Besjoch de boarne foar Sjoerd de Vries (byldzjend keunstner)

{{Keunstner
| ôfbylding                    = Sjoerd de Vries troch Ruud van der Duin.jpg
| ôfbyldingstekst              = Sjoerd de Vries troch Ruud van der Duin.
| ôfbyldingsbreedte            = 
| echte namme                  = 
| nasjonaliteit                = {{Flagge_NL}} [[Nederlân|Nederlânsk]]
| berne                        = [[9 novimber]] [[1941]]
| berteplak                    = [[Aldehaske]]
| stoarn                       = [[7 jannewaris]] [[2020]] (78 jier)
| stjerplak                    = [[Ljouwert (stêd)|Ljouwert]]
| etnisiteit                   = {{Flagge_FY}} [[Westerlauwerske Friezen|Frysk]]
| regionale identiteit         = 
| wurksum as                   = [[keunstskilder]], [[tekener]], grafikus
| perioade                     = 
| streaming                    = 
| medium                       = Oaljeferve (op doek, karton, mes)
| bekendste wurk(en)           = 
| jierren aktyf                = 1956-2020
| prizen                       = [[Gerrit Bennerpriis]] 2015, foar syn hiele oeuvre
| webside                      = [https://rkd.nl/nl/explore/artists/82160 RKD-profyl]
}}
'''Sjoerd de Vries''' ([[Aldehaske]], [[9 novimber]] [[1941]] - [[Ljouwert (stêd)|Ljouwert]], [[7 jannewaris]] [[2020]]) wie in Frysk [[byldzjende keunst|byldzjend keunstner]].

== Libben en wurk ==
De Vries hat syn jongesjierren yn Aldehaske trochbrocht. Nei de [[ambachtsskoalle]] gie er in blauwe moandei nei keunstakademy [[Akademy Minerva|Minerva]] yn [[Grins (stêd)|Grins]], mar wie dêr min yn te passen. Werom yn Aldehaske arbeide er as [[hûsskilder]], molkkontroleur en lânarbeider om troch de tiid te kommen. Yn syn jeugd wie de Vries ek in betûft hurdrinner en reedrider. Yn de fyftiger jierren kaam De Vries yn kontakt mei de [[autodidakt]]yske skilder [[Boele Bregman]] en de naïve skilder [[Jentsje van der Sloot]]. Yn 1963 ferhuze er nei Ljouwert, dêr't er noch altyd wennet. De earste eksposysje fan syn wurk yn 1962 brocht him erkenning. Letter folgen solotentoanstellingen yn it [[Singer Museum]] yn Laren (1996) en it [[Gemeentemuseum De Haach]] (2003).<ref>[http://www.balkstercourant.nl/nieuws/25660/selfies-van-sjoerd-de-vries-museum-belvedere/#sthash.IcYcPXLV.dpuf Balkster Courant]</ref> Yn 1964 boaske er en krige yn 1970 in dochter.

Wilens wie De Vries in [[Alkoholisme|stûf drinker]] en oanhelle mei [[Klinyske depresje|depresjes]]. Nei in sikehûsopname yn 1990 waard er better en joech er de drank oer.<ref>[http://www.demoanne.nl/schrijversportretten-sjoerd-de-vries/ De Moanne, skriuwersportretten (maaie 2014)]</ref> De Vries joech yn de jierren njoggentich les oan de Frije Akademy yn Ljouwert.

De Vries syn 'hannelsmerk' is de mingde technyk dy't er foar syn wurk brûkt: âld karton mei bonkelym tusken de lagen dat er ynsneit, bewurket mei in strykizer, beskildert (mei oaljeferve), op 'e nij mei it mes bewurket, ensfh.

Fan 1991 ôf hie er syn atelier yn de Muntflat op [[It Hearrenfean (plak)|It Hearrenfean]] dat er  wol syn 'laboratorium' neamde.
[[De Deelen]], neffens de Vries 'de ûnderkant fan de Himalaya' is ien fan syn favoarite ûnderwerpen. Fierder is er bekend fan syn (sels-)portretten. Syn wurk is ûnder oaren te sjen yn [[Museum Belvédère]] op [[It Oranjewâld]].

Yn it ramt fan de [[Byldzjende Keunstners Regeling|BKR]] skilderde De Vries yn [[1971]] fanwege de [[Ljouwert (gemeente)|gemeente Ljouwert]] portretten fan trije boargemasters fan nei de oarloch: mr. [[Adriaan Anne Marie van der Meulen]] (1946-1966), [[Wim Harmsma]] (1966-1967) en [[Johannes Brandsma (boargemaster)|Johannes Brandsma]] (1967-1983). Dat jier ûntstie der rebûlje oer in portret dat de Vries fan âld-boargemaster Van der Meulen makke hie. Van der Meulen fûn dat it skilderij net goed like, syn earen soene te grut ôfbylde wêze. Fia de rjochter twong er in eksposysjeferbod foar it portret ôf oant tsien jier nei syn ferstjerren. Op freed [[24 oktober]] [[2003]] rûn dat ultimatum ôf en waard it portret tentoansteld yn it [[Frysk Museum]].

De Vries wie jierren oanhelle mei [[COPD]]. Hy stoar yn de âldens fan 78 jier.

{{boarnen|boarnefernijing=
<references/>
}}

{{DEFAULTSORT:Vries, Sjoerd de (byldzjend keunstner)}}
[[Kategory:Frysk keunstskilder]]
[[Kategory:Frysk byldzjend keunstner]]
[[Kategory:Persoan berne yn Aldehaske]]
[[Kategory:Persoan stoarn yn Ljouwert]]
[[Kategory:Persoan berne yn 1941]]
[[Kategory:Persoan stoarn yn 2020]]