Aleksandrje

Ut Wikipedy
Gean nei: navigaasje, sykje
Aleksandrje
اسكندرية
Alexandria 2122972.jpg
Sifers
Ynwennertal 4.546.231 (2013)
Oerflak 2.679 km²
Befolkingstichtens 1700 / km²
Hichte 5 m
Polityk
Lân Egypte
Oar
Stifting 331 f.Kr.
Tiidsône EST UTC+2
Webside www.alexandria.gov.eg
Lizzing fan Aleksandrje yn Egypte

Aleksandrje of Aleksanderje (Arabysk: الإسكندرية / al-ʼIskandariyyah; Ald-Gryksk: ̉Αλεξάνδρεια) is in stêd yn it noarden fan Egypte, oan de Midlânske See en de op ien nei grutste stêd fan dat lân. It leit oan de noardwestpunt fan de Nyldelta.

De stêd is ferneamd nei Aleksander de Grutte, dy't in wrâldryk festige dêr't ek Egypte part fan wie. Fanwege Aleksander boude de Grykske arsjitekt Dinokrates om-ende-by 330 f. Kr. de stêd. Aleksandrje wie ien fan de protte stêden dy't yn opdracht fan Aleksander stifte waarden en allegearre nei him ferneamd.

Tsjintwurdich is Aleksandrje in grutte stêd mei in befolking fan om-ende-by 4 miljoen ynwenners. Der is in wichtige gemyske yndustry festige mei ferskate technologyske bedriuwen. Yn de simmer komme in soad begoedige Egyptenaren nei de stêd fanwege it relative koele en noflike seeklimaat.

Nijsgjirrichheden yn en om Aleksandrje[bewurkje seksje | edit source]

Oare stêden mei de namme Aleksandrje[bewurkje seksje | edit source]

Aleksandrje
San Stefano, Aleksandrje

Der binne op de wrâld in soad stêden dy't Aleksandrje hjitte of hjitten hawwe. Aleksander de Grutte ferneamde by syn fjildtochten in protte stêden nei himsels.

De Turkske foarm fan de namme Aleksandrje is Iskenderiye, en de Turkske stêd Iskenderiye (modern Turksk İskenderun is dus ien fan de Aleksandrjes. Yn it Arabysk is al- in foarheaksel, fandêr dat se Aleksander "Eksander" neamden, of mei ferwikseling fan de twalûden Eskander of Iskander of Iskender. Ek it Albaneeske Shkodër hie eartiids de namme Iskenderiye. En yn Irak leit ek in Iskanderia. Oare stêden dy't as Aleksandrje stifte binne, binne Herat, Farah, Kandahar, Chodzjand, Gazhni, Charikar, Bagram en Termiz. De Feriene Steaten fan Amearika hawwe ek ferskate stêden mei de namme Aleksandrje.[1]

Berne yn Aleksandrje[bewurkje seksje | edit source]

Keppeling om utens[bewurkje seksje | edit source]

Boarnen, noaten en referinsjes[bewurkje seksje | edit source]

Boarnen, noaten en/as referinsjes:
Noat
  1. Alexandria: Alexandria (Kentucky), Alexandria (Louisiana), Alexandria (Virginia), Alexandria (Minnesota)