Utspraak

Ut Wikipedy
Jump to navigation Jump to search

De útspraak fan wurden troch in persoan is de wize hoe’t de persoan de wurden klinke lit as er dy útsprekt. In wurd kin op ferskillende wizen útsprutsen wurde troch ferskate persoanen, ôfhinklik fan mannich faktoaren, lykas de tiid hoenear en it plak wêr’t se opgroeiden, it gebiet dêr’t se no wenje, de sosjale klasse en it ûnderwiis.

Taalkundige terminology[bewurkje seksje | boarne bewurkje]

Hoe’t in persoan in wurd útsprekt hinget yn it foarste plak ôf fan de basisienheden fan it lûd (phones) dy’t de persoan brûkt yn syn taal. De tak fan linguïstyk dy’t it aard en produksje fan lûden yn de taal bestudearret is de fonetyk.

De stúdzje fan taalkundige ienheden yn it sprutsen wurd (dy’t fonemen neamd wurde) hjit fonology. De fonology groepearret de klanken nei har funksje yn in taal, en hâldt har, yn tsjinstelling ta de fonetyk, net dwaande mei de ferskillen yn útspraak salang’t wurden gjin oare betsjutting krije.