Third person shooter

Ut Wikipedy
Gean nei: navigaasje, sykje

In Third Person Shooter (TPS) is in kompjûterspulsjenre, oars as de first person shooter. Lykas men oan it wurd sjen kin (tredde persoan sjitter) is it in sjitspul, mar it spilet him yn 'e tredde persoan ôf. Dat betsjut dat it liket oft de kamera efter it personaazje hinget dêr't de spiler mei spilet, wylst er sels it personaazje bestjoert.

Dochs wurde in protte spultsjes net beskôge as Third person shooter omdat de styl fan it spul oare spesifike skaaimerken hat. Sa waard de Resident Evil searje, dy't wol de styl hat wat 'gameplay' en it sjitten oanbelanget, net as Third person shooter beskôge oant it fjirde diel útkaam. Soks kaam troch de eangst en it oerlibbingselemint fan it spul, dat men survival horror neamde. Lykwols waard de Grand Theft Auto searje wol fan it begjin ôf skaaimurken as Third person shooter, hoewol't dat spul wol rees en RPG skaaimerken hie. Tradysjonele foarbylden fan Third person shooters binne MDK en Gears of War.