Facebook is in sosjaalnetwurkside foar ûnder oaren skoalbern, studinten en wurknimmers. Sûnt maaie 2008 bestiet er in Nederlânsktalige ferzje. Yn desimber 2008 groeide de site mei 600.000 nije oanmeldingen deis. Yn april 2009 hie Facebook mear as 200 miljoen aktive brûkers, fiif moannen letter wienen dat der 50 miljoen mear. Yn july 2010 betsjinne Facebook al in heal miljard brûkers, sirka 7% fan it oantal ierdbewenners.
Facebook bestiet sûnt 4 febrewaris 2004 (doe hjitte it noch "The facebook"). Mark Zuckerberg is de oprjochter en algemien direkteur. It haadkantoar is yn Palo Alto, Kalifornje.
[bewurkje seksje] Beursgong
It bedriuw waard ein 2011 wurdearre op in bedrach fan tsjin 100 miljard dollar. Novimber 2011 waard bekend dat it bedriuw dêr't belizzers hjit op binne, wierskynlik tusken april en juny 2012 gean soe, sûnder gebrûk te meitsejn fan tsjinsten fan sakebanken.[1] Op 18 maaie 2012 gie Facebook yndie nei de beurs. De earste dei sleat it oandiel fraksjoneel heger yn it plak fan de grutte stiging dy't ferwachte waard.[2] De dei dêrnei sakke de koers in stik ûnder de útjeftepriis[3], sadat de twifels oer de wurdearring fan it bedriuw sterker waarden.
[bewurkje seksje] Keppeling om utens
| Boarnen, noaten en/as referinsjes: |
|
 |
Ofbylden dy't by dit ûnderwerp hearre, binne te finen yn de kategory Facebook fan Wikimedia Commons. |
