Skamstreek

Ut Wikipedy
Jump to navigation Jump to search
De manlike skamstreek bedutsen mei in ûnderbroek.

De skamstreek is it diel fan it minsklik lichem dêr't de ljisken en de geslachtsdielen sitte. It wurdt ek wol it krús neamd, om't op dat plak de skonken en de romp gearkomme. De begrinzging fan 'e skamstreek leit tusken de ûnderkant fan 'e búk en it begjin fan 'e billen, oan 'e foarside fan it lichem. De stuten, oan 'e efterkant fan it lichem, wurde net ta de skamstreek rekkene.

De namme "skamstreek" is foar 't neist ûntstien troch it bibelske ferhaal út Genesis 1, wêryn't ferteld wurdt hoe't Adam en Eva har nei it iten fan in ferbeane frucht begûnen te skamjen foar harren neakenens. Yn 'e minsklike skiednis is it útsicht op 'e skamstreek stadichoan fierder útband, fral nei't godstsjinsten as it kristendom en de islaam seks as eat negatyfs begûnen te beskôgjen. Tsjintwurdich wurdt yn 'e regel in kombinaasje fan boppeklean en ûnderguod brûkt om 'e skamstreek te bedekken.

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch op dizze side.