Besjoch de boarne foar Skierstins (Feanwâlden)

[[Ofbyld:20140429 Skierstins Feanwâlden Fr NL.jpg|thumb|400px|''De skierstins yn 2014.'']]
[[Ofbyld:Stins veenwouden.jpg|right|thumb|200px|''De skierstins om 1927 hinne.'']]
Om [[1300]] hinne is yn [[Feanwâlden]] de '''Skierstins''' boud. It âldst bekende dokumint oer de Skierstins is in stik fergield [[perkamint]] út it jier [[1439]]. Dêryn wurdt oer it ''Schira Monnika huse'' skreaun.  De Skierstins is de lêste oerbleaune [[stins]] yn Fryslân en dy't net ynboud is yn in state.

== Skiednis ==
De stins waard boud om 1300 hinne. Letter waard it bouwurk bekend as de ''Skierstins''. De stins is neamd nei de mûntsen fan it [[Kleaster Klaarkamp]] (''Claercamp'') by [[Rinsumageast]], dy' ta de [[Bernardinen]] of ''Skiere mûntsen'' hearden. Hja hienen de [[stins]] yn [[1429]] yn besit krigen en brûkten dy as úthôf. Yn de twadde helte fan de [[16e iuw]] kaam hy yn partikuliere hannen en waard it gebou fergrutte. Yn [[1814]], doe't de doedestiidske boargemaster fan [[Ljouwert (gemeente)|Ljouwert]] [[Thijs Feenstra (politikus)|Thijs Feenstra]] eigener waard, hie de toer twa 16e iuwske oanbouwen. De boargemaster liet om it kompleks hinne in simmerhûs, in hynstestalling, en in hôf bouwe en der waard in park oanlein. Oan de ein fan de [[19e iuw]] wie de Skierstins sa bot yn it neigean rekke, dat ôfbraak fan it bouwurk noch de iennige mooglikheid like. Mei op inisjatyf fan it [[Provinciaal Friesch Genootschap ter Beoefening van Friesche Geschied-, Oudheid- en Taalkunde|Frysk Genoatskip]] waard it gebou yn 1906 restaurearre. Oant 1960 waard de Skierstins brûkt as postkantoar. Neidat de gemeente [[Dantumadiel]] eigener wurden wie, folge begjin sechstiger jierren in nije restauraasje. Dêrnei waard de Skierstins earst in museum (mei in rieds- en in trouseal) en letter in kultureel sintrum. Yn 1999 waard de boppeferdjipping omboud ta eksposysjeromte. Yn 2000 waard yn de Skierstins in ''Theun de Vrieskeamer'' ynrjochte, in keamer foar in permaninte tentoanstelling oer skriuwer [[Theun de Vries]], dy't yn Feanwâlden berne is. De kolleksje, dy't beheard wurdt troch it ''Theun de Vriesgenoatskip'', waard yn 2008 frijwat útwreide, doe't in partikulier syn grutte samling oer de Vries oan it genoatskip skonk.

== Stinzefloara ==
Yn de tún om de Skierstins hinne is in ryk ferskaat oan [[Stinzeplant|stinzefloara]] te sjen. De beneaming ''stinzeplanten'', dy't troch de botanikus Dr.[[Jacob Botke]] yn 1932 foar it earst brûkt waard, is mooglik ynspirearre troch it feit dat de bewenners fan Feanwâlden it by de Skierstins waaksende [[Haarlimmer klokkespul]] mei ''stinzeblomkes'' oantsjutten.

== Sjoch ek ==
* [[States en Stinzen]]

== Keppeling om utens ==
* [http://www.schierstins.nl Webstee fan de Skierstins] (Nederlânsk).

{{boarnen|boarnefernijing=
*[http://www.schierstins.nl/?historie/ De Schierstins - ''Histoarje''] <!-- rieplachte op 2 april 2008 -->
*[http://www.frieschdagblad.nl/index.asp?artID=38371 Frysk Deiblêd, 10 maart 2008 - ''Skierstins krijt kolleksje De Vries''] <!-- rieplachte op 2 april 2008 -->
*[http://www.stinzenflorafriesland.nl/index.php?page=Schierstins Stinzenflora Fryslân - ''Skierstins''] <!-- rieplachte op 2 april 2008 -->
}}

{{Koördinaten|53_14_21.6_N_5_59_25.9_E_zoom:17_region:NL|53° 14' 22" NB &nbsp; 005° 59' 26" E}}

[[Kategory:Feanwâlden]]
[[Kategory:Stins]]
[[Kategory:Stins of state yn Dantumadiel]]
[[Kategory:Ryksmonumint yn Dantumadiel]]
[[Kategory:Bouwurk út 1300]]
[[Kategory:Museum yn Fryslân]]
[[Kategory:Organisaasje oprjochte yn 1999]]