Gertjan Verbeek
| Gertjan Verbeek | |
|---|---|
 |
|
| Basis ynformaasje | |
| Namme | Gertjan Verbeek |
| Berne | 1 augustus 1962 |
| Berteplak | Dimter |
| Ploech | AZ |
Gertjan Verbeek (Dimter, 1 augustus 1962) is in Nederlânske fuotbaltrener. Hy wennet yn Jobbegea.
Ynhâld |
[bewurkje seksje] Wurkpaad as spiler
Lykas de measte fuotbaltreners is Verbeek begûn as fuotballer. Yn syn aktive karriêre as fuotballer wie er ferdigener en spile hy by de amateurs foar Zuid Eshmarke, ATC '65 en Achilles '12. Dêrnei spile er fan 1984 oant 1994 foar Sportklup It Hearrenfean, útsein dat er yn it seizoen 1986/1987 ferhierd waard oan Herakles Almelo.
Verbeek hat by It Hearrenfean ûnder oare de earste en twadde promoasje nei de Earedivyzje mei makke, hy hat ien jier yn dy kompetysje spile (yn it seizoen 1990/1991). Yn 1993 behellet Verbeek mei SK It Hearrenfean de finale fan de KNFB-beker. Dizze wurdt mei 6-2 ferlearn fan Ajax.
[bewurkje seksje] Statistiken
| Perioade | Klup | Lân | Kompetysje |
| 1984-1986 | SK It Hearrenfean | Nederlân | Earste Divyzje |
| 1986-1987 | Herakles Almelo | Nederlân | Earste Divyzje |
| 1987-1990 | SK It Hearrenfean | Nederlân | Earste Divyzje |
| 1990-1991 | SK It Hearrenfean | Nederlân | Earedivyzje |
| 1991-1993 | SK It Hearrenfean | Nederlân | Earste Divyzje |
| 1993-1994 | SK It Hearrenfean | Nederlân | Earedivyzje |
[bewurkje seksje] Prestaasjes
[bewurkje seksje] Wurkpaad as trener
Al sûnt 1986 wie Verbeek jeugdtrener by It Hearrenfean. Nei't er ophâlden wie mei fuotbaljen waard er assistint-trener by trener Foppe de Haan. Fan 2002 oant 2004 wie er haadtrener by Herakles. Under syn lieding kaam de klup beide seizoenen yn de neikompetysje, mar promovearre net nei de Earedivyzje.
Sûnt 1 juny 2004 is Gertjan Verbeek haadtrener by Sportklup It Hearrenfean, dat nei it earste jier ûnder syn lieding meispile om de UEFA-kup. By It Hearrenfean hellet Verbeek alle jierren dat hy trener is Jeropeesk fuotbal.
Yn desimber 2007 krijt Verbeek te hearren dat syn kontrakt net ferlinge wurd. Sadwaande moat hy oan 'e ein fan it seizoen 2007/2008 in nije wurkjouwer sykje. Op 7 april 2008 wurdt Verbeek presintearre as de nije trener fan Feijenoord. Hy folget hjir Bert van Marwijk op dy't bûnstrener fan it Nederlânske alvetal wurdt.
Al nei in heal jier, op 14 jannewaris 2009 wurdt Verbeek ûntslein by Feijenoord. Hy moat fuort neidat de spilersgroep oanjout net mear efter syn belied te stean. Ek syn assistint Wim Jansen en de technsysk direkteur fan de klup, Peter Bosz, gean fuort. Nettsjinsteande de minne resultaten is Verbeek tige populêr by it publyk fan Feijenoord.
Sûnt de simmer fan 2009 is Verbeek haadtrener fan Herakles Almelo. De klub dêr't hy ek yn de perioade 2002-2004 haadtrener wie. Op 22 april 2010 lei er syn wurk as haadtrener by Herakles Almelo del en tekenet er in kontrakt foar trije jier by AZ.
[bewurkje seksje] Statistiken
| Perioade | Klup | Lân | Kompetysje | Funksje |
| 1994-2001 | SK It Hearrenfean | Nederlân | Earedivyzje | Assistint-Trener |
| 2002-2004 | Herakles Almelo | Nederlân | Earste Divyzje | Haadtrener |
| 2004-2008 | SK It Hearrenfean | Nederlân | Earedivyzje | Haadtrener |
| 2008- jannewaris 2009 | Feijenoord | Nederlân | Earedivyzje | Haadtrener |
| 2009- 2010 | Herakles Almelo | Nederlân | Earedivyzje | Haadtrener |
| 2010- no | AZ | Nederlân | Earedivyzje | Haadtrener |
