Besjoch de boarne foar The Call of the Wild (film út 2020)

{{Universele ynfoboks film
| ôfbylding                = The Call of the Wild 2020 film logo.png
| ôfbyldingstekst          = 
| ôfbyldingsbreedte        =
| ferwizing                = '''(''[[:en:File:The Call of the Wild poster.jpg|Filmposter yn 'e Ingelske Wikipedy]]'')'''
| namme                    = ''The Call of the Wild''
| regisseur                = [[Chris Sanders]]
| produsint                = [[Erwin Stoff]]<br>[[James Mangold]]
| útfierend produsint      = 
| senario                  = [[Michael Green (skriuwer)|Michael Green]]
| basearre op              = ● [[The Call of the Wild (roman)|de roman]] fan [[Jack London (skriuwer)|Jack London]]<br>● [[Call of the Wild (film út 1935)|de film út 1935]] fan [[Gene Fowler]]
| kamerarezjy              = [[Janusz Kamiński]]
| muzyk                    = [[John Powell (filmkomponist)|John Powell]]
| filmstudio               = [[20th Century Studios]]<br>[[TSG Entertainment]]<br>[[3 Arts Entertainment]]
| distribúsje              = [[20th Century Studios]]
| haadrollen               = [[Harrison Ford]]<br> [[Omar Sy]]<br>[[Cara Gee]]
| voice-over               = [[Harrison Ford]]
| byrollen                 = [[Dan Stevens]]<br> [[Karen Gillan]]<br> [[Bradley Whitford]]
| lân/lannen               = [[File:Flag of the United States.svg|border|20px]] [[Feriene Steaten]]
| premiêre                 = [[21&nbsp;febrewaris]] [[2020]]
| direkt op fideo          = 
| foarm                    = [[langspylfilm]]
| sjenre                   = [[aventoerefilm]], [[northern]]
| taal                     = [[Ingelsk]] <small>(ek in bytsje [[Frânsk]])</small>
| spyltiid                 = 100 minuten
| budget                   = $125-150&nbsp;miljoen
| opbringst                = $110,8&nbsp;miljoen
| prizen                   = 
| filmsearje               = 
| foarich diel             = 
| folgjend diel            = 
}}
'''''The Call of the Wild''''' is in [[Feriene Steaten|Amerikaanske]] [[aventoerefilm]], [[famyljefilm]] en [[northern]] út [[2020]] ûnder [[rezjy]] fan [[Chris Sanders]], mei yn 'e [[haadrol]]len [[Harrison Ford]], [[Omar Sy]] en [[Cara Gee]]. De [[titel (namme)|titel]] betsjut "De Rop fan 'e Wyldernis". De [[film]] waard basearre op 'e ferneamde [[aventoereroman]] mei [[The Call of the Wild (roman)|deselde namme]] út [[1903]] fan [[Jack London (skriuwer)|Jack London]] en op in [[Call of the Wild (film út 1935)|eardere ferfilming]] fan dat ferhaal. De [[plot]] giet oer de [[hûn]] Buck, dy't yn 'e [[1890-er jierren]] [[dieverij|stellen]] wurdt om yn 'e [[Yukon]] as [[wurkhûn]] ferkocht te wurden ûnder de [[Goudkoarts fan Klondike]]. Hy belibbet ferskate aventoeren en rekket [[freonskip|befreone]] mei in âldman dy't [[rou]]wet om 'e [[dea]] fan syn [[soan]]. Uteinlik harket er nei de rop fan 'e [[wyldernis]] en begjint er nij libben yn 'e [[taiga]]. ''The Call of the Wild'' krige mingde [[resinsje]]s fan 'e [[filmkritisy]], mar hie nei alle gedachten in [[kommersje]]el súkses yn 'e [[bioskopen]] wurde kinnen. Dêr waard in tsjûke streek troch helle troch de [[lockdown]]s dy't ûnder de [[koroanafiruspandemy (2019-2022)|koroanapandemy]] fan krêft waarden, mei as gefolch dat de film swier [[ferlies (ûndernimming)|ferlies]] draaide.

==Plot==
Yn 'e [[1890-er jierren]] libbet Buck, in grutte, freonlike krusing fan in [[Sint-Bernardshûn]] mei in [[Ingelske hardershûn]], [[tefreden]] mei syn baaske, [[rjochter]] Miller, yn it [[Kalifornje|Kalifornyske]] [[Santa Clara (Kalifornje)|Santa Clara]]. Buck is in bedoarne [[hûn]], dy't ornaris yn hast alle saken syn sin kriget of trochdriuwt. Mar as er op in dei it [[jierdei]]sfeest fan 'e rjochter bedjert troch it hiele [[iten|feestmiel]] op te fretten wylst de foltallige [[famylje (besibskip)|famylje]] posearret foar in [[groepsfoto]], wurdt er dy [[jûn]]s foar [[straf]] ferballe nei de [[weranda]]. 

In jongeman op trochreis, dy't om [[wurk]] siket, hat Buck earder dy deis sjoen. Om't er wit dat der yn [[Alaska]] en de [[Yukon]] by de oangeande [[Goudkoarts fan Klondike]] ferlet is fan in protte sterke [[wurkhûn]]en, dêr't grou [[jild]] foar bean wurdt, lokket er Buck by [[nacht]] fan it [[hiem]] fan 'e Millers ôf en slút him op yn in grutte [[kiste]]. Hy ferkeapet de hûn oan in lûsje [[seekaptein]], dy't in hiele lading hûnen nei [[Skagway (Alaska)|Skagway]], yn Alaska, fart. Underweis besykje de [[seelju]] Buck [[hearrigens]] te learen troch him mei de [[kneppel]] te jaan. Dat is gjin grut súkses.

Oankommen yn Skagway wurdt Buck oerdroegen oan in pleatslike hûne[[keapman]]. Hy brekt lykwols los en komt yn botsing mei in âldere man, in John Thornton. As dy wer oerein klaut en syn paad ferfolget, sjocht Buck dat him in [[mûlharmoanika]] út 'e [[bûse]] rûgele is. Hy giet efter Thornton oan om it [[muzykynstrumint|ynstrumint]] werom te jaan, wêrmei't er der ûnbedoeld foar soarget dat er de man altyd bybliuwe sil. 

Nei't de hûnekeapman Buck weromhelle hat, wurdt er letter ferkocht oan 'e [[negroïde|swarte]] [[Frânsk-Kanadezen|Frânsk-Kanadeeske]] [[postrinner]] Perrault. Dyselde nimt him mei nei syn kamp, dêr't Buck yn 'e kunde komt mei Perrault syn [[slidehûn]]eteam, dat ûnder lieding stiet fan in gemiene [[ridel]]lieder dy't Spitz hjit. Perrault syn assistinte en [[relaasje (ynterpersoanlike bân)|minneresse]], de [[Yndianen|Yndiaanske]] Françoise, is net boppe wiis mei Perrault syn kar foar slidehûn, mei't se eins ferlet hiene fan twa hûnen en om't se Buck folslein ûngeskikt achtet om slidehûn te wurden.
{{Plotbedjer film}}
Underweis mei de postslide troch de [[wyldernis]] fan 'e Yukon liket it earst wol as hat Françoise gelyk, mar as Buck ienris begrypt wat der fan him ferwachte wurdt, blykt der in earsten slidehûn yn him te sitten. Hy wint it [[fertrouwen]] fan Françoise as hja op in [[rivier]] troch it [[iis]] sakket en troch de streaming ûnder it iis spield wurdt; Buck springt har efternei en raamt in nij [[wjek]] yn it iis dêr't se tegearre troch ûntkomme kinne. De oare slidehûnen wit er op syn hân te krijen troch syn freonlik [[karakter (identiteit)|karakter]], eat dêr't er him bot mei ûnderskiedt fan Spitz. Inkeld Spitz sels is net bliid mei de komst fan Buck. Underwilens begjint Buck [[spiritualiteit|spirituele]] [[fizioen]]en te krijen fan in [[foarâlder]]like swarte [[wolf]] dy't syn [[gids (berop)|gids]] yn 'e [[wyldernis]] wurdt. 

Op in nacht fangt Buck in [[Wylde knyn|knyn]] wat er dêrnei wer frijlit om't er inkeld [[boartsjen|boartsje]] woe. It bistke wurdt lykwols daliks dêrnei deabiten troch Spitz om syn [[dominânsje]] oer Buck te befêstigjen. Dat foarfal liedt ta in fjochtpartij tusken de beide hûnen, dêr't Buck belies by jaan moat om't it him net genôch skele kin om fan Spitz te winnen. As Spitz him dêrnei lykwols tsjin ien fan 'e oare hûnen keart dy't Buck helpe woe, wurdt de wiere fjochter yn Buck wekker. Hy springt Spitz op 'e hûd en ferslacht him sûnder folle swierrichheden. Dêrmei nimt er syn plak as alfa fan 'e slidehûnetroep oer, en Spitz glûpt slûksturtsjend fuort om te ferdwinen yn 'e wyldernis. 

De oare deis is Perrault min te sprekken oer it hommels weiwurden fan syn liedhûn, mar hy hat [[poststik|post]] te besoargjen en docht it him net oan tiid om lang te sykjen. Hy wol ien fan syn oare langjierrige slidehûnen no yn 'e liedersposysje fêstgaspje, mar de hûnen meitsje him dúdlik dat Buck no de alfa is, in feit dat Perrault, ta [[hilariteit]] fan Françoise, mar mei [[tsjinnichheid]] akseptearret. Mar mei Buck syn [[faasje]] en [[krêft]] foaroan en in ridel dy't foar it earst de lieder stipet, blykt it neitiid echt te gean dat it slydjaget. De slidehûnen jeie sa troch dat it harren slagget om oan in [[lawine]] te ûntkommen en foar it earst sûnt Perrault mei syn rûte begûn is, wurdt de post op 'e tiid yn [[Dawson City (Yukon)|Dawson City]] oanbrocht. 
Dêre hat John Thornton him ûnderwilens yn in [[blokhutte]] nei wenjen set. It docht bliken dat er net om it [[goud]] nei de [[Yukon]] kommen is, mar om te ferjitten. Hy [[rou]]wet om syn [[soan]], dy't jong [[ferstoarn]] is, en ek om syn [[houlik]], dat troch dat barren bedoarn is om't er gjin utering oan syn [[fertriet]] jaan koe. No hat er einlings in [[brief]] oan syn [[oarehelte|eks-frou]] skreaun, wêryn't er har útleit wêrom't er by har weigien is. It brief soe krekt op 'e [[jierdei]] fan syn soan by syn frou arrivearje moatte, mar ear't Thornton it op 'e post dwaan kin, falt er lykwols mei in flesse [[sterke drank]] yn 'e [[sliep]]. De oare deis is er te let om 'e brief noch op 'e post te dwaan, mei't Perrault al ôfset as Thornton deroan draven komt. Buck ken lykwols Thornton syn [[stim]] wer, dat hy lit de slide tsjin 'e oarders fan Perrault yn hohâlde. As de [[yrritaasje|yrritearre]] Perrault it brief net oannimme wol, pakt Buck it Thornton út 'e hannen en bringt it sels nei Perrault ta.

Inkele moannen geane foarby en Buck is mei syn nije libben as lieder fan 'e slidehûnetroep like tefreden as er wie doe't er noch de bedoarne hûshûn fan rjochter Miller wie. Hy ferliest lykwols op 'e nij alles as de [[tillegraaf (kommunikaasje)|tillegraaf]] Dawson City berikt en de postrûte fan Perrault opheft wurdt. Om't se gjin jild hawwe om in troep slidehûnen itende te hâlden, binne Perrault en Françoise mei triennen yn 'e eagen twongen om 'e hûnen te ferkeapjen. 

De hûnen bedarje by in hûnekeapman yn Dawson City, fan wa't se oankocht wurde troch Hal, in [[erchtinkendheid|erchtinkende]] [[dandy]] sûnder lykfol hokker kennis fan 'e wyldernis, dy't mient dat er eefkes [[rykdom|ryk]] wurde sil fan syn goudclaim. As de hûnen syn slide net fan it plak krije om't de gliders oan 'e grûn fêstferzen binne, is derfan oertsjûge dat it [[loaiens|loaie]] bisten binne en wol er harren mei in kneppel te liif. Aldergeloks is Thornton oanwêzich, dy't him tsjinhâldt en útleit wat der wurklik oan 'e hân is. Hal beskôget dat as in publike [[fernedering]] en fettet in djippe [[haat]] foar de oare man op. Mei't de [[winter]] suver foarby is en it iis op 'e rivieren op it punt stiet fuort te [[tei]]en, riedt Thornton him oan om 'e koarte noardlike [[simmer]] ôf te wachtsjen en pas yn it neijier op 'en paad te gean, mar dêr wol Hal neat fan witte.

De folgjende wiken boalet Hal de hûnen sa ôf dat se folslein [[útputting|útput]] reitsje, wylst er se mar amperoan fuorret. Se moatte in swier beladen slide lûke yn teiwaar wêrby't op plakken suver gjin [[snie]] mear leit. Thornton, dy't it net oansjen kin, is him efternei reizge en treft him wer as er oan 'e igge fan [[mar]] stiet dy't er tsjin eltse priis oerstekke wol. Buck wegeret om foarút, en Hal lûkt syn [[revolver]] en wol de hûn yn [[razernij]] deasjitte, mar fannijs wurdt er tsjinholden troch Thornton. Dyselde snijt Buck los, en de hûn is sa ynein dat er dêrnei delfalt en foar dea lizzen bliuwt. Wylst Hal de oare hûnen twingt om it ynstabile iis fan 'e mar op, nimt Thornton de mânske lading fan Buck op it skouder en bringt him werom nei syn blokhutte, dêr't de hûn twa dagen oan ien wei troch [[sliep]]t foar't er wer by besleur komt. 

Dy [[jûn]]s set Thornton, dy't in [[alkoholisme|drankprobleem]] hat, nei de [[saloon]] yn Dawson City ta. Dêr komt Hal him oer it mad en slacht him del. De man is alhiel breinroer, want de oare hûnen binne útnaaid mei al syn spul en op 'e iene of oare manear is dat Thornton syn skuld. Buck, dy't Thornton folge is, komt syn minsklike freon te help en falt Hal oan. Dyselde besiket dat as bewiis oan te fieren dat Buck gefaarlik is en ôfmakke wurde moat, mar de ynwenners fan Dawson City, dy't Buck heger achtsje as Hal, litte har net [[bedroch|bedrage]] en smite Hal de saloon út.

Neitiid bliuwt Buck by Thornton te wenjen. Hy helpt de man fan 'e drank ôf troch eltse kear syn flesse ôf te pakken en dermei út te naaien. Op in jûn fertelt Thornton yn in [[emosjonele]] bui oan Buck dat syn soan eartiids altyd sljocht wie nei [[lânkaart]]en, mar hy fûn it altyd ynteressanter wat der foarby de râne fan 'e kaart wie as wat er eins op 'e kaart sels stie. Hy stelt foar om foarby de râne fan syn lânkaart fan 'e Yukon te reizgjen om te sjen wat se dêr fine kinne. Salang't er by Thornton bliuwe kin, is dat Buck fansels wol bêst. Underwilens hat Hal himsels derfan oertsjûge dat al syn tsjinrampen mei opsetsin feroarsake binne troch Thornton, dy't Hal by de goudclaim wei hâlde woe dy't er kocht hie. Want Thornton wol fansels it goud dat dêr sit, sels ynpikke. Hy set efter Thornton en Buck oan mei as doel om [[wraak]] te nimmen.

As se tegearre yn 'e wyldernis binne, wurdt de bân tusken Thornton en Buck noch sterker fanwegen alle deistige aktiviteiten dy't se mei-inoar dogge. Se reizgje fan 'e kaart ôf en ûntdekke op in dei in leechsteande, ferfallen blokhutte oan 'e igge fan in [[beek]]je. Dêr beslút Thornton him nei wenjen te setten. It docht bliken dat it beekje smoarfol goud sit, dat Thornton begjint mei goudsykjen, wylst Buck de omkriten ferkent. Dêr komt er in wite [[wolvinne]] op it spoar, dêr't er freonskip mei besiket te sluten troch har in poat te jaan. Sy moat dêr neat fan hawwe en makket him dat ek goed dúdlik. Nei't er lykwols in lid fan har [[ridel]] rêdt, dat yn 'e [[streamfersnelling]]s fan in [[rivier]] driget te [[ferdrinken]], betinkt se har. Buck bringt dêrnei almar mear tiid troch mei de wolveridel, mar keart eltse jûn werom nei de blokhutte om by Thornton te wêzen. Hy wurdt ferskuord trochdat er oan 'e iene kant graach by de wolvinne yn 'e wyldernis libje wol en oare kant dochs syn baaske net allinne litte wol.

Tsjin ein fan 'e simmer beslút Thornton dat it tiid is om op hûs oan. Hy bedoelt net: werom nei Dawson City, mar: werom nei syn eks-frou, mei't syn rite yn 'e wyldernis syn kwetste geast genêzen hat. Hy smyt frijwol al it goud dat er fûn hat, werom de beek yn en nimt [[ôfskie]] fan Buck, dy't hjir mar moai yn 'e wyldernis bliuwe moat, ornearret er. Buck giet it wâld yn en jout him del njonken de wolvinne, al hat er net alhiel frede mei dy kar. Dy nachts fynt Hal de blokhutte fan Thornton en besiket de âldman dea te sjitten. Thornton lit fan [[skrik]] in [[oaljelampe]] kneppelje en binnen de koartste kearen stiet de hiele blokhutte yn [[brân|ljochte lôge]]. As Hal deryn komme wol, grypt Thornton de [[loop (fjoerwapen)|loop]] fan syn [[gewear]]. Bûtendoar wrakselje beide mannen om it wapen, wêrby't Hal Thornton yn 'e [[búk]] sjit. As er de ferwûne man ôfmeitsje wol, arrivearret Buck, dy't it skot heard hat. Hy skuort Hal earst syn gewear út 'e hannen en dan syn kneppel, wêrnei't er de man tebektriuwt nei de blokhutte en nei binnen smyt. Fuort letter stoart it gebou yn, en Hal komt om yn 'e flammen.
[[File:Harrison Ford by Gage Skidmore 3.jpg|right|thumb|150px|[[Harrison Ford]].]]
[[File:Omar Sy (2020).jpg|right|thumb|120px|[[Omar Sy]].]]
[[File:Cara Gee at the 2018 CFC Annual Gala & Auction (25432943147) (cropped).jpg|right|thumb|160px|[[Cara Gee]].]]

De [[ferstjerren|stjerrende]] Thornton seit tsjin Buck dat er no foar himsels libje moat en dat de wyldernis no syn thús is. De oare moarns wurdt Buck ophelle troch de wolvinne, dy't him meitroait nei it wâld. Buck hâldt ferskate kearen ho om mei [[drôvens]] om te sjen nei de útbaarnde blokhutte, mar giet úteinlik mei har. Yn neikommende jierren is de krite om 'e blokhutte hinne it domein fan in aparte wolveridel, mei in krusing fan in Sint-Bernardshûn en in Ingelske hardershûn as alfa en it iene nei it oare nêst jonge [[wolfshûn]]tsjes as nije leden.

==Rolferdieling==
;haadrollen
{| height="100px" width="350px" style="background:#F8F8F8; border:1px solid #aaaaaa"
| style="background:gold"| '''personaazje''' 
| style="background:gold"| '''akteur/aktrise'''&nbsp;&nbsp;&nbsp;
|- 
| John Thornton / [[voice-over]]
| [[Harrison Ford]]
|-
| Perrault
| [[Omar Sy]]
|-
| Françoise
| [[Cara Gee]]
|-
|}
<br>
;byrollen
{| height="100px" width="350px" style="background:#F8F8F8; border:1px solid #aaaaaa"
| style="background:gold"| '''personaazje''' 
| style="background:gold"| '''akteur/aktrise''' 
|- 
| Hal
| [[Dan Stevens]]
|-
| Mercedes
| [[Karen Gillan]]
|-
| [[rjochter]] Miller
| [[Bradley Whitford]]
|-
| Katie Miller
| [[Jean Louisa Kelly]]
|-
| Charles
| [[Colin Woodell]]
|-
| Edenshaw
| [[Michael Horse]]
|-
| hûnedief
| [[Adam Fergus]]
|-
| hûnekeapman yn [[Skagway (Alaska)|Skagway]]
| [[Brad Greenquist]]
|-
|}

==Produksje en distribúsje==
===Produksje===
''The Call of the Wild'' waard [[regissearre]] troch [[Chris Sanders]] nei in [[senario]] fan [[Michael Green (skriuwer)|Michael Green]]. It skript gie tebek op sawol de ferneamde [[aventoereroman]] ''[[The Call of the Wild (roman)|The Call of the Wild]]'' fan [[Jack London (skriuwer)|Jack London]] út [[1903]], as op in eardere ferfilming, ''[[Call of the Wild (film út 1935)|Call of the Wild]]'' fan [[Gene Fowler]] út [[1935]], mei [[Clark Gable]] yn 'e [[haadrol]]. De nije film is [[bernefilm|bernefreonliker]] as it boek, wat bgl. bliken docht as de [[antagonist]] Hal fertelt dat de slidehûnen mei syn slide útnaaid binne (yn it boek komme se om). As [[filmprodusint|produsinten]] wiene [[Erwin Stoff]] en [[James Mangold]] by it projekt belutsen foar de [[filmstudio's]] [[20th Century Studios]], [[TSG Entertainment]] en [[3 Arts Entertainment]]. (''The Call of the Wild'' wie de earste film dy't troch 20th Century Studios, foarh. 20th Century Fox, útbrocht waard ûnder de nije namme.) Foar de film wie in [[budget]] beskikber fan [[$]]125 oant 150&nbsp;miljoen. De [[kamerarezjy]] wie yn 'e hannen fan [[Janusz Kamiński]], en de [[filmmuzyk]] waard fersoarge troch [[John Powell (filmkomponist)|John Powell]].

===Opnamen===
De [[opnamen (film)|opnamen]] foar ''The Call of the Wild'' setten ein [[septimber]] [[2018]] útein. De film waard yn syn gehiel opnommen yn [[Kalifornje]], foar it meastepart yn 'e [[soundstage|studio]] yn [[Los Angeles]] en foar in lyts part op [[filmset]]s bûtendoar yn [[Santa Clarita (Kalifornje)|Santa Clarita]]. Foar Buck waard gjin echte [[hûn]] brûkt; ynstee waard er kreëarre út [[special effects]]; by de opnamen fungearre [[Terry Notary]] foar him as [[stand-in]], sadat de akteurs wat hiene dêr't se har op rjochtsje koene.

===Distribúsje===
De [[filmdistribúsje|distribúsje]] fan ''The Call of the Wild'' waard fersoarge troch [[20th Century Studios]]. De film gie op [[21&nbsp;febrewaris]] [[2020]] yn 'e [[Feriene Steaten|Amerikaanske]] [[bioskopen]] yn [[premiêre]]. It byhearrende [[soundtrack]]album ferskynde op [[21&nbsp;febrewaris]] [[2020]] by [[platemaatskippij]] [[Hollywood Records]]. ''The Call of the Wild'' kaam op [[27&nbsp;maart]] [[2020]] beskikber as [[ynternet|digitale]] [[download]] en waard op [[12&nbsp;maaie]] fan dat jier útbrocht op [[dvd]] en [[blu-ray]].

==Untfangst==
Fan 'e [[filmkritisy]] krige ''The Call of the Wild'' mingde [[resinsje]]s. Sa priizge [[Owen Gleiberman]] fan it [[tydskrift]] ''[[Variety (tydskrift)|Variety]]'' de [[aktearprestaasje]] fan [[Harrison Ford]], dy't er omskreau as "in [[minimalisme|minimalistysk]] optreden". In protte oare resinsinten wiene dat mei him iens. Der wie lykwols in protte [[krityk]] op Buck en de oare [[hûn]]en dy't útslutend mei [[special effects]] ta stân brocht wiene. In soad filmkritisy fûnen dy der nep útsjen. 

[[Common Sense Media]] parte ''The Call of the Wild'' 4 fan 5 [[stjer (figuer)|stjerren]] ta. Dêrby waard opmurken: "[[Aldelju]] moatte witte dat ''The Call of the Wild'' in [[famyljefilm|famyljefreonlike adaptaasje]] is fan 'e [[The Call of the Wild (roman)|klassike roman]] fan [[Jack London (skriuwer)|Jack London]]. […] it is in ienfâldiger, wat behimmele fariant fan it ferhaal (wat it foechsumer makket foar jongere sjoggers), mar de [[tema (fiksje)|tema's]] en boadskippen fan it wurk fan London binne [yn dizze film] noch like fris as in [[sinne-opgong]] yn 'e [[Yukon]]."

Op 'e [[webside]] [[Rotten Tomatoes]], dy't resinsjes sammelet, hat ''The Call of the Wild'' in goedkarringspersintaazje fan 62%, basearre op 206 ûnderskate resinsjes. De konsensuskrityk fan 'e webside, gearstald út al dy resinsjes, stelt: "It wurdt ûndermine troch ôfliedende en ûnnedige [[special effects]], mar it hertferwaarmjende ''Call of the Wild'' bliuwt dochs in klassyk ferhaal, dat leafdefol werferteld wurdt." Op [[Metacritic]], de wichtichste [[konkurrint]] fan Rotten Tomatoes, behellet ''The Call of the Wild'' in goedkarringspersintaazje fan 47%, basearre op 43 resinsjes.

==Resultaat==
===Opbringst===
''The Call of the Wild'' brocht yn 'e [[bioskopen]] yn 'e [[Feriene Steaten]] en [[Kanada]] [[$]]62,3&nbsp;miljoen op, en yn alle oare [[lannen en territoaria]] $48,5&nbsp;miljoen. Wrâldwiid kaam de [[opbringst (jild)|opbringst]] dêrmei út op $110,8&nbsp;miljoen. Ofset tsjin it [[budget]] fan $125 oant 150&nbsp;miljoen betsjut dat in [[ferlies (ûndernimming)|ferlies]] fan $14,2 oant 39,2&nbsp;miljoen, dêr't de [[marketing]]kosten noch by opteld wurde moat. Fanwegen de hege produksje- en marketingkosten hie ''The Call of the Wild'' ferlet fan in opbringst an $250 oant 275&nbsp;miljoen om kyt te spyljen. Dat hie skoan slagje kind as de [[koroanafiruspandemy (2019-2022)|koroanapandemy]] de boel net bedoarn hie. Troch de [[lockdown]]s dy't yn ferbân dêrmei fan krêft waarden, moasten de bioskopen ticht en kaam der foartidich in ein oan 'e fertoaning fan 'e film dêre. Saakkundigen hâlde it derop dat ''The Call of the Wild'' dêrtroch úteinlik $50 oant 100&nbsp;miljoen ferlies draaid hat.

==Keppelings om utens==
* {{en}} [https://family.20thcenturystudios.com/movies/call-of-the-wild Offisjele webside fan ''The Call of the Wild'']
* {{en}} [http://www.imdb.com/title/tt7504726/ Ynformaasje oer ''The Call of the Wild'' yn 'e Internet Movie Database (IMDb)]

{{boarnen|boarnefernijing=
Foar boarnen en oare literatuer, sjoch ûnder: [http://en.wikipedia.org/wiki/The_Call_of_the_Wild_(2020_film) ''References'', op dizze side].
}}
{{DISPLAYTITLE:''The Call of the Wild'' (film út 2020)}}

{{DEFAULTSORT:Call of the Wild (film út 2020), The}}
[[Kategory:Amerikaanske aventoerefilm]]
[[Kategory:Amerikaanske famyljefilm]]
[[Kategory:Northern]]
[[Kategory:Ingelsktalige film]]
[[Kategory:Film fan 20th Century Studios]]
[[Kategory:Film fan TSG Entertainment]]
[[Kategory:Film fan 3 Arts Entertainment]]
[[Kategory:Film fan Chris Sanders]]
[[Kategory:Film út 2020]]
[[Kategory:Film oer snie en iis]]
[[Kategory:Film oer hûnen]]
[[Kategory:Film oer ûntfiering]]
[[Kategory:Film oer dieverij]]
[[Kategory:Film oer rouferwurking]]
[[Kategory:Film oer wraak]]
[[Kategory:Film oer paranoia]]
[[Kategory:Film oer wolven]]
[[Kategory:Film oer alkoholisme]]
[[Kategory:Film oer bistemishanneling]]
[[Kategory:Film oer in goudsiker]]
[[Kategory:Film oer hûneslydzjen]]
[[Kategory:Film mei in Alaskaansk tema]]
[[Kategory:Film basearre op in literêr wurk]]
[[Kategory:Remake fan in oare film]]