Vogelwaarde
| Vogelwaarde | ||
| Sint-Gerulfustsjerke. | ||
| Symboalen | ||
| Bestjoer | ||
| Lân | ||
| Provinsje | ||
| Gemeente | Hulst | |
| Sifers | ||
| Ynwennertal | 1.767 (2026)[1] | |
| Oerflak | 14,43 km², wêrfan wetter: 0,11 km² | |
| Befolkingsticht. | 123,3 ynw./km² | |
| Hichte | 2 m | |
| Oar | ||
| Postkoade | 4589 | |
| Netnûmer | 0114 | |
| Offisjele webside | ||
| www.dorpsraadvogelwaarde.nl | ||
| Kaart | ||
| Kaart | ||
| Vogelwaarde yn 'e gemeente Hulst. | ||
Vogelwaarde is in doarp yn 'e Siuwske gemeente Hulst. Yn 2026 wennen der 1.767 minsken yn Vogelwaarde. De namme Vogelwaarde is ûntliend oan it wetter De Vogel dat tusken Vogelwaarde en Hengstdijk leit.
Bestjoer
[bewurkje seksje | boarne bewurkje]Vogelwaarde waard yn 1936 de namme fan in nije gemeente yn Siuwsk-Flaanderen wêryn Boschkapelle, Hengstdijk, Ossenisse en Stoppeldijk gearfoege waarden. Yn 1970 waarden de kearnen Boschkapelle en Stoppeldijk gearfoege ûnder de namme Vogelwaarde, doe't de gemeente Vogelwaarde opgie yn 'e gemeente Hontenisse. Yn 2003 waard de gemeente Hontenisse opheft en sûnt makket Vogelwaarde diel út fan de gemeente Hulst.
Skiednis
[bewurkje seksje | boarne bewurkje]Yn 1970 waarden de kearnen Boschkapelle en Stoppeldijk gearfoege ûnder de namme Vogelwaarde. Boschkapelle waard yn 'e 17e iuw stifte yn 'e leechlizzende Stoppeldijkpolder, wêrtroch't it doarp winterdeis oant likernôch 1960 in soad lêst hie fan wetteroerlêst. De tsjerke fan Boschkapelle bestiet al sûnt 1695; de namme fan it doarp ferwiist ek nei in kapel yn it bosk. It tichteby lizzende Stoppeldijk, ek wol Rapenburg neamd, waard yn 1814 it sintrum fan 'e gemeente Stoppeldijk; in eigen tsjerke, skoalle en in gemeentehûs waarden boud. Nei 1970 fusearren de skoallen fan Boschkapelle en Stoppeldijk en stadichoan groeiden beide kearnen oan inoar ta ien doarp.
Op 11 juny 2026 fûn by Vogelwaarde in slim ûngelok plak, dat wiidweidich lanlik yn it nijs kaam. In te hurd ridende auto fleach út 'e bocht en skepte op in njonken de wei lizzend fytspaad in skoalklasse út Axel dy't op skoalkamp wie. Trije bern en de direktrise fan 'e skoalle kamen om, wylst ferskate oare skoalbern swierferwûne yn it sikehûs bedarren.
| Boarnen, noaten en/as referinsjes: | ||
|
