Winiastate (Jouswier)

Ut Wikipedy
Jump to navigation Jump to search
Jouswier mei states, Schotanuskaart 1718
De kop-romp-pleats op it stee Winiastate yn 2010

Winistate (ek 't Heech, Marhiem ) stie oan Winia's Reed op de himrik fan Jouswier. Dêr leine teffens twa ferhege stinsterreinen dy't tusken de 13e en 16e iuw datearre wurde. Beide terreinen waarden yn 1975 oanmerke foar ryksmonuminten.
De Winia State wie ynearsten yn besit fan deselde eigeners as de Eernsmastate. It goed foel út elkoar doe't Tieth fan Meckema's oare soan, Julius, de state Winia erft.[1] Hy wie boaske oan Auck Sickesdr fan Tjessens fan Holwert. Yn 1640 wie Winia besit fan Willem thoe Schwartzenberg en Hohenlansberg, in neef fan Fan Meckema. Yn 1728 wie Allard fan Boerum de eigener, grytman fan Ferwerderadiel. De state waard yn 1758 troch Wilhelmus Bergsma kocht, dy't yn 1728 ek Eernsmastate yn hannen krige hie.

Hjoed-de-dei stiet der in kop-romp-pleats út de 19e iuw op it stee.

Bewenners[bewurkje seksje | boarne bewurkje]

  • Tieth Meckema, 1511 teffens eigeneres fan Eernsmastate
  • Pibo Meckema alias Eernsma, boaske Siouck Tiaerda. Soan:
  • Feye fan Meckema, boaske (1) Ebel fan Unia en (2) Frou Heemstra. Soan:
  • Julius Meckema
  • bern fan Willem van Schwartzenberg silger, 1640

Boarnen, noaten en referinsjes[boarne bewurkje]

Boarnen, noaten en/as referinsjes:
  1. Braaksma, K., 2018. Winia State en stinswier te Jouswier. Te besjen fia: Stinseninfriesland.nl.