Freonen fan Omrop Fryslân

De Feriening Freonen fan Omrop Fryslân (FFOF), is de ‘fanclub’ fan de omrop. It doel fan de feriening is it stribjen nei in goede publike Fryske omrop foar radio en televyzje. De FOF soarget foar ynformaasje oer Omrop Fryslân en stipet Omrop Fryslân by syn doelstellings en aktiviteiten. De Freonen is ien fan de oansletten selskippen fan de Ried fan de Fryske Beweging.

Skiednis

Yn 'e winter fan 1979 wie der ekstreme sniefal yn Fryslân. Radio Fryslân is hiele dagen yn de loft mei it lêste nijs oer de snie. Dat leveret úteinlik mear stjoertiid op. De tankberens ûnder de befolking wie grut. Yn 1981 is de Freonen fan Omrop Fryslân oprjochte om Omrop Fryslân te stypjen.

Aktiviteiten

De FOF hâldt kontakt mei har leden fia it blêd Each en Ear, dat fjouwer kear jiers útkomt. Se organisearje ekskurzjes, fytstochten, lêzings en in jierfergadering yn kombinaasje mei besite oan in rjochtstreeks radio- of televyzjeprogramma. Fia de Freonen fan Omrop Fryslân krije de leden ek faak koartings op Fryske boeken en CD' s.