Ecser

Ut Wikipedy
Gean nei: navigaasje, sykje
Etsjer / Ecser / Ečer
Ecseri 168.jpg
Lân Hongarije
Part fan Pest
Status doarp
Ynwenners 3.534 (2008)
Gebiet 13,1 km²
Webstee www.ecser.hu
Hungary location map.svg
Rea mark.svg

Etsjer (Hongaarsk: Ecser, Slowaaksk: Ečer) is in doarp yn Hongarije, mei 3.534 ynwenners (1 jannewaris 2008), dat in part is fan de stêdekloft fan Boedapest yn de provinsje Pest. In gedielte fan de ynwenners heart ta de Slowaakse minderheid binnen Hongarije. Etsjer leit flakby de ynternasjonale lofthaven Ferihegy International Airport en is mei it spoar Boedapest-Újszász-Szolnok en troch in snelwei mei Boedapest ferbûn.

Etsjer bestiet út fjouwer histoaryske kearnen: Maglód, Vecsés, Gyömrő en Üllő.

Skiednis[bewurkje seksje | edit source]

Etsjer waard op 15 desimber 1315 foar it earst yn in skriftlike boarne neamd. It plak is âlder; yn 896 soe neffens in leginde de Magyaarske prins Arpad dy't syn Aziatyske folk it Donaugebied binnenliede tsjin in iik sitten hawwe te bekommen. Doe't hy frege hoe't it plak hiet en fernom dat der gjin topografyske namme bekend wie sei hy "neam it dan iik". "Cser" is Hongaarsk foar iik.

Yn de tiid fan de ieuwenlange Ottomaanske oerhearsking fan Hongarije (1526-1686) waard it doarp hielendal ferlitten mar yn 1669 fêstigen har de earste ynwenners wer yn Etsjer. Yn de ûnôfhinklikheidsstriid ûnder oanfiering fan Rákóczi, 1703-1711, levere Etsjer alve soldaten.

It Hongaarske plattelân wie oant yn de 19e ieu in feodaal strukturearre gebiet en de doarpen wienen it besit fan aadlike grutgrûnbesitters, de saneamde magnaten. Etsjer wie in it besit fan greve Antal Grassalkovich dy't yn de iere 17e ieu Slowaken nei it doarp helle. Dit is de oarsaak fan de Slowaakse minderheid.

It doarp is yn Hongarije bekend om syn monumintale katholike tsjerke út 1740 en in folksdûns, de "Ecseri lakodalmas" of Etsjerske boerebrulloft. De tsjerke, de dûns en de mytyske iik hawwwe in plak krigen yn it wapen fan Etsjer.

Krektas safolle Europeeske stêden en gemeenten is ek Etsjer in stedebân oangien. De Hongaren keazen foar Zlaté Klasy yn Slowakije en Kumbağ yn Turkije.


Foto's[bewurkje seksje | edit source]