Besjoch de boarne foar Star Wars: Episode IV – A New Hope

{{Universele ynfoboks film
| ôfbylding                = Star Wars Episode IV - A New Hope logo.png
| ôfbyldingstekst          = 
| ôfbyldingsbreedte        =
| ferwizing                = '''(''[[:en:File:StarWarsMoviePoster1977.jpg|Filmposter yn 'e Ingelske Wikipedy]]'')'''
| namme                    = ''Star Wars: <br><small>Episode IV – A New Hope</small>''
| regisseur                = [[George Lucas]]
| produsint                = [[Gary Kurtz]]
| útfierend produsint      = 
| senario                  = [[George Lucas]]
| basearre op              = 
| kamerarezjy              = [[Gilbert Taylor]]
| muzyk                    = [[John Williams (komponist)|John Williams]]
| filmstudio               = [[Lucasfilm]]
| distribúsje              = [[20th Century Fox]]
| haadrollen               = [[Mark Hamill]]<br> [[Carrie Fisher]]<br>[[Harrison Ford]]
| voice-over               = 
| byrollen                 = [[Alec Guinness]]<br> [[David Prowse]]<br> [[James Earl Jones]]<br> [[Peter Mayhew]]<br> [[Anthony Daniels]]<br>[[Kenny Baker (Ingelsk akteur)|Kenny Baker]]<br>[[Peter Cushing]]
| lân/lannen               = [[File:Flag of the United States.svg|border|20px]] [[Feriene Steaten]]
| premiêre                 = [[25&nbsp;maaie]] [[1977]]
| direkt op fideo          = 
| foarm                    = [[langspylfilm]]
| sjenre                   = [[science fiction-film]]
| taal                     = [[Ingelsk]] <small>(ek guon optochte talen)</small>
| spyltiid                 = 121 minuten
| budget                   = $11&nbsp;miljoen
| opbringst                = $775,8&nbsp;miljoen
| prizen                   = 7 × [[Oscar]]<br>1 × [[Golden Globe]]<br>2 × [[BAFTA]]<br>13 × [[Saturn Award]]
| filmsearje               = ''[[Skywalker Saga]]''
| foarich diel             = 
| folgjend diel            = ''[[Star Wars: Episode V – The Empire Strikes Back|Star Wars: Episode V – The <br>&nbsp;&nbsp;&nbsp;Empire Strikes Back]]''
}}
'''''Star Wars: Episode IV – A New Hope''''', oarspronklik útbrocht ûnder de [[titel (namme)|titel]] '''''Star Wars''''', is in [[Feriene Steaten|Amerikaanske]] [[science fiction-film]] mei [[fantasy (sjenre)|fantasy]]- en [[aksjefilm]]eleminten út [[1977]]. It is it earste diel fan 'e oarspronklike [[Star Wars-trilogy|''Star Wars''-trilogy]], de ''[[Skywalker Saga]]''-[[filmsearje]] en de hiele [[Star Wars|''Star Wars''-mediafranchise]]. De [[film]] waard [[senario|skreaun]] en [[regissearre]] troch [[George Lucas]]. De [[haadrol]]len waarden spile troch de doe noch folslein ûnbekende [[akteur]]s [[Mark Hamill]], [[Carrie Fisher]] en [[Harrison Ford]]. De [[titel (namme)|titel]] betsjut "Stjerre-oarloggen: Oflevering&nbsp;IV&nbsp;– In Nije Hoop".

De [[plot]] folget de jonge [[Luke Skywalker]], dy't fia de [[androïde]]n [[R2-D2]] en [[C-3PO]] yn 'e kunde komt mei de âlde [[Jedi-master]] [[Obi-Wan Kenobi]]. Dyselde leart him om [[de Krêft]] te manipulearjen, in [[enerzjy]]fjild dat [[talint]]earre brûkers skynber [[boppenatuerlik]]e fermogens jaan kin. Luke slút [[freonskip]] mei de [[smokkelder]] [[Han Solo]] en syn [[Wookiee]]-[[ko-piloat]] [[Chewbacca]] en rekket behelle yn 'e [[opstân]] fan it [[Rebelleferbûn (Star Wars)|Rebelleferbûn]] tsjin it skrikbewâld fan it [[Galaktysk Keizerryk]]. Mei-inoar befrije se de rebelske [[prinsesse Leia]], dy't [[finzen]] nommen is troch [[Darth Vader]], de wichtichste trewant fan 'e [[kwea|boasaardige]] [[keizer]] [[Palpatine]], en leverje se de [[dieverij|stellen]] [[blaudruk]]ken fan 'e [[Deadsstjer]], in reuseftich [[romtestasjon]] en [[massaferneatigingswapen]], ôf by de rebellen. Neitiid nimt Luke diel oan in oanfal op 'e Deadsstjer om dy te ferneatigjen.

Doe't ''Star Wars: Episode&nbsp;IV&nbsp;– A&nbsp;New Hope'' nei in turbulint produksjeproduksje útbrocht waard, krige er fan 'e [[filmkritisy]] fan alle kanten lof taswaaid. Yn 'e [[bioskopen]] woeks de film út ta in reuseftich súkses. It wie feitliks de meast [[opbringst (jild)|opbringende]] film fan [[1977]] en teffens de meast opbringende film aller tiden. ''Star Wars: Episode&nbsp;IV&nbsp;– A&nbsp;New Hope'' wûn 7 [[Oscar]]s, in [[Golden Globe]], 2 [[BAFTA's]] en 13 [[Saturn Award]]s. Yn [[1989]] wie it ien fan 'e earste 25 films dy't omreden fan [[kulturele]], [[histoarysk]]e en/of [[estetysk]]e wearde troch de [[Library of Congress]] foar preservearring foar de ivichheid opnommen waarden yn it [[National Film Registry]]. ''Star Wars: Episode&nbsp;IV&nbsp;– A&nbsp;New Hope'' wurdt tsjintwurdich beskôge as ien fan 'e bêste en ynfloedrykste films út 'e [[filmskiednis]]. In folgjend diel út 'e ''Skywalker Saga'', ''[[Star Wars: Episode&nbsp;V&nbsp;– The Empire Strikes Back]]'', kaam út yn [[1980]].

==Titel==
De film waard yn [[1977]] oarspronklik útbrocht ûnder de [[titel (namme)|titel]] ''Star Wars'', mei't doe noch net dúdlik wie oft it in súkses wurde soe of net, en dus oft der [[ferfolchfilm]]s makke wurde kinne soene of net. Doe't er yn [[1981]] op 'e nij yn 'e [[bioskoop]] útbrocht waard, wie dêr gjin inkele twifel mear oer mooglik. Om 'e film better te ûnderskieden fan 'e ferfolchfilms (wêrfan't ''[[Star Wars: Episode&nbsp;V&nbsp;– The Empire Strikes Back]]'' doe al útkommen wie), waarden doe mei weromwurkjende krêft de nûmering (''Episode IV'') en de [[ûndertitel]] (''A New Hope'') tafoege. Hoewol't guon puristen der op steane om 'e film noch altyd koartwei ''Star Wars'' te neamen, bestiet der oer it algemien in konsensus dat de tafoegings út [[1981]] in ferbettering ynhâlde dy't betizing foarkomt.

==Plot==
Lang ferlyn, yn in [[Stjerrestelsel]] fier, fier fuort is in [[opstân]] geande tsjin it skrikbewâld fan it [[Galaktysk Keizerryk]]. De opstannelingen, feriene yn it [[Rebelleferbûn (Star Wars)|Rebelleferbûn]], hawwe mei grut ferlies oan [[libben]]s de [[blaudruk]]ken witten te [[dieverij|stellen]] fan 'e [[Deadsstjer]], in reuseftich nij [[romtestasjon]] anneks [[massaferneatigingswapen]] fan it Keizerryk, dat mei syn [[ploffer (Star Wars)|superlaserkanon]] hiele [[planeten]] ferneatigje kin. [[Prinsesse]] [[Leia Organa]], in lid fan 'e Keizerlike [[Senaat]] dy't temûk ek ien fan 'e lieders fan it Rebelleferbûn is, hat de blaudrukken taspile krigen en reizget yn har [[romteskip]] halje-trawalje werom nei har thúswrâld [[Alderaan]] om se dêr troch te jaan. 
[[File:Tatooine (fictional desert planet).jpg|left|thumb|220px|De [[planeet]] [[Tatooine]].]]

It romteskip, in [[korvet]] mei de namme ''Tantive&nbsp;IV'' dy't ûnder befel stiet fan [[kaptein (skipfeart)|kaptein]] [[Raymus Antilles]], wurdt lykwols by de [[planeet]] [[Tatooine]] ûnderskept troch in Keizerlik [[stjerreslachskip]] mei oan board de [[ûnmeilydsum]]e [[Sith]]-hear [[Darth Vader]], de neiste hantlanger fan 'e [[kwea|boasaardige]] [[keizer]] [[Palpatine]]. Wylst Keizerlike [[stoarmtroeper (Star Wars)|stoarmtroepers]] de ''Tantive&nbsp;IV'' [[interjen|interje]] en handich ôfweve mei de [[soldaten]] fan 'e Alderaanske Konsulêre Wacht dy't it skip ferdigenje, ferberget prinsesse Leia de blaudrukken yn it [[ûnthâld (kompjûter)|ûnthâld]] fan 'e astromeganisiên-[[androïde]] [[R2-D2]]. Nei't de prinsesse troch de stoarmtroepers [[finzen]] nommen is, ûntkomt R2-D2 mei de protokolandroïde [[C-3PO]] yn in [[rêdingsboat|rêdingskapsule]] nei it oerflak fan Tatooine. 

De beide androïden bedarje yn 'e [[woastyn]], dêr't it meastepart fan Tatooine mei oerdutsen is. Unienichheid oer de rjochting dy't se út moatte, driuwt harren útinoar, mar se wurde allebeide fongen troch [[Jawa's]], de leden fan in [[pygmee]]sk ras fan [[bûtenierdske wêzens]] dat lânseigen is op Tatooine. De Jawa's binne rommelsikers en nifelders, dy't ôftanke en stikken rekke [[masine]]ry gearfandelje en opknappe wylst se yn harren ûnbidich grutte en tige feilige, mar ek hiel traach fuortbewegende [[sânkrûper]] troch de woastyn swalkje. De Jawa's ferkeapje de beide androïden oan in pleatslike [[boer|fochtboer]], [[Owen Lars]]. Dyselde draacht se oer oan syn [[omkesizzer]] en [[pleechsoan]], de njoggentjinjierrige [[Luke Skywalker]], om se nei te sjen en oan it wurk te setten.

Luke is [[ûngelokkigens|ûngelokkich]] op 'e [[pleats]] fan syn omke Owen en [[muoike]] [[Beru Lars|Beru]]. Net dat er [[mishannele]] of op hokfoar manear dan ek misjegene wurdt, mar syn omke besiket fan him in boer te meitsjen, en dat sit gewoan net yn him. Luke bringt syn [[frije tiid]] dan ek troch mei it dreamen fan gruttere en bettere dingen. Oer syn [[âlden]] wit er suver neat, útsein dat se koart nei syn [[berte]] [[ferstoarn]] binne. Eltse kear as er dat ûnderwerp oansnije wol, leit omke Owen dêr op besliste wize it near op. As Luke R2-D2 oant it [[himmeljen]] is fan alle [[sân]] en smoargens dy't de androïde by syn tocht troch de woastyn skipe hat, ûntdekt er in [[hologram|holografysk]]e opname fan prinsesse Leia, dy't help freget oan in [[Obi-Wan Kenobi]]. Luke hat dy namme noch nea heard, mar hy ken wol in Ben Kenobi, in âldman dy't as [[klúzner]] foarby it begjin fan 'e Dunesee omhúsmannet en troch de pleatslike [[befolking]] as net alhiel [[geast]]lik ynoarder beskôge wurdt. R2-D2 hâldt út dat hy it eigendom is fan Obi-Wan Kenobi.

As Luke nei it [[jûnsmiel]] werom komt, docht bliken dat R2-D2 poater is. De lytse androïde is der blykber op eigen manneboet op útgien om Obi-Wan Kenobi te sykjen. Hy hat gâns in foarsprong en is nearne te bekennen, en nei [[tsjuster]] is it te gefaarlik om him efternei. Luke, dy't by it himmeljen de twangklam fan R2-D2 ferwidere en dêrmei it útnaaien mooglik makke hat, beslút neat tsjin syn omke en muoike te sizzen, om't er wol foar it ferstân hat dat der wat swaaie sil as omke Owen dit heart. Ynstee giet er der de oare [[moarn (deidiel)|moarns]] betiid ôf en set mei C-3PO yn syn [[lânglider]] ôf om R2-D2 werom te heljen foar't omke Owen troch hat dat der wat mis is. Hy wurdt lykwols opmurken troch guon [[Tusken-kapers]], leden fan in notoir [[ksenofoby]]sk ras fan bûtenierdske wêzens dat lânseigen is op Tatooine, dy't him op harren [[bantha|bantha's]], mânske [[ryddier]]en, efternei sette. 
[[File:Star Wars Celebration V - 501st room - Tusken Raider (4940402049).jpg|right|thumb|250px|In [[Tusken-kaper]].]]

Krekt as Luke R2-D2 weromfûn hat, wurdt er oanfallen troch de Tusken-kapers, dy't him [[bewusteleas]] slane. Hy en de beide androïden wurde lykwols rêden troch Ben Kenobi, dy't de [[skrikfalligens|skrikfallige]] wêzens op 'e flecht jaget troch de [[pearjen|pearrop]] fan in kraytdraak nei te bearen. As Luke út 'e doeken docht wat er yn 'e woastyn te sykjen hat, fertelt Ben Kenobi dat hy de Obi-Wan Kenobi is, dy't R2-D2 siket. Obi-Wan is syn wiere [[namme]], mar ien dy't er al mear as tweintich jier net brûkt hat.

Obi-Wan nimt Luke en androïden mei nei syn [[wente]], dêr't se feilich binne foar de Tusken-kapers. R2-D2 jout dan oan Obi-Wan it boadskip fan prinsesse Leia priis, dat er foar Luke net fierder ôfspylje woe. It docht bliken dat de holografyske bylden dy't Luke sjoen hat, mar in lyts stikje beslane fan in langere opname. Dêryn sprekt Leia Obi-Wan oan as "[[generaal]] Kenobi", en makket se der gewach fan dat [[Bail Organa|har heit]] mei him yn 'e [[Kloane-oarloggen]] fochten hat. Se smeekt him om derfoar te soargjen dat de blaudrukken fan 'e Deadsstjer har thúswrâld Alderaan berikke, dêr't har heit se yn ûntfangst nimme sil. Se kinne dan analysearre wurde op swakten yn it ûntwerp dêr't de rebellen gebrûk fan meitsje kinne om mei de Deadsstjer ôf te weven. Leia beëiniget har boadskip mei it sizzen dat Obi-Wan de iennichste [[hoop]] fan it Rebelleferbûn is.

Obi-Wan leit oan Luke út dat er foarhinne in [[Jedi-ridder]] wie, ien fan 'e bewarders fan 'e [[frede]] yn 'e âlde [[Galaktyske Republyk]], foar't de [[republyk]] ûnder fuotten helle waard en de Jedi frijwol útrûge waarden. De Jedi meitsje gebrûk fan in [[mystyk|mystike]] mar apersonele krêft, dy't bekend stiet as "[[de Krêft]]" en dy't troch Obi-Wan omskreaun wurdt as "in [[enerzjy]]fjild skepen troch alle libbene wêzens […, dat] it Stjerrestelsel gearbynt." Troch training en [[meditaasje]] kinne dyjingen dy't "sterk yn 'e Krêft" binne, fermogens bemachtigje dy't [[boppenatuerlik]] lykje, wêrûnder [[telekineze]], [[telepaty]], [[profesij|foarkennis]] en de manipulaasje fan fysike enerzjy. Obi-Wan fertelt Luke dat er syn [[heit]], [[Anakin Skywalker]], goed kennen hat, mei't dat ek in Jedi-ridder wie. As Luke freget wat der mei him bard is, antwurdet Obi-Wan dat er [[fermoarde]] is troch Darth Vader, in learling fan Obi-Wan dy't himsels [[ferlieding|ferliede]] liet troch de tsjustere kant fan 'e Krêft. Obi-Wan besiket Luke oer te heljen om mei him te gean nei Alderaan en jout him syn heite [[ljochtsabel]], it [[wapen]] dêr't de Jedi harren mei ûnderskiede. Luke antwurdet lykwols dat er ferantwurdlikheden op syn omke' pleats hat dêr't er him net samar foar weiwine kin.
{{Plotbedjer film}}
Underweis werom nei hûs stjitte Luke, Obi-Wan en de beide androïden op in útbaarnde [[sânkrûper]], en dêromhinne leit it besiedde mei de [[stoflike omskotten]] fan deasketten [[Jawa's]]. Luke mient earst, it is it wurk fan Tusken-kapers, mar Obi-Wan wiist derop dat dy it [[wapen]]reau net hawwe om in sânkrûper op sa'n wize te fernielen. Inkeld Keizerlike stoarmtroepers hawwe dat. Luke riddenearret út dat de stoarmtroepers omreden fan 'e stellen blaudrukken fan 'e Deadsstjer op 'e siik wêze moatte nei de beide androïden, en dat de Jawa's harren foar har dea grif trochwiisd hawwe nei de pleats fan syn omke en muoike. Hy hastiget him yn syn lânglider werom nei hûs, mar treft de pleats alhiel oer de kop helle oan, mei bûtendoar de ferkoalde liken fan omke Owen en muoike Beru.

No't er neat mear hat om foar te bliuwen, jout Luke him by Obi-Wan. Mei de beide androïden op sleeptou reizgje se nei de [[delsetting]] [[Mos Eisley]], in plak dat op it dochs al wetteleaze Tatooine in strieminne [[reputaasje]] hat. Luke ferkeapet syn lânglider om oan [[jild]] te kommen foar de ôfreis fan it selskip fan 'e planeet. Yn in snústerige [[kroech]] [[hantsjebakken|hantsjebakt]] Obi-Wan mei de [[smokkelder]] [[Han Solo]] en dy syn [[ko-piloat]] [[Chewbacca]], in [[Wookiee]]. Dyselden sitte om jild ferlegen, mei't se in lading [[smokkelwaar]] oerboard dumpt hawwe doe't se trappearre drigen te wurden; de eigner fan it guod, de pleatslike [[gangster]] [[Jabba de Hutt]], easket no dat se de kontrabande fergoedzje. Se stimme dermei yn om Obi-Wan, Luke en de beide androïden nei Alderaan te bringen yn harren romteskip, de ''[[Millennium Falcon]]''. It selskip ûntkomt krekt op 'e tiid fan Tatooine, mei't stoarmtroepers fan it Galaktysk Keizerryk Obi-Wan-en-dy op 'e hakken sitte.
[[File:Death Star1.png|left|thumb|200px|De [[Deadsstjer]].]]

Underwilens wurdt prinsesse Leia yn har [[sel (finzenis)|sel]] yn 'e Deadsstjer op befel fan Darth Vader [[martele]] om 'e [[lokaasje]] oan 'e weet te kommen fan it [[haadkertier]] fan it Rebelleferbûn. As dat net daliks effekt sortearret, goait [[grut-moff]] [[Wilhuff Tarkin]], de [[kommandant]] fan 'e Deadsstjer, it oer in oare boech. Hy lit it romtestasjon koers sette nei Leia har thúswrâld Alderaan. Dêr oankommen lit er har by him bringe en [[bedriging (misdriuw)|driget er dermei]] om it superlaserkanon fan 'e Deadsstjer tsjin Alderaan yn te setten. Leia jout dan einlings de lokaasje fan 'e basis fan 'e rebellen priis, dy't op Dantooine fêstige is. Tarkin fertelt har dat Dantooine fierstente ôfhandich is foar in effektive demonstraasje fan 'e macht fan 'e Deadsstjer en jout opdracht om Alderaan dochs te ferneatigjen. Underweis troch de [[hyperromte]] nei Alderaan bringt Obi-Wan oan syn nije learling Luke de basisbegjinsels fan 'e manipulaasje fan 'e Krêft by. Op in stuit merkt er "in fersteuring yn 'e Krêft", sa't er it sels neamt, dy't gearfalt mei de ferneatiging fan Alderaan.

By oankomst yn it [[planetestelsel]] fan Alderaan komt de ''Millennium Falcon'' de [[romte|reële romte]] wer binnen yn in [[asteroïde]]fjild, dat alles is dat noch restearret fan 'e planeet. It romteskip komt te deun by de Deadsstjer yn 'e buert en rekket fêst yn 'e [[lûkstriel]] fan it stasjon ear't Obi-Wan en Han foar it ferstân krije dat it net in lytse [[moanne (byplaneet)|moanne]], mar in reuseftich romtestasjon is. De ''Millennium Falcon'' wurdt in [[hangaar]] fan 'e Deadsstjer binnen sleept, mar de opfarrenden witte oan finzenname te ûntkommen troch har te ferbergjen yn 'e romten dy't Han brûkt foar it ferfier fan smokkelwaar. Toch [[ferfalsking]] fan it [[lochboek]] miene de Keizerlike troepen dat de bemanning koart nei ôfreis fan Tatooine fan board gien is yn in rêdingskapsule.

Neitiid oermasterje se in pear stoarmtroepers, wa har [[wite]] [[wapenris]]sen mei [[gesicht]]sbedekkende [[helm (holdeksel)|helms]] Luke en Han stelle en oandogge. R2-D2 [[hacking|hackt]] it [[kompjûter]]systeem fan 'e Deadsstjer en lokalisearret de generator fan 'e lûkstriel, dy't lykwols djip yn it romtestasjon sitewearre is. Obi-Wan, dy't de oanwêzigens fan Darth Vader gewaarwurden is, beslút dat hy de bêste kâns hat om sûnder sjoen te wurden sa djip yn it romtestasjon troch te kringen, wylst er dan tagelyk de oandacht fan Vader, dy't hìm likegoed fernimt, by de oaren wei liede kin. As Obi-Wan ôfset is, ûntdekt R2-D2 dat prinsesse Leia yn 'e Deadsstjer finzen holden wurdt. Tarkin hat ûnderwilens útfûn dat se him foar it lapke holden hat, mei't op Dantooine inkeld in al lang ferlitten rebellebasis te finen is. Dat makket him sa [[lulk|poer]] dat er daliks opdracht jûn hat ta har [[eksekúsje]]. As R2-D2 dat trochjout, bepraat Luke Han en Chewbacca om him te helpen by in rêdingsaksje.

Yn 'e momkape fan in pear stoarmtroepers dy't in finzen nommen Wookiee ôfleverje, ynfiltrearret it trijetal it [[selleblok]] dêr't Leia finzen sit. Ear't se mei har ûntkomme kinne, wurde se lykwols ynsletten. De trochtaastende prinsesse sjit it [[roaster (ramtwurk)|roaster]] boppe in [[jiskefet|ôffalbuis]] stikken en fjouweresom springe se dêryn. Se komme út yn in [[ôffal]]romte, dêr't se earst oanfallen wurde troch in wêzen mei [[tentakel]]s dat him yn it ôffalwetter beskûl hâldt, en as dat ynienen útpykt, docht bliken dat de ôffalparse oan gien is, en driigje se platdrukt te wurden. R2-D2 wit it ding op it lêste momint út te setten, wêrnei't it fjouwertal ûntsnapt nei de hangaar dêr't de ''Millennium Falcon'' stiet. Underwilens hat Obi-Wan de lûkstrielgenerator deäktivearre, mar neitiid wurdt er opwachte troch Vader, mei wa't er ferwikkele rekket yn in [[duël]] mei de [[ljochtsabel]]. Om syn selskipslju in kâns te jaan en ûntkom, [[selsopoffering|offeret Obi-Wan himsels]] moedwillich op en lit er him troch Vader deadzje. Mei't er dan ien wurdt mei de Krêft, bliuwt der inkeld in ljochtsabel en in leech pak [[klean]] efter.
[[File:Star Wars Identities (8348847356).jpg|right|thumb|250px|In model fan 'e ''[[Millennium Falcon]]'', it [[romteskip]] fan [[Han Solo]].]]

Luke, Han, Chewbacca, prinsesse Leia, R2-D2 en C-3PO witte de ''Millennium Falcon'' te berikken en de Deadsstjer te ûntflechtsjen. Leia fynt dat de ûntsnapping wat al te maklik gie, mar Han wiuwt dat beswier fuort. Op 'e Deadsstjer wurdt út in [[petear]] tusken Vader en Tarkin lykwols dúdlik dat der in folchstjoerderke yn 'e ''Millennium Falcon'' pleatst is. Sa kin it romteskip folge wurde nei de geheime rebellebasis dêr't Leia har selskipslju hinne liedt, op 'e fjirde moanne fan 'e [[gasreus]] [[Yavin]]. Dêr draacht R2-D2 de blaudrukken fan 'e Deadsstjer oer oan 'e rebellen. By [[analyze]] troch saakkundigen wurdt fêststeld dat it romtestasjon ien swak punt hat: in [[temperatuer|termale]] [[útlaat]], dy't fan it oerflak fan 'e bolfoarmige Deadsstjer streekrjocht tagong jout ta de [[enerzjyreäktor]] yn it sintrum fan it romtestasjon. As der in [[torpedo (wapen)|torpedo]] yn dy skacht smiten wurde kin, sil it opblazen fan 'e reäktor in keatlingreäksje feroarsaakje dy't de hiele Deadsstjer ferneatigje sil. De yngong fan 'e skacht is lykwols tige lyts en der is in presysjeskot foar nedich om him te treffen.

De Deadsstjer ferskynt yn it planetestelsel fan Yavin en bedarret krekt oan 'e tsjinstelde kant fan 'e gasreus as de moanne [[Yavin-IV]]. It sil in healoere duorje ear't de Deadsstjer de moanne om 'e kromming fan 'e planeet hinne yn it fizier krije kin. Sa lang hawwe de rebellen de tiid om it romtestasjon te ferneatigjen. Wylst Luke him by de rebellepiloaten jout dy't de oanfal útfiere sille, ynkassearje Han en Chewbacca de beleanning dy't harren tasein is as ôfbetelling foar de reis nei Alderaan en letter foar de befrijing fan prinsesse Leia. Luke besiket Han te bepraten om him ek by de rebellen te jaan, mar Han stegeret him ôf. 

De ienpersoans [[X-wjukjager]]s en [[Y-wjukjager-bommesmiter]]s fan 'e rebelle-ienheid fan generaal [[Jan Dodonna]] binne te lyts om effektyf tsjin te hâlden mei it [[loftôfwar|ôfwargeskut]] fan 'e Deadsstjer, dat ûntwurpen is mei gruttere romteskippen yn gedachten. Dêrtroch slagget it de rebellen om deun genôch by de Deadsstjer te kommen. De Keizerlike troepen figelearje út wat de bedoeling fan 'e rebellen is, en Tarkin wurdt oanret om út foarsoarch de Deadsstjer te ferlitten, mei't der in lytse kâns is dat it romtestasjon ferneatige wurde sil. Dêr wol er lykwols neat fan witte. Vader set mei in stikmannich piloaten yn Keizerlike [[TIE-jager]]s út 'e hangaars fan 'e Deadsstjer ôf om 'e rebellen tsjin te kearen. Eltse kear as de rebellen deunby in presysjeskot komme, ferneatiget Vader harren tastellen. 

Nei't de rebellen swiere ferliezen lit hawwe, en wylst de Deadsstjer Yavin-IV yn it each kriget en risselwearret om 'e moanne te ferneatigjen, beslút Luke it te prebearjen. Hy hat der wol [[fertrouwen]] yn, mei't er op Tatooine op likernôch deselde manear út 'e loft wei [[jacht (aktiviteit)|jacht]] makke hat op womp-rotten. Vader sjit ien fan Luke syn beide begelieders, [[Biggs Darklighter]], oan grom, wylst de oare, [[Wedge Antilles]], mei averij ôfswaaie moat. As Vader Luke yn it fizier nimt, wurdt er lykwols sels ûnferhoeds fan efteren oanfallen troch Han en Chewbacca yn 'e ''Millennium Falcon''. Dyselden weve handich mei Vader syn begelieders ôf, wylst Vader syn TIE-jager ûnbestjoerber rekket, sadat er fuortsaait, de romte yn. Luke heart de [[stim]] fan Obi-Wan, dy't him oanfiteret om net op 'e [[kompjûter]] fan syn romteskip, mar op 'e Krêft te fertrouwen. Luke jout dêr gehoar oan en syn beide torpedo's falle persiis yn it gat fan 'e útlaat. Wylst Luke en oare oerlibjende rebellen ûntkomme, makket in ûnbidige [[eksploazje]] efter harren in ein oan 'e Deadsstjer, krekt op 'e tiid foar't it romtestasjon op 'e moanne Yavin-IV sketten hawwe soe. Neitiid fiere de rebellen op Yavin-IV de oerwinning mei in [[seremoanje]] wêrby't prinsesse Leia [[medalje]]s útrikt oan Luke en Han.

==Rolferdieling==
[[File:Mark Hamill (48419236062) Cropped.jpg|right|thumb|160px|[[Mark Hamill]] yn [[2019]].]]
[[File:Carrie_Fisher_2013_cropped_retouched.jpg|right|thumb|160px|[[Carrie Fisher]] yn [[2013]].]]
[[File:Harrison Ford by Gage Skidmore 3.jpg|right|thumb|160px|[[Harrison Ford]] yn [[2017]].]]
[[File:A laughing James Earl Jones.jpg|right|thumb|160px|[[James Earl Jones]] yn [[2006]].]]
;haadrollen
{| height="100px" width="550px" style="background:#F8F8F8; border:1px solid #aaaaaa"
| style="background:gold"| '''personaazje'''
| style="background:gold"| '''akteur/aktrise'''&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
|- 
| [[Luke Skywalker]]
| [[Mark Hamill]]
|-
| [[prinsesse]] [[Leia Organa]]
| [[Carrie Fisher]]
|-
| [[Han Solo]]
| [[Harrison Ford]]
|-
|}
<br>
;byrollen
{| height="100px" width="550px" style="background:#F8F8F8; border:1px solid #aaaaaa"
| style="background:gold"| '''personaazje''' 
| style="background:gold"| '''akteur/aktrise''' 
|- 
| [[Obi-Wan Kenobi]]
| [[sir]] [[Alec Guinness]]
|-
| [[Darth Vader]]
| [[David Prowse]] <small>(fysyk)</small> en [[James Earl Jones]] <small>(stim)</small>
|-
| [[Chewbacca]]
| [[Peter Mayhew]]
|-
| [[C-3PO]]
| [[Anthony Daniels]]
|-
| [[R2-D2]]
| [[Kenny Baker (Ingelsk akteur)|Kenny Baker]]
|-
| [[grut-moff]] [[Wilhuff Tarkin]]
| [[Peter Cushing]]
|-
| [[omke]] [[Owen Lars]]
| [[Phil Brown (akteur)|Phil Brown]]
|-
| [[muoike]] [[Beru Lars]]
| [[Shelagh Fraser]]
|-
| [[haadman]] fan 'e [[Jawa's]]
| [[Jack Purvis]]
|-
| [[generaal]] [[Jan Dodonna]] <small>(mei burd)</small>
| [[Alex McGrindle]]
|-
| generaal Vanden Willard
| [[Eddie Byrne]]
|-
| [[Wedge Antilles]] (Read Twa)
| [[Denis Lawson]]
|-
| [[Biggs Darklighter]] (Read Trije)
| [[Garrick Hagon]]
|-
| Greedo <small>(bûtenierdske [[preemjejager]])</small>
| [[Paul Blake (akteur)|Paul Blake]]
|-
| Garven Dreis (Read Lieder)
| [[Drewe Henley]]
|-
| John "O" (Read Fjouwer)
| [[Jack Klaff]]
|-
| Jek Tono Porkins (Read Seis)
| [[William Hootkins]]
|-
| Jon Vander (Goud Lieder)
| [[Angus McInnis]]
|-
| Goud Twa
| [[Jeremy Sinden]]
|-
| Goud Fiif
| [[Graham Ashley]]
|-
| generaal Cassio Tagge
| [[Don Henderson]]
|-
| generaal Moradmin Bast
| [[Leslie Schofield]]
|-
| [[admiraal]] Motti
| [[Richard LeParmentier]]
|-
| [[dr.]] Evazan
| [[Alfie Curtis]]
|-
| [[kaptein (skipfeart)|kaptein]] [[Raymus Antilles]]
| [[Peter Geddis]]
|-
| Wulff Yularen <small>([[Galaktysk Keizerryk|Keizerlik]] [[ofsier]])</small>
| [[Robert Clarke]]
|-
| Siward Cass <small>(Keizerlik ofsier)</small>
| [[Patrick Jordan]]
|-
|}

==Produksje en distribúsje==
===Foarskiednis===
De [[Feriene Steaten|Amerikaanske]] [[regisseur]] [[George Lucas]] wie fan bern ôf oan al in grut [[fan (persoan)|fan]] fan [[epysk]]e opsette [[science fiction-film]]s wêryn't [[fantasy (sjenre)|fantasy]]-eleminten yn it ferhaal fermongen wiene. Benammen de [[searjefilm]] ''[[Flash Gordon (searjefilm)|Flash Gordon]]'', út [[1936]], spriek him bot oan. Yn [[2013]] seid er dêroer yn in [[fraachpetear]]: "Ik hold yn 't bysûnder fan 'e searjefilms oer [[Flash Gordon]] […] Fansels hie ik wol foar it ferstân hoe primityf en min makke oft dy wiene [… Mar] dat ik dêr sa fan hold wylst se sa freeslik wiene, makke dat ik my begûn ôf te freegjen wat der barre soe as se hiel goed makke waarden."

Sadwaande risselwearre Lucas yn [[1971]], nei't er syn earste [[langspylfilm]], ''[[THX 1138]]'', makke hie, om 'e [[filmrjochten]] op ''Flash Gordon'' te keapjen. It ferhaal wie wol te bemachtigjen, mar de rjochten op it gebrûk fan 'e [[personaazje]]s wiene al yn it besit fan 'e [[Itaalje|Italjaanske]] [[filmprodusint]] [[Dino De Laurentiis]], dy't se net ferkeapje woe. Mei't Lucas alles of neat woe, betsjutte dat dat er ôfsjen moast fan in [[remake]] fan ''Flash Gordon''. Hy besleat werom te gean nei de basis en te sjen wêr't de betinker fan ''Flash Gordon'', [[Alex Raymond]], syn [[ynspiraasje (keunst)|ynspiraasje]] wei hie. Sa ûntdiek er dat Flash Gordon loskes basearre wie op 'e ''[[Barzoom]]''-[[romansearje]] fan [[Edgar Rice Burroughs]] (fral bekend wurden as de geastlike heit fan [[Tarzan]]) oer de aventoeren fan 'e [[Ierde (planeet)|Ierdling]] John Carter op [[Mars (planeet)|Mars]] (dat yn 'e boeken in bewenne [[planeet]] is). Dêrnei kaam er derefter dat Burroughs him wer ynspirearje litten hie troch de roman ''[[Gulliver on Mars]]'', fan [[Edwin Lester Arnold]], út [[1905]].
[[File:George Lucas 1986 (cropped).jpg|left|thumb|160px|[[George Lucas]], de betinker fan ''[[Star Wars]]''.]]

Nei't er dy nije ynfloeden opdien hie, begûn Lucas te wurkjen oan in eigen science fiction-[[epos]], wylst er yn 'e tuskentiid de film ''[[American Graffiti]]'' makke. Mei't er ornearre dat syn eardere wurk ''THX 1138'' sa min ûntfongen wie om't de toansetting sa somber wie, besleat er dat ''The Star Wars'' fleurich en aventoerlik wurde moast. Begjin [[jannewaris]] [[1973]] begûn er serieus oan 'e film te wurkjen, nei eigen sizzen "acht oeren deis, fiif dagen yn 'e wike". Ut syn ierste oantekenings stalde er in gearfetting fan twa [[bledside]]n gear, dy't er ''Journal of the Whills'' neamde. Dat wurk fertelde it ferhaal fan learling CJ Thorpe, dy't traind waard as in "Jedi-Bendu"-romte[[kommando]] troch de [[legindarysk]]e Mace Windy. De [[frustraasje]] sloech ta om't Lucas syn eigen ferhaal te yngewikkeld fûn foar it algemiene bioskooppublyk, dat op [[13&nbsp;april]] [[1973]] begûn er mei it skriuwen fan in [[treatment]] (in gearfetting fan in [[senario]]) fan trettjin siden, dy't er de [[wurktitel]] ''The Star Wars'' ("De Stjerre-oarloggen") joech. Dêrfoar helle er oanfoljende ynspiraasje út 'e [[Japan]]ske film ''[[The Hidden Fortress]]'' ([[1958]]) fan regisseur [[Akiro Kurosawa]].

Doe't er mei syn treatment te suteljen gie by de grutte [[filmstudio's]] fan [[Hollywood]] lâns, seach [[United Artists]], dêr't Lucas earder mei gearwurke hie, ôf fan it oankeapjen fan 'e nije film. Dêrop presintearren Lucas en filmprodusint [[Gary Kurtz]] de treatment oan [[Universal Pictures]], de studio dy't earder Lucas syn film ''American Graffiti'' [[finansierd]] hie. Dêr seagen de studiobazen ek net folle yn syn nije projekt. Lucas syn [[kollega]] [[Francis Ford Coppola]], dy't him holpen hie by syn besykjen om 'e filmrjochten op ''Flash Gordon'' te bemachtigjen, fungearre as kroade om it projekt binnen te heljen by [[The Directors Company]], in [[dochterûndernimming]] fan [[Paramount Pictures]], dy't er yn 'e mande mei [[Peter Bogdanovich]] en [[William Friedkin]] bestjoerde. Bogdanovich en Friedkin hiene lykwols twifels oer Lucas syn fermogens as regisseur en stimden Coppola syn foarstel om ''The Star Wars'' te meitsjen fuort. Ek [[Walt Disney Productions]] wiisde it projekt ôf, benammen om't de studiobaas, [[Lew Wasserman]], miende dat [[science fiction]] gjin takomst hie.

Lucas sei oer dy rige ôfstegerings letter: "Ik haw altyd wat in aparteling west foar Hollywood-lju. Se fine dat ik nuvere films meitsje." Neffens Kurtz wie it probleem "dat studiobazen oer it algemien [filmprojekten] sykje dy't ferline jier [[populêr]] wiene, ynstee dat se besykje foarút te sjen nei wat takom jier populêr wêze kin." En [[science fiction]] wie mids [[1970-er jierren]] no ienris net bysûnder populêr. By in fraachpetear yn [[1977]] makke Lucas der in punt fan om derop te wizen dat ''Star Wars'' "net oer de [[takomst]]" giet en dat it "[[fantasy (sjenre)|fantasy]] is dat folle tichter by de [[Bruorren Grimm]] stiet as by ''[[2001: A Space Odyssey]]''." Dêr heakke er oan ta dat it benammen syn bedoeling wie om 'e [[jongerein]] in "oprjocht, sûn [[fantasij]]libben [te jaan], it soarte dat myn [[generaasje]] hie. Wy hiene [[westernfilm|westerns]], [[piratefilm]]s, alderhanne geweldige dingen. No hawwe se ''[[The Six Million Dollar Man]]'' en ''[[Kojak]]''. Wêr is de [[romantyk (leafde)|romantyk]], it aventoer en de [[wille]] dy't foarhinne yn frijwol eltse film ferwurke wiene?"

Mei't oaren de treatment fan ''The Star Wars'' lêzen hiene en harren oanfiteren om net op te jaan, giene Lucas en Kurtz ek nei de ôfwizing troch Disney troch mei it sykjen nei in filmstudio om harren projekt te [[finansieren]]. Dy fûnen se úteinlik yn [[20th Century Fox]], dêr't Lucas studiobaas [[Alan Ladd jr.]] wist te oertsjûgjen fan it potinsjeel fan syn projekt. Yn [[juny]] [[1973]] tekene er in [[kontrakt]] mei Fox om foar in [[salaris]] fan [[$]]150.000 it senario te skriuwen en de film te regissearjen. Hoewol't Ladd net folle begriep fan 'e technyske kant fan it projekt, wied er ta de konklúzje kommen dat Lucas wier [[talint]] hie. Lucas sei dêr letter oer: "Hy [[ynvestearre]] yn my, [ynstee fan] yn 'e film." Doe't ''American Graffiti'' in súkses yn 'e bioskopen wie, slagge it Lucas om syn kontrakt iepen te brekken en der ek de rjochten op eventuele [[ferfolchfilm]]s yn op te nimmen. Hy hie syn eigen salaris ek oansjenlik opkrikke kind, mar seach dêrfan ôf en levere $500.000 yn om yn ruil dêrfoar it folsleine eignerskip fan 'e [[merchandising]]rjochten op 'e [[mediafranchise]] yn 'e hannen te krijen, wat letter in geniale set blike soe te wêzen.

===Preproduksje===
====Senario====
It [[senario]] foar ''Star Wars'' ûndergie sûnt [[jannewaris]] [[1973]], doe't [[George Lucas]] mei de put úteinsette, ferskate werskriuwings. Yn totaal soed er fjouwer ferskillende senario's foltôgje. It earste dêrfan kaam yn [[maaie]] [[1974]] ree. Dêryn hied er de treatment ''The Star Wars'' útwreide mei sokke eleminten as de [[Sith]], de [[Deadsstjer]] en in [[generaal]] dy't Annikin Starkiller hiet. Dy lêste feroare letter yn in ûnderstypjend [[personaazje]] as in lid fan in [[famylje (besibskip)|famylje]] [[dwergen]]. De Corelliaanske [[smokkelder]] [[Han Solo]] begûn as in grut [[grien]][[hûd]]ich [[meunster (wêzen)|meunster]] mei [[kiuw]]en. De [[Wookiee]] [[Chewbacca]] basearre Lucas op syn [[hûn]] Indiana, in [[Alaskaanske malamute]], dy't gauris as syn "ko-piloat" fungearre troch by autoritten rjochtop op 'e passazjiersstoel te sitten.

Yn [[jannewaris]] [[1975]] kaam de twadde ferzje fan it senario ree, dat as [[titel (namme)|titel]] hie: ''Adventures of the Starkiller: Episode&nbsp;I&nbsp;– The Star Wars''. Dêryn waard as [[haadpersoan]] de [[opslûpen jonge]] Luke Starkiller yntrodusearre, wylst Annikin no Luke syn [[heit]] waard, in wize [[Jedi-ridder]]. De Jedi wiene nij, krektlyk as [[de Krêft]], in mystyk [[enerzjy]]fjild dat troch Jedi en Sith manipulearre wurde koe. Dizze twadde ynkarnaasje fan it senario telde mear as 200 bledsiden, wat te lang wie en Lucas foar it earst oansette om syn ferhaal oer mear as ien film út te smaren. Nei ferrin fan tiid kaam er op it idee om der in "[[trilogy]] fan trilogyen" fan te meitsjen.
[[File:Star Wars - Darth Vader.jpg|right|thumb|250px|De [[kultureel ikoan|ikoanyske]] [[helm (holdeksel)|helm]] en [[cape]] fan [[antagonist]] [[Darth Vader]].]]

Wylst er mei de trêde ferzje fan it senario dwaande wie, liet Lucas him beynfloedzje troch [[fantasyroman]]s (û.o. ''[[The Hobbit]]'' fan [[J.R.R. Tolkien]]), troch [[strip]]s en troch beskate [[letterkundige]] útjeften, lykas ''The Hero with a Thousand Faces'' fan [[Joseph Campbell]]. Hy hierde [[yllustrator]] [[Ralph McQuarrie]] yn om [[skilderij]]en fan beskate [[sêne]]s te meitsjen, dy't er oan syn senario taheakke doe't er it úteinlik ynlevere by [[20th Century Fox]]. De trêde ferzje, mei as titel ''The Star Wars: From the Adventures of Luke Starkiller'' kaam ree op [[1&nbsp;augustus]] [[1975]] en omfieme hast alle eleminten út 'e úteinlike film. Sa wie de wize heit út 'e eardere ferzje no dea en ferfongen troch in nij heitefiguer dat [[Ben Kenobi]] hiet.

Neitiid sette Lucas mei help fan syn [[freonskip|freonen]] [[Gloria Katz]] en [[Willard Huyck]] útein mei it skriuwen fan 'e fjirde en lêste ferzje fan it senario. Dat kaam ree op [[1&nbsp;jannewaris]] [[1976]]. Dêryn hiet de haadpersoan noch altyd Luke Starkiller en de film ''The Star Wars''. Pas doe't de [[opnamen (film)|opnamen]] al begûn wiene, besleat Lucas de namme fan 'e haadpersoan te feroarjen yn [[Luke Skywalker]] en it [[lidwurd]] út 'e titel falle te litten. 

====Iepeningstekst====
In spesjaal punt fan oandacht wie de iepeningstekst, dy't by de ''Star Wars''-films altyd oan it begjin oer it byldskerm krûpt. Om't Lucas midden yn it ferhaal begjinne woe, moast dêrmei fertsjutske wurde wat earder al bard wie. Mar it moast net te lang wurde, it mocht net yngewikkeld wêze en der mochten gjin wurden yn foarkomme dy't guon minsken ([[bern (persoan)|bern]] bygelyks) net begripe soene. Lucas sels ferliek it mei in [[gedicht]]. Syn earste optinksel bestie út seis [[alineä|alineä's]] mei elts fjouwer [[sin (taalkunde)|sinnen]]. Regisseur [[Brian De Palma]] wie oanwêzich doe't Lucas de tekst foarlei oan syn freonen. Hy sei dêr letter oer: "De iepeningstekst seach der yn it begjin út as wied er skreaun op in oprit. Hy gie in ivichheid troch. It wie wartaal." De Palma en [[Jay Cocks]] giene dermei oan 'e gong. Se skrasten alles fuort dat neffens harren ûnnedich wie en geaten de oerbleaune ynformaasje yn in nije foarm, sadat de iepeningstekst fan ''Star Wars'' ûntstie. 
[[File:LukeLeiaHanSoloDeathStar1977.jpg|left|thumb|250px|De [[haadrolspiler]]s yn 'e film: f.l.n.rj.: [[Mark Hamill]] as [[Luke Skywalker]], [[Carrie Fisher]] as [[prinsesse Leia]] en [[Harrison Ford]] as [[Han Solo]].]]

===Produksje===
[[George Lucas]] [[regissearre]] ''Star Wars: Episode&nbsp;IV&nbsp;– A&nbsp;New Hope'' foar syn eigen [[filmstudio]] [[Lucasfilm]] mei [[finansiering]] fan [[20th Century Fox]]. Foar de film wie in [[budget]] beskikber fan [[$]]8&nbsp;miljoen, dat úteinlik ferhege wurde moast ta $11&nbsp;miljoen. De [[filmprodusint|produsint fan 'e film]] wie [[Gary Kurtz]].

====Casting====
Foar de [[haadrol]] fan [[Luke Skywalker]] (doe noch Luke Starkiller) socht [[George Lucas]] in jonge [[akteur]] dy't [[yntelliginsje]] en [[yntegriteit]] útstriele. Hy sette in mienskiplike [[casting]]sesje op mei syn freon [[Brian De Palma]], dy't in haadpersoan socht foar syn [[horrorfilm]] ''[[Carrie (film út 1976)|Carrie]]''. [[Mark Hamill]] waard keazen foar de rol fan Luke boppe [[William Katt]], dy't der ek [[audysje]] foar die; mar Katt waard cast foar ''Carrie''.

Foar de rol fan 'e ûnferskrokken [[prinsesse Leia]] diene in protte jonge Hollywood-aktrise audysje, ûnder wa [[Amy Irving]] en [[Jodie Foster]]. Lucas seach Foster wol sitten, mar it die bliken dat dy syn opnameskema net kombinearje koe mei de beide films dêr't se by [[The Walt Disney Company|Disney]] al foar ûnder [[kontrakt]] stie. Dêrop krige [[Carrie Fisher]], de [[dochter]] fan filmaktrise [[Debbie Reynolds]], de rol tawiisd, op betingst dat se 4<sup><small>1</small></sup>/<sub><small>2</small></sub>&nbsp;[[kg]] ôffalle soe.

[[Harrison Ford]] wie in doe noch ûnbekende akteur dy't as [[timmerman]] wurke om itende te bliuwen. Hy kaam yn 'e kunde mei George Lucas doe't er begjin [[1970-er jierren]] nije [[kast]]kes yn dy syn [[koken]] ynboude. Yn [[1973]] waard er cast foar Lucas syn film ''American Graffiti'', wêrby't it holp dat de beide mannen inoar al koene. Doe't er foar ''Star Wars'' audysje die foar de rol fan 'e [[smokkelder]] [[Han Solo]], wiisde Lucas him earst ôf, om't er foar de film nije gesichten hawwe woe. Hy frege Ford lykwols om te helpen by de audysjes, troch de oare gadingmakkers de ideeën efter en de skiednis fan ''Star Wars'' út te lizzen, en troch by de audysjes de [[dialooch]] fan oare personaazjes op te sizzen. Op 'e rol fan Han Solo kamen û.o. ôf: [[Kurt Russell]], [[Nick Nolte]], [[Sylvester Stallone]], [[Bill Murray]], [[Christopher Walken]], [[Burt Reynolds]], [[Jack Nicholson]], [[James Caan]], [[Robert De Niro]], [[Al Pacino]], [[Steve Martin]], [[Chevy Chase]] en [[Perry King]]. Trochdat Ford by alle audysjes belutsen wie, waard Lucas twongen om Ford hieltyd te ferlykjen mei de oaren, en úteinlik kaam er ta de konklúzje dat er in flater begien hie en joech er Ford de rol fan Han Solo dochs noch.
[[File:Sir Alec Guinness 3 Allan Warren 2 (cropped2).jpg|right|thumb|160px|[[Sir]] [[Alec Guinness]] waard foar syn rol as [[Obi-Wan Kenobi]] nominearre foar de [[Oscar]] foar bêste [[byrol]] fan in [[akteur]].]]

Lucas fûn dat de rol fan [[Obi-Wan Kenobi]], de [[mentor]] fan 'e jonge Luke Skywalker, spile wurde moast troch in akteur fan namme. Hy tocht oan 'e [[Japan]]ske akteur [[Toshiro Mifune]], dy't yn in protte [[samoeraifilm]]s fan [[Akira Kurosawa]] spile hie. Dyselde betanke lykwols foar de eare, neffens syn dochter Mika Kitagawa om't er der net gerêst op wie hoe't de film derút komme soe te sjen, mei't de [[special effects]] doedestiden noch yn 'e berneskuon stiene en [[science fiction]] no ienris ferlet hat fan in protte special effects. Mifune woe lykwols beslist net yn in [[amateur]]istysk oandwaande film spylje; dêr wied er te [[grutskens|grutsk]] foar. Sadwaande gie de rol nei de [[Ingelân|Ingelske]] akteur [[sir]] [[Alec Guinness]], dy't wrâldferneamd wurden wie mei syn rol yn 'e [[oarlochsfilm]] ''[[The Bridge on the River Kwai]]'' ([[1957]]).

Guinness wie ien mar in pear leden fan 'e cast dy't derfan oertsjûge wiene dat ''Star Wars'' in súkses wurde soe. Hy betinge dêrom ynstee fan in fêst [[salaris]] [[royalty]]s ter wearde fan 2<sup><small>1</small></sup>/<sub><small>4</small></sub>% fan 'e bruto [[opbringst (jild)|opbringst]] fan 'e film. Sadwaande waard er troch it súkses fan ''Star Wars'' [[rykdom|smoarryk]]. Lucas murk letter op dat Guinness de rest fan 'e cast en de [[filmcrew]] oan ien wei troch oanfitere om hurder en better te wurkjen. Harrison Ford sei oer him: "Ik fûn it fassinearjend om te sjen hoe't Alec Guinness him [op 'e set] hold en droech. Hy wie altyd ree om oan it wurk, altyd profesjoneel, altyd tige freonlik tsjin 'e oare akteurs. Hy hie it hiel helder yn 'e holle hoe't er it ferhaal it bêste tsjinje koe."

Njonken Guinness wie [[Peter Cushing]], dy't de rol fan [[grut-moff]] [[Wilhuff Tarkin|Tarkin]] spile, de iennichste oare bekende akteur yn 'e cast. Foar de rol fan Tarkin frege Lucas earst [[Christopher Lee]], mar dy betanke foar de ear. (Lee soe lykwols letter, yn 'e [[Star Wars-prequeltrilogy|''Star Wars''-prequeltrilogy]], de rol fan [[greve Dooku]] op him nimme.) Cushing hie Lucas oarspronklik op it each foar de rol fan Obi-Wan Kenobi, mar doe't er de man mette, tocht er dat "syn meagere gesicht" better by Tarkin passe soe. Hy wie letter tige loovjend oer it [[aktearjen]] fan Cushing. Dyselde bekende jierren letter yn in [[fraachpetear]] dat er eins noch altyd net wist wat in "grut-moff" (in oppersektorgûverneur) wie. Hy sei: "It klinkt as it ien of oar dat út in kleankast fleanen komt." Nettsjinsteande dat besleat er Tarkin te spyljen as "in tige [[lulk]] en ûnoangenaam hearskip".

[[Anthony Daniels]], dy't de rol fan 'e [[androïde]] [[C-3PO]] spile, sei dat er dy rol hawwe woe sadree't er de yllustraasje fan C-3PO seach dy't [[Ralph McQuarrie]] makke hie, om't er doe rekke waard troch de kwetsberens fan it [[gesicht]] fan 'e [[robot]]. Hy die audysje en waard yndie yn dy rol cast, mar yn 't earstoan wie Lucas fan doel en lit de [[dialooch]] fan C-3PO ynsprekke troch in oar. Tritich [[stimakteur]]s fan namme diene dêrfoar audysje. Neffens Daniels soe ien fan harren dy't er net by namme neamde (mar dy't yn guon oare boarnen identifisearre wurdt as [[Stan Freberg]]), him (Daniels) foar de rol oanrikkemandearre hawwe. [[Mel Blanc]] die ek audysje, mar neffens Daniels sei dy ek tsjin Lucas dat Daniels in bettere kar foar dizze rol wêze soe.

[[Kenny Baker (Ingelsk akteur)|Kenny Baker]], in Ingelsk akteur mei [[dwerchgroei]], waard cast yn 'e rol fan 'e oare robot, [[R2-D2]]. Dat barde pas doe't de [[opnamen (film)|opnamen]] al úteinset wiene. Baker stie op dat stuit yn [[Londen]] [[op 'e planken]] mei in [[muzyk|muzikale]] [[komeedzje]]-[[optreden (foarstelling)|act]] mei syn komeedzjepartner [[Jack Purvis]] (ek in akteur mei dwerchgroei). Doe't er hearde dat Lucas in tige lytse akteur socht om yn in robothúl te passen, besleat er ris te sjen oft it wat foar him wie. Mei in lingte fan 1.12&nbsp;[[meter|m]] wied er fierwei de lytste akteur dy't op 'e audysjes ôfkaam. Sadree't Lucas him seach, seid er: "Dat is him." Baker hie lykwols syn twifels oer in rol wêryn't syn gesicht nea te sjen wêze soe en hy woe eins ek fierder mei syn eigen foarstellings, dat hy sloech de rol trije kear ôf foar't er tajoech. Syn partner Jack Purvis spile yn 'e film de rol fan 'e [[haadman]] fan 'e [[Jawa's]]. De 'stim' fan R2-D2, in tige werkenbere rige piip- en fluittoanen, waard troch [[lûd]]stechnikus [[Ben Burtt]] ûntwurpen troch 'poppelûden' nei te bearen mei syn eigen stim fia in [[intercom]] en it resultaat troch in [[synthesizer]] te heljen.

De [[Wookiee]] [[Chewbacca]], in oare rol sûnder [[dialooch]], waard spile troch de Ingelske [[ferpleechkundige]] [[Peter Mayhew]]. Hy wurke yn in Londensk [[sikehûs]] doe't er hearde dat der foar in film tige lange akteurs socht waarden. Mei't er in lingte fan 2.21&nbsp;m hie, besleat er foar de aardichheid ris by de audysjes del te gean. Hy waard fuortendaliks nei binnenkomst cast as Chewbacca. De uterings fan Chewbacca wiene it wurk fan lûdstechnikus Ben Burtt, dy't dêrfoar lûden fan [[hûn]]en, [[bear]]en, [[liuw]]en, [[tiger]]s en [[walrus]]sen fermong. In oare lange (mar net sà lange) Ingelsman, akteur [[David Prowse]], waard cast yn 'e rol fan 'e [[antagonist]] [[Darth Vader]], dy't in [[yntimidaasje|yntimidearjend]] en dêrom lang stal hawwe moast. Likemin as Baker en Mayhew wie it gesicht fan Prowse yn 'e film te sjen, mei't dat beskûl gie efter it glânzjend swarte [[masker]] fan Vader. Om't Prowse syn swiere [[Westlânsk (Ingelsk)|Westlânske]] [[aksint (útspraak)|aksint]] folslein ûngaadlik fûn waard foar de film, waard de dialooch fan Vader yn 'e [[postproduksje]] [[neisyngronisearre]] mei it djippe [[bas (stim)|bas]]lûd fan 'e [[Feriene Steaten|Amerikaanske]] akteur [[James Earl Jones]]. 
[[File:Hotel-sididriss.jpg|right|thumb|250px|It ûndergrûnsk boude Hotel Sidi Driss yn [[Matmata]], yn [[Tuneezje]], gie yn ''Star Wars: Episode&nbsp;IV&nbsp;– A&nbsp;New Hope'' troch foar de [[pleats]] fan 'e [[omke]] en [[muoike]] fan [[Luke Skywalker]] op [[Tatooine]].]]

====Opnamen====
De [[kamerarezjy]] wie yn 'e hannen fan [[Gilbert Taylor]]. De [[opnamen (film)|opnamen]] foar ''Star Wars: Episode&nbsp;IV&nbsp;– A&nbsp;New Hope'' setten op [[22&nbsp;maart]] [[1976]] útein. Nettsjinsteande Lucas syn krewearjen hiene de measte leden fan 'e [[cast]] en de [[filmcrew|crew]] net folle fidúsje yn it projekt, dat se as in wat ûnnoazele [[bernefilm]] beskôgen. Se namen it wurk selden serieus en fûnen it faak ûnbedoeld [[humor|grappich]].

Lucas hie de [[planeet]] [[Tatooine]] oarspronklik betocht as oerwoekere mei [[tropysk reinwâld]], en produsint Kurtz wie al ôfreizge nei de [[Filipinen]] om gaadlike filmlokaasjes te sykjen. Mar it idee om [[moanne (tiid)|moannen]] oan ien wei troch yn 'e jungle filmje te moatten, krige Lucas nei eigen sizzen "de kribels" fan. Dêrom besleat er fan Tatooine ynstee in woastynplaneet te meitsjen. Dat Kurtz die ûndersyk nei alle [[woastinen]] yn [[Noard-Amearika]], [[Noard-Afrika]] en it [[Midden-Easten]] en besleat dat de [[Sahara]] yn [[Tuneezje]] de bêste filmlokaasjes bea.
[[File:Golden Canyon Entrance (3812561628).jpg|left|thumb|250px|[[Death Valley]], yn [[Kalifornje]], dêr't guon fan 'e [[sêne]]s op [[Tatooine]] opnommen waarden.]]

De measte [[sêne]]s op Tatooine waarden sadwaande filme yn dat lân, dêr't it ûndergrûnske Hotel Sidi Driss, yn [[Matmata]], trochgie foar de [[pleats]] fan [[Owen Lars|Owen]] en [[Beru Lars]]. De sêne wêryn't [[C-3PO]] en [[R2-D2]] troch de iepen woastyn tsjogge, waard opnommen yn [[Nafta (Tuneezje)|Nafta]]. De opnamen yn Tuneezje waarden dreech makke troch [[rekwisyt|rekwisiten]] dy't net opwoeksen blieken te wêzen tsjin it woastynklimaat, [[elektroanika|elektroanyske]] defekten en in seldsume [[rein (delslach)|stjalprein]], dy't de woastyn feroare yn in [[dridze]]boel. De sênes yn 'e [[berchkleau]] op Tatooine, dêr't R2-D2 fongen wurdt troch de [[Jawa's]] en [[Luke Skywalker|Luke]] letter oanfallen wurdt troch de [[Tusken-kapers]], waarden yn [[jannewaris]] [[1977]] filme yn [[Death Valley]], yn [[Kalifornje]]. Dêrfoar waard in [[Yndyske oaljefant]], dy't Mardji hiet, oerdutsen mei in [[kostúm]] om foar in [[bantha]] troch te gean.

Nei twa en in heale [[wike]] yn Tuneezje ferhuze de produksje nei [[Ingelân]], dêr't de binnendoarsênes filme waarden yn [[Elstree Studios]] yn [[Hertfordshire]], ûnder de reek fan [[Londen]], en foar in diel ek yn 'e [[Shepperton Studios]] yn [[Surrey]]. Der wie foar Elstree keazen om't de film tagelyk ferlet hie fan njoggen ferskillende [[soundstage]]s, in oantal dat yn [[Hollywood]] net beskikber wie. Om yn Ingelân te filmjen, wie foar Lucas wol omstean learen, want de [[arbowetjouwing|arboregels]] wiene dêr folle stranger. It filmjen moast beslist om healwei seizen [[middei (deidiel)|middeis]] beëinige wurde, of it moast wêze dat men om dy tiid hinne midden yn in sêne siet.
[[File:Star Wars in Guatemala 3.jpg|right|thumb|250px|De [[Maya's|Maya]]-[[piramide]]n fan 'e [[ruïnestêd]] [[Tikal]] yn [[Gûatemala]].]]

De [[filmset]]s yn 'e Elstree Studios, ûntwurpen troch [[John Barry (setûntwerper)|John Barry]], wiene neffens [[filmregisseur]] Gilbert Taylor "krekt in koalemyn". Neffens him wiene se "folslein swart en griis, eins alhiel sûnder mooglikheden foar [[ferljochting (film)|ferljochting]]." Om dat probleem op te lossen, ferwurke er de ferljochting yn 'e sets troch gatten yn 'e [[muorre]]n, [[flier]]ren en [[plafon]]s út te hakjen en dêr [[kwartslampe]]n yn te stopjen. Dy wurkwize krige er stipe foar fan 20th Century Fox, dêr't men it mei Taylor iens wie dat "we net sa'n '[[Swarte Gat fan Kalkutta|Swart Gat fan Kalkutta]]' hawwe koene." Lucas koe troch de ferljochting fan Taylor út suver eltse hoeke filmje sûnder dat der mei lampen skood hoegde te wurden, wat him mear frijheid joech.

De opnamen yn Ingelân duorren fjirtjin en in heale wike. Wylst se dêr wiene, seach Lucas yn 'e [[etalaazje]] fan in [[reisburo]] in [[poster]] fan it [[oerwâld]] yn [[Gûatemala]] mei de [[ruïne]]s fan 'e [[Maya's|Maya]]-[[stêd]] [[Tikal]]. Dat [[lânskip]] liek him perfekt ta foar de [[moanne (byplaneet)|moanne]] [[Yavin-IV]], dat yn [[maart]] [[1977]] stjoerde er in [[filmploech]] nei Gûatemala ta om dêr eftergrûnbylden op te nimmen, dêr't letter in ienlike útkykpost en oanfleanende [[romteskip]]pen oerhinne plakt waarden.

Lucas moast om in sêne hinne skriuwe wêryn't de [[smokkelder]] [[Han Solo]] foarôfgeande oan syn ôfreis fan Tatooine in moeting hat mei de [[gangster]] [[Jabba de Hutt]]. Dy sêne waard wol opnommen mei in [[Harrison Ford]] as Solo en de [[Noard-Ierlân|Noardierske]] akteur [[Declan Mulholland]] as [[stand-in]] foar Jabba yn in [[hier (begroeiïng)|hierrich]] brún [[kostúm]], mei't Lucas him de [[Hutt (Star Wars)|Hutts]] oarspronklik foarstelde as hierrige wêzens. It wie de bedoeling om 'e ferskining fan Mulholland yn 'e [[postproduksje]] troch tapassing fan [[special effects]] fierder oan te passen. Dêr bliek lykwols gjin jild of tiid foar te wêzen. Neffens [[Paul Blake (akteur)|Paul Blake]], dy't de [[bûtenierdske wêzens|bûtenierdske]] [[preemjejager]] Greedo spile (dy't Solo yn 'e [[kroech]] yn [[Mos Eisley]] besiket finzen te nimmen), waard syn rol benammen skepen om't Lucas de sêne mei Jabba skrasse moast. Yn 'e remastere [[director's cut|special edition]] fan ''Star Wars: Episode&nbsp;IV&nbsp;– A&nbsp;New Hope'' út [[1997]] naam Lucas de sêne mei Jabba wol op.
[[File:Johnwilliams2006.JPG|left|thumb|160px|[[Komponist]] [[John Williams (komponist)|John Williams]] wûn foar syn [[soundtrack]] fan ''Star Wars'' de [[Oscar]] foar bêste [[filmmuzyk]].]]

===Postproduksje===
====Filmmuzyk====
De [[filmmuzyk]] foar ''Star Wars: Episode&nbsp;IV&nbsp;– A&nbsp;New Hope'' waard fersoarge troch [[John Williams (komponist)|John Williams]]. [[George Lucas]] gie mei dyselde yn see op oanrikkemandearring fan [[Steven Spielberg]], dy't mei Williams gearwurke hie oan 'e [[horrorfilm]] ''[[Jaws (film)|Jaws]]''. It wie oarspronklik de bedoeling dat Williams inkeld as [[konsultant]] by de produksje belutsen wêze soe, mei't Lucas fan doel wie en stal sels de [[soundtrack]] gear út al besteande [[orkest]]rale [[muzyk]]. Om't de film wrâldsfrjemde planeten toane soe, moast de soundtrack neffens Lucas wat fertrouds biede om it spul yn lykwicht te hâlden. Williams wist him der lykwols fan te bepraten dat orizjinele [[filmmuzyk]] de film in mear unyk en koherint gefoel jaan soe. Hy skreau dêrom in folslein nije soundtrack, mei tige feneamd wurden [[meldij]]kes, lykas ''[[Star Wars (Main Title)]]'' (ek wol ''Luke's Theme'' neamd), ''[[Star Wars (Main Title)|Star Wars Secondary Theme]]'', de ''Rebel Fanfare'' en ''[[The Imperial March]]'' (ek wol ''Darth Vader's Theme'' neamd).

De soundtrack fan ''Star Wars'' waard spile troch it [[Londensk Symfony Orkest]] mei Williams sels as [[dirigint]]. It [[soundtrack]]album ferskynde yn [[juny]] [[1977]] by [[platemaatskippij]] [[20th Century Records]].

====Special effects====
Nei't er ûntdutsen hie dat [[20th Century Fox]] syn [[special effects]]-[[difyzje (ûndernimming)|difyzje]] opheft hie, rjochte [[George Lucas]] yn [[1975]] syn eigen special effects-bedriuw op, mei as namme [[Industrial Light & Magic]] (ILM). Dat krige de opdracht om yn 'e [[postproduksje]] de special effects foar ''Star Wars: Episode&nbsp;IV&nbsp;– A&nbsp;New Hope'' te fersoargjen. De Amerikaan fan [[Westerlauwerske Friezen|Frysk]] [[komôf]] [[John Dykstra]] hie de lieding oer it special effects-team. Dêrfoar ûntwikkele er de saneamde [[Dykstraflex]]-bewegingsbehearskbere [[kamera]], wêrmei't in grut tal baanbrekkende effekten berikt wurde koe by it filmjen fan [[miniatuer]]en. 

In oar wichtich lid fan it team wie [[Grant McCune]], dy't ferantuwurdlik wie foar û.m. de [[X-wjukjager]]s, de [[TIE-jager]]s, it ferneamde [[romteskip]] de ''[[Millennium Falcon]]'' en ferskate soarten [[bûtenierdsk wêzen|bûtenierdske wêzens]]. Hoewol't syn kollega [[John Stears]] eins dejinge wie dy't de [[robot]] [[R2-D2]] ûntwurp, makke McCune it ûntwerp ôf en is hy dêrom dejinge dy't it meast mei R2-D2 assosjearre wurdt.

ILM hie it der mar dreech mei om al dy nijerwetske special effects te skeppen. It bedriuw spandearre de helte fan syn [[budget]] oan fjouwer [[shot (sinematografy)|shots]] dy't Lucas omreden fan 'e lege kwaliteit ûnakseptabel achte, wylst oan hûnderten oare shots noch net iens wurke wie. De [[wurknimmer]]s fan ILM wiene dêrnei twongen om in jier wurk yn in healjier ôf te meitsjen. Foar de romtegefjochten makke Lucas in kompilaasje fan bylden fan loftgefjochten út âlde [[oarlochsfilm]]s om dúdlik te meitsjen wat er krekt sjen woe. Dêrtroch koe de produksje fan dy effekten oansjenlik flugger ôfhannele wurde. Lykwols krigen Lucas en Dykstra [[rûzje|spul]] oer de hichte fan it bedrach dat bestege wurde koe oan nije kameratechniken. De rûzje rûn sa heech op dat it úteinlik ta it [[ûntslach]] fan Dykstra late.

====Filmmontaazje====
[[Filmeditor]] [[John Jympson]] sette al útein mei de [[filmmontaazje]] fan ''Star Wars: Episode&nbsp;IV&nbsp;– A&nbsp;New Hope'' doe't [[George Lucas]] noch oan it filmjen wie yn [[Tuneezje]]. Lucas joech letter ta dat er Jympson yn in "ûnmooglike posysje" brocht hie troch him oan it wurk te setten sûnder wat oer de [[plot]] of de eftergrûn fan 'e film út te lizzen. Doe't Lucas lettere de earste rûge ferzje fan 'e film seach, dy't Jympson gearstald hie, wied er net ûnder de yndruk. Hy woe Jympson mear tiid jaan om it nochris te besykjen, mar de filmeditor makke dúdlik dat er neat hawwe moast fan Lucas syn manear fan wurkjen, en de ûnderlinge [[relaasje (ynterpersoanlike bân)|relaasje]] boaze almar fierder oan. Healwei de produksje ûntsloech Lucas Jympson om him te ferfangen troch [[Paul Hirsch (filmeditor)|Paul Hirsch]], [[Richard Chew]] en syn doetiidske [[oarehelte|frou]] [[Marcia Lucas]] (dy't tagelyk ek oan 'e film ''[[New York, New York (film út 1977)|New York, New York]]'' fan Lucas syn freon [[Martin Scorsese]] wurke).

De wichtichste feroaring tusken it senario en de úteinlike film siet him yn in rige sênes oan it begjin fan 'e film, wêryn't [[Luke Skywalker]] tiid trochbringt mei syn maten yn Tosche Station en Anchorhead, op [[Tatooine]], en wêryn't sjen litten wurdt hoe't de romtegefjochten mei de ''Tantive&nbsp;IV'' yn 'e neite fan 'e planeet ynfloed op harren libbens hawwe. Yn dy sênes waard ek it personaazje [[Biggs Darklighter]] yntrodusearre, in maat fan Luke dy't ôfset om him by it [[Rebelleferbûn (Star Wars)|Rebelleferbûn]] te jaan. (Yn 'e úteinlike film is dyselde inkeld yn 'e sênes fan 'e [[klimaks (narratology)|klimaktyske]] oanfal op 'e [[Deadsstjer]] te sjen en is syn foargeande relaasje mei Luke net dúdlik.) De reden foar it fuortknippen fan dy sênes wie dat Lucas en de filmeditors fûnen dat der oan it begjin fan 'e films tefolle ferhaallinen trochinoar rûnen, wat alteast in diel fan it bioskooppublyk yn betizing bringe soe en teffens it tempo út 'e iepening fan 'e film helle.

===Distribúsje===
====Oarspronklike release====
De [[filmdistribúsje|distribúsje]] fan 'e film, ûnder de [[titel (namme)|titel]] ''Star Wars'', waard fersoarge troch [[20th Century Fox]]. Der wiene lykwols mar 37 [[bioskopen]] yn [[Noard-Amearika]] dy't de film bestelden. Fox besocht dat te ferhelpen troch dúdlik te meitsjen dat bioskopen dy't ''Star Wars'' net oankochten, likemin ''[[The Other Side of Midnight (film)|The Other Side of Midnight]]'' krije soene, in film dêr't mei [[langst]] nei útsjoen waard. ''Star Wars'' gie op [[woansdei]] [[25&nbsp;maaie]] [[1977]] yn [[premiêre]] yn 32 bioskopen, mei nochris acht dêropta op 'e [[tongersdei]] en [[freed]] dêrnei. De film briek fuortendaliks alle rekôrs foar bioskoopbesyk, wêrnei't Fox ynienen oerspield waard mei fersiken fan oare bioskopen om in eksimplaar fan 'e film te stjoeren.
[[File:Star_Wars_Logo.svg|right|thumb|200px|It oarspronklike logo fan 'e film.]]

George Lucas sels fûn it dreech yn te skatten hoe súksesfol oft syn film wêze soe. Nei't er ''[[Close Encounters of the Third Kind]]'' ([[1977]]) sjoen hie, fan syn freon [[Steven Spielberg]], wied er derfan oertsjûge dat dy film folle súksesfoller wêze soe as syn eigen. Spielberg wie it dêr net mei iens, en tocht dat Star Wars it better dwaan soe. Lucas stelde foar om 2,5% fan 'e [[winst (ûndernimming)|winst]] fan inoars films út te ruiljen, en Spielberg stimde dêrmei yn. Fan gefolgen ûntfangt Steven Spielberg noch altyd 2,5% fan alle winst fan ''Star Wars: Episode&nbsp;IV&nbsp;– A&nbsp;New Hope''.

[[Gary Kurtz]], de produsint fan ''Star Wars'', wie op 'e [[jûn]] fan 'e dei fan 'e premiêre te gast yn in [[praatprogramma]] op 'e [[radio]] dêr't harkers ynbelje koene. Ien skiller wie ûntychlike [[entûsjast]] oer de film en prate der yn sok detail oer, dat Kurtz sei fan: "Goh, jo witte in protte oer de film." De man antwurde: "Ja, ja, ik haw him al fjouwer kear sjoen." Op dat stuit, fertelde Kurtz letter yn in fraachpetear, krige er foar it ferstân dat ''Star Wars'' in [[popkultuer|kultureel fenomeen]] wurden wie. Lucas, dy't noch altyd benaud wie foar in flop, hie it sa beävensearre dat er nei de premiêre mei syn frou Marcia op [[fakânsje]] gie yn [[Hawaï]]. Pas doe't er dêr op [[CBS (tillefyzjestjoerder)|CBS]] [[kommentator]] [[Walter Cronkite]] praten hearde oer de ûnbidige klibers folk dy't yn alle stêden oerenlang foar de bioskopen yn 'e rige stiene om ''Star Wars'' te sjen, krong by him it besef troch dat er goud yn 'e hannen hie. De leden fan 'e [[cast]] waarden op slach wrâldferneamd; doe't [[Harrison Ford]] sûnder euvelmoed nei in [[platesaak]] gie om in [[LP]] te keapjen, waard er troch in kloft [[fan (persoan)|fans]] dy't alhiel oerémis wiene, suver ûnder de foet rûn en moast er mei in oan stikken skuord [[oerhimd]] op hûs oan.

Yn [[Hollywood]] draaide ''Star Wars'' (ûnder mear) yn [[Mann's Chinese Theatre]], in prestizjeuze bioskoop, dy't troch Fox lykwols mar foar twa wiken reservearre wie. Dêrnei waard de film omreden fan kontraktuele ferplichtings ferfongen troch ''[[Sorcerer (film)|Sorcerer]]'', fan [[William Friedkin]]. ''Star Wars'' waard troch [[Mann Theatres]] ferpleatst nei in minder prestizjeuze, yn tûzen hasten opkallefatere lokaasje. Nei de flop fan ''Sorcerer'' gie ''Star Wars'' foar de twadde kear yn premiêre yn Mann's Chinese Theatre, eat dat noch nea earder foarkommen wie. Tsjin dy tiid draaide de film allinne yn 'e [[Feriene Steaten]] al yn 1.096 bioskopen. Yn likernôch 60 bioskopen draaide er in jier of langer oan ien stik troch. Doe't ''Star Wars'' op [[27&nbsp;desimber]] [[1977]] yn it [[Feriene Keninkryk]] yn premiêre gie, soargen de nijsferslaggen út 'e Feriene Steaten foar lange rigen foar de bioskopen.
[[File:The queue outside Leicester Square Theatre.jpg|left|thumb|250px|[[Bioskoop]]besikers steane yn 'e rige foar it [[Leicester Square Theatre]] yn [[Londen]], de deis nei't ''Star Wars'' dêr yn [[premiêre]] gien is.]]

====Lettere re-releases====
''Star Wars'' waard yn 'e [[Feriene Steaten]] ferskate kearen op 'e nij yn 'e [[bioskoop]] útbrocht: yn [[1978]], [[1979]], [[1981]] en [[1982]]. Fan 'e ferzje fan [[1981]] ôf waard de [[titel (namme)|titel]] mei weromwurkjende krêft feroare yn ''Star Wars: Episode&nbsp;IV&nbsp;– A&nbsp;New Hope'', om 'e film te ûnderskieden fan 'e oare [[Star Wars (filmsearje)|''Star Wars''-films]]. Dat wie gjin nij optinksel, om't Lucas de film altyd al ''Episode&nbsp;IV'' ("Oflevering IV") neame wollen hie, mar dat net die om't er net wis genôch wie fan it súkses fan 'e film. [[Haadrolspiler]] [[Mark Hamill]] sei yn in fraachpetear yn [[2016]] dat er Lucas noch frege hie wêrom't se net gewoan by ''Episode&nbsp;I'' wei begûnen, en Lucas antwurde doe dat er it publyk it gefoel jaan woe dat se wat mist hiene dêr't se foar weromkomme moasten, en dat ''Episode&nbsp;IV'' it maklikst te ferkeapjen diel fan it hiele epos wie.

Yn 'e [[1990-er jierren]], doe't [[George Lucas]] risselwearre foar de produksje fan 'e [[Star Wars-prequeltrilogy|''Star Wars''-prequeltrilogy]], brocht er dêrop foarútrinnend yn [[1997]] (tweintich jier nei de premiêre fan ''Episode&nbsp;IV'') folslein remastere ferzjes út fan 'e trije films fan 'e oarspronklike [[Star Wars-trilogy|''Star Wars''-trilogy]], dy't bekend kamen te stean as de [[director's cut|special edition]]. Yn 'e special edition fan ''Star Wars: Episode&nbsp;IV&nbsp;– A&nbsp;New Hope'' waard in diel fan 'e oarspronklike special effects ferfongen troch guon fan bettere kwaliteit, wylst ek de sêne noch tafoege waard wêryn't [[Han Solo]] in moeting hat mei [[Jabba de Hutt]] (dy't Lucas altyd al yn 'e film hawwe woe, mar dêr't er earder gjin jild of tiid foar hie). In oare, folle minder goed ûntfongen, feroaring wie dat de sêne mei de konfrontaasje tusken [[Han Solo]] en de [[preemjejager]] Greedo feroare waard om Greedo op Han sjitte te litten foar't Han him dea sjit, wylst Han Greedo yn 'e oarspronklike ferzje dea sjit sûnder dat dy sels sketten hat. Dat joech oanlieding ta de ''Han Shot First''-kontroverse. Wylst de oaspronklike film in spyldoer hie fan 121 [[minuten]], duorre de special edition 124 minuten.

Yn [[2010]] kundige Lucas oan dat alle seis doe besteande ''Star Wars''-films ynscand en omwurke wurde soene nei [[3D]]-format om fannijs yn 'e bioskoop brocht te wurden, mar inkeld de 3D-ferzjes fan 'e prequeltrilogyfilms kamen út foar't filmstudio [[Lucasfilm]], en dêrmei de [[Star Wars|''Star Wars''-franchise]], yn [[2012]] oankocht waard troch [[The Walt Disney Company]]. Yn [[2013]] kaam ''Star Wars: Episode&nbsp;IV&nbsp;– A&nbsp;New Hope'' út yn in yn it [[Navaho (taal)|Navaho]] neisyngronisearre ferzje, wêrmei't it de earste film wie dy't yn in [[Yndianen|Yndiaanske]] taal [[oersetting|oerset]] waard.

====Thúsmedia====
''Star Wars: Episode&nbsp;IV&nbsp;– A&nbsp;New Hope'' waard yn 'e [[Feriene Steaten]], [[Frankryk]], [[West-Dútslân]], [[Itaalje]] en [[Japan]] alderearst beskikber makke op [[Super&nbsp;8-film]] (hoewol yn Itaalje mar fragmintarysk). Yn 'e [[1980-er jierren]] kaam de film út op alle doetiidske [[fideorecorder|fideosystemen]]: [[Betamax]], [[Video 2000]] en [[VHS]]. Op [[21&nbsp;septimber]] [[2004]] kaam de film foar it earst beskikber op [[dvd]], yn in [[boxset]] mei de oare beide dielen fan 'e oarspronklike [[Star Wars-trilogy|''Star Wars''-trilogy]], ''[[Star Wars: Episode&nbsp;V&nbsp;– The Empire Strikes Back]]'' en ''[[Star Wars: Episode&nbsp;VI&nbsp;– Return of the Jedi]]''. Op [[16&nbsp;septimber]] [[2011]] waarden alle doe seis ''Star Wars''-films foar it earst op [[blu-ray]] útbrocht.
[[File:Star Wars graumans.jpg|right|thumb|250px|Fuotprinten yn [[beton]] út [[1977]] fan û.o. [[C-3PO]], [[R2-D2]] en [[Darth Vader]], foar [[Grauman's Chinese Theatre]] yn [[Hollywood]].]]

==Untfangst==
Fan 'e [[filmkritisy]] krige ''Star Wars: Episode&nbsp;IV&nbsp;– A&nbsp;New Hope'' oer it algemien tige loovjende [[resinsje]]s. Sa omskreau [[Roger Ebert]] fan 'e ''[[Chicago Sun-Times]]'' de film as in "[[ûnderfining]] as wie ik bûten myn eigen lichem trêde". Hy fûn de [[special effects]] ferlykber mei dy yn ''[[2001: A Space Odyssey]]'' en skreau dat it sterkste punt fan ''Star Wars'' poer it ferhaal wie. Yn ''[[The New York Times]]'' omskreau [[Vincent Canby]] de film as "de yngewikkeldste, djoerste, prachtichste [[searjefilm]] dy't ea makke is." A.D. Murphy fan it [[tydskrift]] ''[[Variety (tydskrift)|Variety]]'' stelde fêst dat it [[George Lucas]] slagge wie en meitsje de "grutst mooglike aventoerefantasij" basearre op âldere films út syn [[jonkheid]].

Der wiene lykwols ek resinsinten dy't net folle fan 'e film hawwe moasten, al wiene sokke minmachtich. Sa fûn [[Pauline Kael]], fan it blêd ''[[The New Yorker]]'', dat der yn ''Star Wars: Episode&nbsp;IV&nbsp;– A&nbsp;New Hope'' gjin romte siet om te sykheljen, likemin as [[lyryk]], en dat de film gjin [[emoasje|emosjonele]] gryp hie. En yn it tydskrift ''[[New York (tydskrift)|New York]]'' skreau [[John Simon (kritikus)|John Simon]]: "As je ''Star Wars'' ûntdogge fan syn gauris treffende bylden en syn apegrykske wittenskiplik [[jargon]], krije je in ferhaal, [[personaazje]]s en [[dialooch]] fan oerweldigjende [[banaliteit]]."

Op 'e [[webside]] [[Rotten Tomatoes]], dy't resinsjes sammelet, hat ''Star Wars: Episode&nbsp;IV&nbsp;– A&nbsp;New Hope'' in tige heech goedkarringspersintaazje fan 92%, basearre op 132 ûnderskate resinsjes. De konsensuskrityk fan 'e webside, gearstald út al dy resinsjes, stelt: "Mei in [[legindarysk]] brede opbou en in ambisjeuze start fan 'e [[science fiction]]-searje iepene [[George Lucas]] ús de eagen foar de mooglikheden fan it meitsjen fan in filmhit, en neitiid hat de wrâld nea wer itselde west." Op [[Metacritic]], de wichtichste [[konkurrint]] fan Rotten Tomatoes, behellet ''Star Wars: Episode&nbsp;IV&nbsp;– A&nbsp;New Hope'' in goedkarringspersintaazje fan 90%, basearre op 24 resinsjes.

Yn [[1989]] wie ''Star Wars: Episode&nbsp;IV&nbsp;– A&nbsp;New Hope'' ien fan 'e earste 25 films dy't omreden fan [[kulturele]], [[histoarysk]]e en/of [[estetysk]]e wearde troch de [[Library of Congress]] foar preservearring foar de ivichheid opnommen waarden yn it [[National Film Registry]]. ''Star Wars: Episode&nbsp;IV&nbsp;– A&nbsp;New Hope'' wurdt tsjintwurdich beskôge as ien fan 'e bêste en ynfloedrykste films út 'e [[filmskiednis]].
[[File:Star wars cinema 1977.jpg|left|thumb|250px|In [[reklame]]boerd foar in [[bioskoop]] yn 'e [[Feriene Steaten]] yn [[1977]].]]

==Resultaat==
===Opbringst===
''Star Wars: Episode&nbsp;IV&nbsp;– A&nbsp;New Hope'' brocht yn 'e [[bioskopen]] yn 'e [[Feriene Steaten]] en [[Kanada]] (letter re-releases ynbegrepen) [[$]]461,0&nbsp;miljoen op, en yn alle oare [[lannen en territoaria]] $314,8&nbsp;miljoen. Wrâldwiid kaam de [[opbringst (jild)|opbringst]] dêrmei út op $775,8&nbsp;miljoen. Ofset tsjin it [[budget]] fan $11&nbsp;miljoen betsjut dat in [[winst (ûndernimming)|winst]] fan $763,8&nbsp;miljoen, hoewol't dêr de [[marketing]]kosten noch wol ôf moatte. Dêrmei wie ''Star Wars: Episode&nbsp;IV&nbsp;– A&nbsp;New Hope'' de meast [[opbringst (jild)|opbringende]] film fan [[1977]] en teffens de meast opbringende film aller tiden, en mei [[ynflaasjekorreksje]] is it (anno [[2022]]) noch altyd de op ien nei meast opbringende film yn [[Noard-Amearika]] (nei ''[[Gone with the Film (film)|Gone with the Wind]]'') en de op trije nei meast opbringende film wrâldwiid (nei ''Gone with the Wind'', ''[[Avatar (film út 2009)|Avatar]]'' en ''[[Titanic (film út 1997)|Titanic]]'').

===Prizen===
''Star Wars: Episode&nbsp;IV&nbsp;– A&nbsp;New Hope'' waard yn [[1978]] nominearre foar 11 [[Oscar]]s, wêrûnder de [[priis (ûnderskieding)|prizen]] yn 'e [[kategory]]en [[Oscar foar Bêste Film|bêste film]], bêste [[regisseur]], bêste [[byrol]] fan in [[akteur]] ([[sir]] [[Alec Guinness]]) en bêste orizjinele [[senario]]. De film wûn de Oscars foar bêste orizjinele [[filmmuzyk]] ([[John Williams (komponist)|John Williams]]), bêste [[filmmontaazje]] ([[Paul Hirsch (filmeditor)|Paul Hirsch]], [[Richard Chew]] en [[Marcia Lucas]]), bêste [[kostúm]]ûntwerp ([[John Mollo]]), bêste [[artdirection]] ([[John Barry (setûntwerper)|John Barry]], [[Norman Reynolds]], [[Leslie Dilley]] en [[Roger Christian (filmmakker)|Roger Christian]]), bêste [[lûd]] ([[Don MacDougall]], [[Ray West]], [[Bob Minkler]] en [[Derek Ball]]), bêste [[special effects|fisuele effekten]] ([[John Dykstra]], [[Grant McCune]], [[John Stears]], [[Richard Edlund]] en [[Robert Blalack]]) en de Special Achievement Academy Award ([[lûd]]stechnikus [[Ben Burtt]]).

De film waard ek nominearre foar 4 [[Golden Globe]]s, wêrûnder de prizen foar [[Golden Globe foar Bêste Film – Drama|bêste dramafilm]], bêste regisseur en bêste byrol fan in akteur (sir Alec Guinness). ''Star Wars: Episode&nbsp;IV&nbsp;– A&nbsp;New Hope'' wûn de Golden Globe foar bêste orizjinele filmmuzyk, en is dêrmei anno [[2022]] de iennichste ''Star Wars''-film dy't ea in Golden Globe wûn hat.
[[File:Kenny 'R2-D2' Baker.jpg|right|thumb|180px|[[Kenny Baker (Ingelsk akteur)|Kenny Baker]] (hjir yn [[2007]]) wie yn 'e film de man dy't yn 'e [[robot]] [[R2-D2]] siet.]]

By de [[BAFTA's]], de wichtichste [[Feriene Keninkryk|Britske]] filmprizen, waard ''Star Wars: Episode&nbsp;IV&nbsp;– A&nbsp;New Hope'' nominearre yn 6 kategoryen, wêrûnder bêste film, bêste filmmontaazje, bêste kostúmûntwerp en bêste [[produksje-ûntwerp]]. De film wûn de BAFTA's foar bêste orizjinele filmmuzyk en bêste lûd.

''Star Wars: Episode&nbsp;IV&nbsp;– A&nbsp;New Hope'' waard by de [[Saturn Award]]s nominearre foar mar leafst 17 prizen, wêrûnder twaris bêste akteur ([[Harrison Ford]] en [[Mark Hamill]]), bêste aktrise ([[Carrie Fisher]]) en bêste byrol fan in akteur ([[Peter Cushing]]). De film wûn 13 Saturn Awards, foar bêste [[science fiction-film]], bêste regisseur, bêste byrol fan in akteur (sir Alec Guinness), bêste senario, bêste [[kamerarezjy]], bêste filmmontaazje, bêste filmmuzyk, bêste lûd, bêste kostúmûntwerp, bêste [[fisazjy]], bêste special effects, bêste artdirecton en bêste setdekoraasje.

==Ferboeking==
{{Apart|Star Wars: From the Adventures of Luke Skywalker}}
De [[ferboeking]] fan ''Star Wars: Episode&nbsp;IV&nbsp;– A&nbsp;New Hope'' waard al yn [[novimber]] [[1976]], in healjier foàr de film, publisearre troch [[útjouwerij]] [[Ballantine Books]]. It [[boek]] wie nammentlik basearre op it senario en net op 'e foltôge film. Der binne sadwaande guon ferskillen tusken boek en film. It boek kaam oarpronklik út as ''[[Star Wars: From the Adventures of Luke Skywalker]]'', mar fan [[1981]] ôf waard it útjûn as ''Star Wars: A&nbsp;New Hope''. It stie op namme fan [[George Lucas]], mar it wie eins skreaun troch [[ghostwriter]] [[Alan Dean Foster]]. Sels al foar't de film yn 'e bioskoop útkaam, wie de ferboeking in grut súkses.

==Franchise==
It ûnbidige súkses fan ''Star Wars: Episode&nbsp;IV&nbsp;– A&nbsp;New Hope'' makke it ûntstean fan ''[[Star Wars]]'' as [[mediafranchise]] mooglik. De film krige twa direkte [[ferfolgen]], ''[[Star Wars: Episode&nbsp;V&nbsp;– The Empire Strikes Back]]'' ([[1980]]) en ''[[Star Wars: Episode&nbsp;VI&nbsp;– Return of the Jedi]]'' ([[1983]]). De trije films foarmen mei-inoar de oarspronklike [[Star Wars-trilogy|''Star Wars''-trilogy]]. Tweintich jier letter waard de [[Star Wars-prequeltrilogy|''Star Wars''-prequeltrilogy]] ([[1999]]-[[2005]]) makke en fjirtich jier letter de [[Star Wars-ferfolchtrilogy|''Star Wars''-ferfolchtrilogy]] ([[2015]]-[[2019]]). De trije filmtrilogyen foarmje mei-inoar de ''[[Skywalker Saga]]''. Mei noch twa [[Star Wars#Op harsels steande live-actionsfilms|op harsels steande films]] telt de franchise anno [[2022]] alve [[live-action]]films en ien [[lange film|lange]] [[tekenfilm]]. Yn it ramt fan 'e franchise binne njonken de [[filmsearje]] adaptaasjes ta oare media ferskynd, lykas [[tillefyzjefilm]]s, [[live-action]][[tillefyzjesearje]]s, [[tekenfilmsearje]]s, [[fideospultsje]]s, [[roman]]s, [[strip]]s, [[soundtrack]]albums, [[kaartspul]]len, [[boerdspul]]len en [[boartersguod]]. 

==Keppelings om utens==
* {{en}} [https://www.starwars.com/films/star-wars-episode-iv-a-new-hope Offisjele webside fan ''Star Wars: Episode IV – A New Hope'' op ''StarWars.com'']
* {{en}} [https://lucasfilm.com/productions/episode-iv/ Offisjele webside fan ''Star Wars: Episode IV – A New Hope'' op ''Lucasfilm.com'']
* {{en}} [http://www.imdb.com/title/tt0076759/ Ynformaasje oer ''Star Wars: Episode IV – A New Hope'' yn 'e Internet Movie Database (IMDb)]

{{boarnen|boarnefernijing=
Foar boarnen en oare literatuer, sjoch ûnder: [http://en.wikipedia.org/wiki/Star_Wars_(film) ''References'', op dizze side].
----
{{commonscat|Star Wars}}
}}
{{DISPLAYTITLE:''{{PAGENAME}}''}}
{{Star Wars}}

[[Kategory:Star Wars-film]]
[[Kategory:Amerikaanske science fiction-film]]
[[Kategory:Amerikaanske oarlochsfilm]]
[[Kategory:Amerikaanske coming-of-agefilm]]
[[Kategory:Science fiction-fantasyfilm]]
[[Kategory:Science fiction-aksjefilm]]
[[Kategory:Science fiction-oarlochsfilm]]
[[Kategory:Romte-aventoerefilm]]
[[Kategory:Ingelsktalige film]]
[[Kategory:Fiktyftalige film]]
[[Kategory:Film fan Lucasfilm]]
[[Kategory:Film fan George Lucas]]
[[Kategory:Film út 1977]]
[[Kategory:Film oer in twilling]]
[[Kategory:Film oer cyborgs]]
[[Kategory:Film oer robots]]
[[Kategory:Film oer tsjoenderij]]
[[Kategory:Film oer romtefeart]]
[[Kategory:Film oer in woastyn]]
[[Kategory:Film oer in fiktive oarloch]]
[[Kategory:Film oer in opstân]]
[[Kategory:Film oer bûtenierdske wêzens]]
[[Kategory:Film oer hacken]]
[[Kategory:Film oer in prinsesse]]
[[Kategory:Film oer in romtestasjon]]