Suffragaan bisdom

In suffragaan bisdom is in rooms-katolyk bisdom, dat ôfhinklik is fan in aartsbisdom ûnder lieding fan in metropolyt, wylst in suffragaan bisdom ûnder lieding stiet fan in suffragaanbiskop.

In tal suffragane bisdommen foarmje tegearre mei it aartsbisdom dêr't se ûnder falle in tsjerkeprovinsje. Sa is it bisdom Grins-Ljouwert in suffragaan bisdom fan it aartsbisdom Utert yn 'e Nederlânske tsjerkeprovinsje.