Ferlossertsjerke (Kopenhagen)

	Ferlossertsjerke
	Lokaasje
lân	Denemark
adres	Sankt Annæ Gade 29, 1416 Kopenhagen
koördinaten	55° 40'N 12° 35'E
	Tsjerklike gegevens
tsjerkegenoatskip	Deenske Folkstsjerke
bisdom	Kopenhagen
	Arsjitektuer
arsjitekt	Lambert van Haven ; torenspits Lauritz de Thurah
boujier	1682-1695; spits 1752
boustyl	barok
	Webside
	www.vorfrelserskirke.dk
	Kaart
	;

De Ferlossertsjerke (Deensk: Vor Frelsers Kirke) is in barokke tsjerke yn de Deenske haadstêd Kopenhagen. De karakteristyke toer hat in swarte spits mei fergulde dekoraasje en in trep, dy't tsjin de klok yn om 'e spits hinne rint.

De Ferlossertsjerke waard yn de jierren 1682-1696 ûnder lieding fan de yn Noarwegen berne arsjitekt Lambert van Haven boud. It gebou folget de styl fan de Nederlânske barok en hat de foarm fan in gryksk krús. Jierren letter, yn 1752, waard troch de arsjitekt Laurids de Thurah de toer tafoege. De ynspiraasje foar de spits fûn de arsjitekt yn de Sant'Ivo alla Sapienza te Rome, dy't in soartgelike toer hat.

Yn 'e toer fan de Ferlossertsjerke hinget it grutste klokkespul fan Skandinaavje. Ien fan harren klokken waard troch Deenske soldaten as oarlochsbút út it Sweedske Vänersborg meinommen.

Besikers kinne oer 400 trêden de toer beklimme, oer de lêste 150 trêden moat men bûten om de spits hinne rinne. Boppe op de toer stiet in fjouwer meter heech ferguld byld fan de opstiene Kristus.

It alter fan Nicodemus Tessin en it grutte oargel mei 57 registers binne it besjen wurdich.