Blaumies

Ut Wikipedy
blaumies
taksonomy
ryk dieren (Animalia)
stamme rêchstringdieren (Chordata)
klasse fûgels (Aves)
skift moskeftigen (Passeriformes)
famylje miesfûgels (Paridae)
skaai blaumiezen (Cyanistes)
soarte
Cyanistes caeruleus
Linnaeus, 1758
IUCN-status: net bedrige
ferspriedingsgebiet

De blaumies (Cyanistes caeruleus) is in 11 sm grutte sjongfûgel út de famylje fan de miesfûgels (Paridae). De blaumies komt in protte foar yn Jeropa en Aazje.

Oare Fryske nammen[bewurkje seksje | boarne bewurkje]

De blaumies wurdt yn it Frysk ek wol beneamd as Blaukopke, Blaumûtske, Blausyske as Kûgelsyske.

Foarkommen[bewurkje seksje | boarne bewurkje]

De blaumies is goed wer te kennen, foaral oan syn blauwe krún. Fierder hat er wite wangen mei in swarte eachstreep. De fûgel hat in giele búk en in grienige rêch.

Iten[bewurkje seksje | boarne bewurkje]

De blaumies yt sieden en ynsekten.

Fuortplanting[bewurkje seksje | boarne bewurkje]

Cyanistes caeruleus

Lykas de measte miezen is de blaumies in hoalebrieder. It wyfke leit 7-12 aaien dy't se allinnich yn sa'n 2 wike útbriedt. De jongen wurde dêrnei noch 15-20 dagen troch beide âlden yn har nêst fuorre foar se útfleane.

Molke[bewurkje seksje | boarne bewurkje]

Blaumiezen binne tige nijsgjirrich en leare ek maklik wat nijs oan. Bygelyks is bekend fan blaumiezen dat se fan molkeflessen de doppen stikken makken om by de rjemme op de molke te kommen. Dit keunstke waard foar it earst opmurken yn Southampton yn Grut-Brittanje om 1920 hinne. De blaumiezen joegen dit keunstje troch oan soartgenoaten en yn 1947 waard it in hiel Grut-Brittanje sjoen en ek by miezen yn Nederlân, Sweden en Denemark. Om't de molke tsjintwurdich meast net mear troch de molkboer by de doar set wurde nimt dit ferskynsel de lêste tiid wer ôf.

Taksonomy[bewurkje seksje | boarne bewurkje]

De blaumies is fan âlds part fan it skaai Parus. Troch nije ûntwikkelings binne der ornitologen (benammen Amerikanen) dy't de blaumies yn in apart skaai pleatse, nammentlik Cyanistes. De binomiale namme wurdt dan Cyanistes caeruleus.

Sjoch ek[bewurkje seksje | boarne bewurkje]