Vänermar

Vänermar is de grutste mar fan Sweden en fan hiel Skandinaavje. Hy leit yn it súdwesten fan Sweden en op in hichte fan 44 meter. De mar is sa grut dat der in loadstsjinst foar skippen is en fjoertuorren by de wetterkant lâns steane. Direkt nei de lêste Iistiid stie er noch yn ferbining mei see, mar troch it omheechkommen fan it lân waard it in mar. De mar is troch in tal sluzen noch wol ferbûn mei de see, it Kattegat, fia de Göta älv.