Pokémon

Wiki-Styl Pokéball

Pokémon is in wrâldwiid fenomeen fan it ynternasjonale bedriuw Nintendo, yn likernôch 1995 útfûn troch 'e Japanske Satosji Tadzjiry. In soad bern rûnom yn 'e wrâld binne opgroeid mei Pokémon. De raazje is begûn mei fideospultsjes, yn 't begjin op 'e Gameboy, mar no op 'e Nintendo DS. Ek binne der op 'e tillevyzje tekenfilmôfleveringen te sjen en kinne bern ferskate Pokémon-kaartsjes sammelje, wêrmei't se mei-inoar kaartspultsjes boartsje kinne. Dêrnjonken besteane der ek noch pokémon-stripteltsjes yn manga-styl

Wat binne Pokémon?

Pokémon binne lytse meunsterkes dy't libje yn in fantasijwrâld en dy't sims fange wurde (yn in pokéball) en traind wurde troch minsken. Se fjochtsje tsjin inoar, sa't se mear krêft krije en oanfallen brûken leare. Wannear't se in spesifyk krêftnivo berikke, kinne se in fan stal feroare (evolúsje). Sa wurde se ek grutter en sterker. Yn 't begjin wienen der 150 meunsterkes, mar nei't der in protte oare beikomd binne, binne der no 649 lytse skepseltsjes. Pokémon hawwe allegearre ien of twa types. Der besteane sântjin types, dy't allegearre foardiel hawwe tsjinoer beskate types en tsjinoer oare types wer neidiel hawwe. It fjoer-type kin bygelyks net goed tsjin it wetter type, mar it fjoer-type is dan wol wer krêftich tsjin it gers-type. Sa hawwe hawwe pokémon troch harren types sterktes en swaktes. De pokémon-types binne:

In Pikachu-auto

Stien

Wetter

Tonger

Gers

Fergif

Psigysk

Fjoer

Ierde

Tsjuster

Fleanend

Ynsekt

Gewoan

Geast

Fjochtsjend

Izer

Iis

Draak

Pokémon yn 'e Fideospultsjes

Oeral ferskine Pokémon

Yn 'e fideospultsjes foar 'e Gameboy en Nintendo DS spilet immen in pokémontrainer, dy't safolle mooglik pokémon garje en waaksje litte moat. Hjirby lit men de Pokémon mei-inoar fjochtsje, wêrtroch't hja mear krêften krije, en sims sels mear oanfalle. Ek kinne pokémon roale wurde mei oare bern dy't it spultsje ek hawwe en kinne bern mei-inoar harren pokémon fjochtsje litte. Yn elk spultsje moat 'e boarter acht 'gym leaders' ferslaan, minsken dy't tige krêftige pokémon hawwe. Dêrby is it tûk in taktyk ta te passen, wêrby't 'type-foardiel' brûkt wurdt (lykas hjirboppe beskreaun is, by 'Wat binne Pokémon?'). Oan de ein moat 'e 'Elite Four' ferslein wurde, wêrnei't it spultsje útspile is. Dêrnei kin men noch besykje safolle mooglik pokémon te fangen en jin pokémon nóch mear te trainen.

Pokémon op 'e Tillevyzje

It tillevyzjeprogramma oer Pokémon lit 'e reis fan it jonksje Ash Ketchum sjen, wêrby't er mei freonen en syn favorite Pokémon Pikachu troch it lân reizget om nei pokémon te sykjen en de Pokémon dy't er al hat, te trainen. Hy lit syn Pokémon fjochtsje tsjin oare trainers en sims ek tsjin gym lieders. Mei ferrin fan tiid giet er sims nei in oar lân, dêr't tige folle oare Pokémon te finen binne dy't er noch nea sjoen hat. Dizze pokémonlânnen yn 'e pokémon-wrâld binne: Kanto, Johto, Hoenn, Sinnoh en Isschu.

Ek komme der út en troch bioskoopfilms út oer Ash Ketchum en syn freon Pikachu.

Keppelings om utens

• Ingelske wiki-side oer Pokémon
• Hollânske wiki-side oer Pokémon
• Poké-Webside yn Wiki-styl Ingelsk