Besjoch de boarne foar Solomon Kane (personaazje)

{{Fiktyf of legindarysk personaazje
| ôfbylding          = 
| ôfbyldingstekst    = 
| ôfbyldingsbreedte  = 
| namme                = Solomon Kane
| oare namme(n)        = 
| bynamme              = 
| sekse                = [[man (sekse)|man]]
| soarte personaazje   = [[minske]]
| nasjonaliteit        = [[File:Flag of England.svg|border|20px]] [[Keninkryk Ingelân|Ingelsk]]
| berop/amt            = ferskaat
| besibbe personaazjes = 
| attributen           = [[degen]], [[dagge]], [[pistoal]]en
| geastlike heit       = [[Robert E. Howard]]
| útjouwer             = 
| ûntstean             = [[1928]]
}}
'''Solomon Kane''' is in [[fiktyf]] [[personaazje]] dat yn [[1928]] betocht waard troch de [[Feriene Steaten|Amerikaanske]] [[skriuwer]] fan [[pulpfiksje]] [[Robert E. Howard]], better bekend as de geastlike heit fan in oar personaazje, [[Conan de Barbaar]]. Kane is in [[puritein]] út it [[Keninkryk Ingelân]] dy't oan 'e ein fan 'e [[sechstjinde iuw]] en it begjin fan 'e [[santjinde iuw]] libbet yn 'e [[Elizabetaanske Tiid]] en de dêropfolgjende jierren. Hy doarmet as aventoersman oer de wrâld en hat skynber gjin oar doel as om [[kwea]] yn lykfol hokker foarm út te rûgjen. 

==Beskriuwing fan it personaazje==
===Uterlik===
Howard beskriuwt Solomon Kane as in lange [[man (sekse)|man]] mei in bleke [[jeropide ras|blanke]] [[hûdskleur]], in holeagich [[gesicht]] en in kâlde blik. Hy [[klean|klaait]] him folslein yn it [[swart]] en draacht in [[swaaier (hoed)|swaaier]], in [[santjinde-iuwsk]]e [[filt]]ene [[hoed]] mei in brede sloppe [[râne (hoed)|râne]], faak mei in [[plom]] by de [[bân (hoed)|bân]] yn. Syn [[wapen]]reau bestiet ornaris út in [[degen]] en in [[dagge]] foar [[man-tsjin-mangefjocht]]en, oanfolle mei in pear ienskots [[pistoal]]en mei in [[fjoerstienslot]]. Fan syn [[freonskip|freon]], de [[Afrika]]anske [[sjamaan]] N'Longa, hat er fierders de Stêf fan Salomo (''Staff of Solomon'') krigen, in oerâlde, mei [[hieroglifen]] oerdutsen [[stêf (stôk)|stêf]] mei [[boppenatuerlike]] krêften yn 'e bestriding fan it [[kwea]], dy't lykwols by need ek as sljochtwei [[kneppel]] tsjinst dwaan kin.

===Karakter en komôf===
Fan [[karakter (persoanlikheid)|karakter]] is Kane in sombere, nearzige man dy't net in protte [[wille]] yn it libben liket te hawwen. Syn [[komôf]] is dizenich, al komt út it [[gedicht]] ''[[Solomon Kane's Homecoming]]'' nei foarren dat er yn in plak oan [[see]] yn it [[Keninkryk Ingelân]] opgroeid is. Itselde gedicht neamt ek in Bess, mei wa't er as jongfeint [[romantyk (leafde)|romantysk]] belutsen west liket te hawwen. It gedicht ferhellet hoe't Kane nei jierren fan omdoarmings thús komt, dêr't er ûntdekt dat Bess al sân jier lyn [[ferstoarn]] is, wêrnei't er wer ôfset. Dat wurdt yn 'e regel sa opfet: Kane en Bess wiene [[fereale]] opinoar, mar syn rêsteleas aard dreau him om aventoeren om utens te sykjen. Doe't er úteinlik wer thús kaam, mooglik om't er ree wie om him mei Bess op in fêst plak nei wenjen te setten, ûntdiek er dat er te let wie. Dêrop ferbriek er alle bannen mei syn âlde thús en sette er wer ôf om nea werom te kommen. 

Guon lêzers nimme soms oan dat 'Bess', in [[Ingelsk]]e [[ropnamme]] foar '[[Elizabeth (famkesnamme)|Elizabeth]]', ferwiist nei [[keninginne]] [[Elizabeth&nbsp;I fan Ingelân]], mar dat kin net klopje, want dy hie net folle op mei [[puritein]]en. Yn ien fan 'e [[koarte ferhalen]] oer Kane seit er sels oer de keninginne: "Sy hat eigenhannich de minsken fan myn [[leauwe]] foarliigd en ferret [...]." De kâns dat er sêftsedige [[gefoelens]] foar har hawwe soe, liket dêrmei fersjoen te wêzen. Boppedat is de keninginne ek net [[tsjerkhôf|te hôf]] kommen yn in plakje oan see, sa't it gedicht oer Bess ferhellet.

===Dieden===
Yn it earste ferhaal dêr't er yn ferskynt, ''[[Red Shadows (koart ferhaal)|Red Shadows]]'', fynt Kane earne yn [[Frankryk]] in [[famke]] dat oanfallen is troch in [[binde]] [[strûkrôver]]s ûnder lieding fan in [[krimineel]] dy't himsels ''le Loup'' ("de Wolf") neamt. As it famke yn syn earms [[ferstjerren|ferstjert]], beslút Kane om har te [[wraak|wreekjen]]. Hy giet efter ''le Loup'' oan op in spoar dat him nei [[Afrika]] liedt, dêr't er foar it earst de [[sjamaan]] N'Longa moetet. De [[plot]] fan ''Red Shadows'' is karakteristyk foar de ferhalen oer Kane, dy't troch [[Jeropa]] en Afrika doarmet en gjin oar doel liket te hawwen as it bestraffen fan [[kwea]] dat op syn paad komt. Yn oare aventoeren nimt Kane it op tsjin [[seerôver]]s, [[korrupt]]e [[eallju]], [[slavehannel|slavehellers]] en [[fampier]]en.

==Ferskinings==
===Koarte ferhalen===
koarte ferhalen oer Solomon Kane publisearre troch [[Robert E. Howard]]:
* ''[[Red Shadows (koart ferhaal)|Red Shadows]]'' <small>(publ. yn ''[[Weird Tales]]'', aug. 1928; alternative titel: ''Solomon Kane'')</small>
* ''[[Skulls in the Stars]]'' <small>(publ. yn ''Weird Tales'', jann. 1929)</small>
* ''[[Rattle of Bones (koart ferhaal)|Rattle of Bones]]'' <small>(publ. yn ''Weird Tales'', juny 1929)</small>
* ''[[The Moon of Skulls]]'' <small>(publ. yn ''Weird Tales'', juny-july 1930)</small>
* ''[[The Hills of the Dead]]'' <small>(publ. yn ''Weird Tales'', aug. 1930)</small>
* ''[[The Footfalls Within]]'' <small>(publ. yn ''Weird Tales'', sept. 1931)</small>
* ''[[Wings in the Night]]'' <small>(publ. yn ''Weird Tales'', july 1932)</small>

koarte ferhalen [[postúm]] publisearre:
* ''[[Blades of the Brotherhood]]'' <small>(publ. yn ''Red Shadows'', 1968; alternative titels: ''The Blue Flame of Vengeance'', ''The Blue Flame of Death''; red. ferzje fan [[John Pocsik]] publ. yn ''Over the Edge'', 1964)</small>
* ''[[The Right Hand of Doom]]'' <small>(publ. yn ''Red Shadows'', 1968)</small>

fragminten, faak letter ôfmakke troch oare skriuwers:
* ''[[The Castle of the Devil]]'' <small>(fragmint; publ. yn ''Red Shadows'', 1968; kompletearre troch [[Ramsey Campbell]])</small>
* ''[[The Children of Asshur]]'' <small>(fragmint; publ. yn ''Red Shadows'', 1968; kompletearre troch Ramsey Campbell )</small>
* ''[[Death's Black Riders]]'' <small>(publ. yn ''The Howard Collector'', maityd 1968)</small>
* ''[[Hawk of Basti]]'' <small>(fragmint; publ. yn ''Red Shadows'', 1968; kompletearre troch Ramsey Campbell)</small>

===Gedichten===
* ''[[The One Black Stain]]''
* ''[[The Return of Sir Richard Grenville]]''
* ''[[Solomon Kane's Homecoming]]''

===Adaptaasjes===
De ferhalen oer Solomon Kane binne ta ferskate oare media adaptearre, wêrby't ek folslein nije ferhalen optocht binne. Sa waard de [[strip]]searje ''[[Solomon Kane (stripsearje)|Solomon Kane]]'' yn 'e [[1970-er jierren|1970-er]] en [[1980-er jierren]] yn 'e [[Feriene Steaten]] publisearre troch [[útjouwerij]] [[Marvel Comics]] en fan [[2008]] ôf op 'e nij troch [[Dark Horse Comics]]. Yn [[2007]] brocht [[Pinnacle Entertainment Group]] in [[rollespul]] út dat basearre wie op Solomon Kane en syn wrâld. In [[spylfilm]] oer it personaazje, mei as [[titel (namme)|titel]] ''[[Solomon Kane (film)|Solomon Kane]]'', kaam út yn [[2009]], mei [[akteur]] [[James Purefoy]] yn 'e [[titelrol]]. 

{{boarnen|boarnefernijing=
Foar boarnen en oare literatuer, sjoch ûnder: [http://en.wikipedia.org/wiki/Solomon_Kane ''References'', op dizze side].
}}

{{DEFAULTSORT:Kane, Solomon}}
[[Kategory:Fiktyf Ingelsk persoan]]
[[Kategory:Fiktyf aventoersman]]
[[Kategory:Fiktyf fampierejager]]
[[Kategory:Fiktyf personaazje yntrodusearre yn 1928]]