stedsbussen foar de RET (Rotterdam). Ek boude it bedriuw in pear searjes bussen fan it type Bolramer yn lisinsje fan Werkspoar.
De standert-stedsbus [bewurkje seksje]
De reade standertbus wie gjin eigen ûntwerp fan Hainje, mar Hainje wie wol ferantwurdlik foar de bou fan de measte bussen fan dit type. Yn de jierren 1966 - 1968 waard de standertbus ek wol troch Den Oudsten, Verheul en Werkspoar boud. Yn 1982 presintearre Hainje de twadde generaasje standertbus en waard produsearre oant en mei 1988.
Yn 1977 toande Hainje in gearstalde bus foar de GVB (Amsterdam) mei in standertbus-karrossery. Yn de jierren '80 ûnwikkele Hainje ek inkele midybussen mei in standertbus-karrossery.
De standert-streekbus [bewurkje seksje]
Yn de jierren 1974-1984 boude Hainje ek de standert streekbus. Dizze bussen op DAF-sjassys wienen 1200-1595 nûmere. Dit type bus waard levere oan de BBA, Centraal Nederland, DVM, GADO, de NZH, de VAD en ZWN. Ek waarden der bussen op Volvo-sjassys boud, nûmere yn de 3200/3300-searje. Dizze bussen waarden benammen oanskaft troch de BBA, de VAD en de Twintske TET.
De standertbus 2000 [bewurkje seksje]
Yn 1987 presintearre Hainje de standertbus 2000. Dizze bus wie eigentlik de opfolger fan de standert-stedsbus, mar it prinsipe standaardisaasje waard ôfskaft. Dit type bus waard benammen levere oan de Zuidooster. Yn 1989 ûntwurp Duvedec in moderner front foar de standertbus 2000.
Oername troch Berkhof [bewurkje seksje]
Yn 1989 naam Berkhof Hainje oer en feroare de namme Hainje yn 'Berkhof It Hearrenfean'. Dit bedriuw bout noch altyd steds- en streekbussen, mar dêrneist ek touringcars.
