Tsjerke fan de Hillige Nikolaas (Lipno)
| Nikolaastsjerke
Никольская церковь | ||
| ||
| lokaasje | ||
| lân |  Ruslân
| |
| oblast |  Novgorod
| |
| plak |  Novgorod (Lipno)
| |
| bysûnderheden | ||
| type bouwurk | Tsjerke | |
| boujier | 1292-1294 | |
De Tsjerke fan de Hillige Nikolaas (Russysk: Свято-Никольская церковь) is in otterdokske tsjerke út de 13e iuw. Sûnt 1992 makket de tsjerke diel út fan it wrâlderfskip fan UNESCO.
De tsjerke stiet op in lyts eilân mei de namme Lipno yn de delta fan de Msta yn de Ilmenmar, likernôch njoggen kilometer súdlik fan Veliky Novgorod. It haadalter waard oan Nikolaas fan Myra wijd. Neffens in ynskrift yn de tsjerke wie it wijdingsjier 1294.
Neffens de oerlevering waard yn 1113 in ikoan fûn fan de hillige Nikolaas. It ikoan soe bydroegen ha oan de genêzing fan Mstislav Vladimirovitsj [1] en ta oantinken fan dit wûnder waard der fuort neitiid in kleaster mei in houten tsjerke stifte (krekte data binne net bekend; de kroniken skriuwe allinnich dat der in tsjerke by it kleaster boud waard). De bou fan in stiennen tsjerke folge yn de jierren 1292-1294. In wie de earste stiennen tsjerke fan de republyk Novgorod (1136–1478) nei de Mongoalske ynvaazjes yn Ruslân en is it iennige bouwurk dat oerbleau fan it kleaster.[2]
Yn de Twadde Wrâldkriich rekke de tsjerke slim skeind troch Dútsk artilleryfjoer. De weropbou fûn yn de jierren 1954-1960 yn de foarmen fan de 13e iuw plak. Yn de tsjerke binne fresko's út it boubegjin bewarre bleaun.[3]
| Boarnen, noaten en/as referinsjes: | ||
|
