Besjoch de boarne foar Sicario (film út 2015)

{{Universele ynfoboks film
| ôfbylding                = Sicario logo.png
| ôfbyldingstekst          = 
| ôfbyldingsbreedte        =
| ferwizing                = '''(''[[:en:File:Sicario poster.jpg|Filmposter yn 'e Ingelske Wikipedy]]'')'''
| namme                    = ''Sicario''
| regisseur                = [[Denis Villeneuve]]
| produsint                = [[Basil Iwanyk]]<br>[[Edward L. McDonnell]]<br>[[Molly Smith (filmprodusinte)|Molly Smith]]<br>[[Thad Luckinbill]]<br>[[Trent Luckinbill]]
| útfierend produsint      = [[John H. Starke]]<br>[[Erica Lee]]<br>[[Ellen H. Schwartz]]
| senario                  = [[Taylor Sheridan]]
| basearre op              = 
| kamerarezjy              = [[Roger Deakins]]
| muzyk                    = [[Jóhann Jóhannsson]]
| filmstudio               = [[Black Label Media]]<br>[[Thunder Road Films]]
| distribúsje              = [[Lionsgate Films]]
| haadrollen               = [[Emily Blunt]]<br> [[Benicio del Toro]]<br>[[Josh Brolin]]
| voice-over               = 
| byrollen                 = [[Daniel Kaluuya]]<br> [[Victor Garber]]<br> [[Jon Bernthal]]<br> [[Jeffrey Donovan]]<br> [[Raoul Trujillo]]
| lân/lannen               = [[File:Flag of the United States.svg|border|20px]] [[Feriene Steaten]]
| premiêre                 = [[18 septimber]] [[2015]]
| foarm                    = [[langspylfilm]]
| sjenre                   = [[aksjefilm|aksje]]-[[skriller]]
| taal                     = [[Ingelsk]] (ek [[Spaansk]])
| spyltiid                 = 121 minuten
| budget                   = $30 miljoen
| opbringst                = $84,9 miljoen
| prizen                   = 
| filmsearje               = ''[[Sicario (filmsearje)|Sicario]]''
| foarich diel             = 
| folgjend diel            = ''[[Sicario: Day of the Soldado]]''
}}
'''''Sicario''''' ([[útspr.]]: [si.'ka.ɾjo], likernôch: "si-<u>kaar</u>-joo"; [[Spaansk]] foar "[[hiermoardner]]") is in [[Feriene Steaten|Amerikaanske]] [[aksjefilm|aksje]]-[[skriller]] út [[2015]]. De [[film]] waard [[regissearre]] troch [[Denis Villeneuve]] nei in orizjineel [[senario]] fan [[Taylor Sheridan]]. De [[haadrol]]len waarden fertolke troch [[Emily Blunt]] as in [[FBI]]-aginte, [[Josh Brolin]] as in [[CIA]]-man en [[Benicio del Toro]] as immen fan wa't pas geandwei de film dúdlik wurdt wa't er krekt is. ''Sicario'' draait om it krewearjen fan 'e [[Feriene Steaten|Amerikaanske]] [[oerheid|autoriteiten]] om 'e ûnmeidlydsume foaroanman fan in machtich [[Meksiko|Meksikaanske]] [[drugskartel]] ûnder fuotten te heljen. De film krige rûnom loovjende [[filmkrityk|kritiken]] en waard nominearre foar trije [[Oscars]], trije [[BAFTA's]], en de [[Gouden Palm]] fan it [[Ynternasjonaal Filmfestival fan Cannes]]. Yn [[2018]] kaam it [[ferfolch]] ''[[Sicario: Day of the Soldado]]'' út.

==Plot==
[[FBI]]-aginten Kate Macer en Reggie Wayne liede in ynfal yn in hûs yn [[Chandler (Arizona)|Chandler]], yn 'e [[Amerikaanske steat]] [[Arizona]], dat yn gebrûk is fan in [[Meksiko|Meksikaansk]] [[drugskartel]]. As se it hûs ienris ynnommen hawwe, ûntdekke se efter de [[gipsplaat|gipsplaten]] yn 'e [[muorre]]n tsientallen yn [[plestik]] ferpakte [[ferrotting|rotsjende]] [[liken]] fan [[slachtoffer]]s fan it kartel, wylst in [[bom]] dy't by wize fan [[falstrik]] oan in [[fallûk]] yn in bygebou befêstige is, oan twa [[plysje]]minsken it libben kostet. 

Nei de ynfal riedt har baas, agint Jennings, Macer oan foar in mienskiplike taakgroep fan it [[Ministearje fan Justysje (Feriene Steaten)|Ministearje fan Justysje]] en it [[Ministearje fan Definsje (Feriene Steaten)|Ministearje fan Definsje]]. Oan it haad dêrfan stiet Matt Graver, in [[CIA]]-agint dy't frijwat geheimsinnich oer syn funksje docht om't de CIA eins gjin foech hat om binnen de grinzen fan 'e Feriene Steaten te operearjen. As se derfan bewissige wurdt dat de taakgroep dejingen ûnder fuotten helje sil dy't ferantwurdlik binne foar de ferskrikkings yn it hûs yn Chandler, jout Macer har by it team.
{{Plotbedjer film}}
Mei Graver en de geheimsinnige Alejandro, dy't har fertelt dat er in [[Meksikanen|Meksikaan]] is en dat er foarhinne as [[ofsier fan justysje]] wurke hat, reizget Macer yn in [[priveefleantúch]] ôf nei [[El Paso (Teksas)]], dêr't de rest fan 'e taakgroep gearkommen is. Dy't blykt te bestean út in tweintichtal Amerikaanske [[kommando's]] en in pear marshals fan 'e [[U.S. Marshals Service]]. Yn in [[konfoai]] [[auto's]] stekke se de [[Meksiko|Meksikaanske]] grins oer nei it wetteleaze [[Ciudad Juárez]], dêr't de beide U.S. marshals in [[finzene]] oernimme fan 'e Meksikaanske autoriteiten. Macer wit net wa't dat is en hat mar in hiel beheind idee oer wat der eins geande is. Underweis werom komt it konfoai deunby de grinsoergong fêst te stean yn in [[file]]. As de auto's fan it konfoai ynsletten driigje te wurden troch auto's mei [[wapen]]e trewanten fan in drugskartel, begjinne de kommando's middenmank de wachtsjende auto's in [[fjoergefjocht]], wêrby't njoggen leden fan it drugskartel [[dea]]sketten wurde. 

Werom yn 'e Feriene Steaten is Macer [[lulkens|poerlulk]] oer dy healwize gong fan saken, dêr't withoefolle ûnskuldige [[boarger]]s by yn gefaar brocht binne, mar Graver wiuwt har beswieren fuort. De finzene dy't se ophelle hawwe, blykt Guillermo Díaz te wêzen, de [[broer]] Manuel Díaz, dy't oan 'e Amerikaanske kant fan 'e grins oan it haad stiet fan it [[Sonoarakartel]]. Guillermo wurdt yn 'e Amerikaanske [[finzenis]] troch Alejandro [[martele]] oant er fertelt dat it Sonoarakartel by [[Nogales (Arizona)]] in [[tunnel]] ûnder de grins troch brûkt om [[drugs]] de Feriene Steaten binnen te [[smokkel]]jen út it oanbuorjende [[Nogales (Meksiko)|Nogales]] yn Meksiko wei.

Hoewol't se neat oer de marteling fan Guillermo wit, begjint aginte Macer sterke twifels te krijen oer de yllegale en foar har ûnbegryplike metoaden fan 'e taakgroep. As se weriene wurdt mei Reggie Wayne en him oer har ûnderfinings fertelt, hat dy it der ek net op stean. Tegearre konfrontearje se Graver, dy't úteinlik tajout dat it doel net is om Manuel Díaz te [[arrestaasje|arrestearjen]], sa't er Macer oarspronklik leauwe litten hie, mar om 'e drugssmokkel sa te fersteuren dat Díaz weromroppen wurde sil nei Meksiko om ferantwurding ôf te lizzen oan 'e op twa nei heechste baas fan it Sonoarakartel, de ûngrypbere Fausto Alarcón. Troch Díaz te folgjen, hoopje se Alarcón op te spoaren en op te pakken.

De oare [[dei]]s docht Graver mei syn team in ynfal by in [[bankwêzen|bank]] dy't troch Díaz brûkt wurdt om it mei [[drugs]]hannel fertsjinne [[jild]] [[wytwaskjen|wyt te waskjen]]. Macer en Wayne wolle de [[ynformaasje]] dy't dêrby sammele wurdt, brûke om Manuel Díaz te arrestearjen, mar Graver leit dêr it near op om't syn operaasje foarrang hat. As de beide [[teloarstelling|teloarstelde]] FBI-aginten neitiid soelaas yn [[etanol|alkohol]] sykje yn in pleatslike [[kroech]], komme se dêr Ted tsjin, in pleatslike plysjeman dy't [[freonskip|befreone]] is mei Wayne. Macer kin it sa goed fine mei Ted, dat se him oan 'e ein fan 'e [[jûn]] mei werom nimt nei har [[appartemint]] foar in [[onenightstand]]. As Ted lykwols risselwearret om him út te klaaien en dêrta syn spul op 'e [[tafel]] smyt, ken Macer in bûnt kleure [[ilestyk]]je werom dat as twa drippen wetter liket op 'e ilestykjes dy't se earder dy deis om rôlen jild fan it Sonoarakartel hinne sjoen hat, dy't yn beslach nommen binne by de ynfal by de bank. Se besiket by Ted wei te kommen, mar sadree't hy foar it ferstân kriget dat se him trochhat, besiket er har te [[wjirging|smoaren]]. Macer oerlibbet de konfrontaasje inkeld om't Alejandro ynienen yn har appartemint opdûkt en Ted in [[pistoal]] tsjin 'e [[holle]] oan set.

Neitiid jouwe Graver en Alejandro ta dat se Macer as lokies brûkt hawwe, om't se der omreden fan har opfallende [[hâlden en dragen]] by de bank wis fan wiene dat it kartel immen op har ôfstjoere soe. As se Ted op in oan marteling grinzgjende wize ûnderfreegje, jout dy ta dat er foar it Sonoarakartel wurket en dat er stjoerd wie om Macer te [[ferlieding|ferlieden]] en har op bêd út te kloarkjen oer de operaasje fan 'e taakgroep. Hy moat úteinlik ek de nammen fan 'e oare [[korrupt]]e Amerikaanske plysjeminsken priisjaan dy't foar Díaz wurkje, ek al bringt dat net inkeld him, mar ek syn eks-[[oarehelte|frou]] en syn jonge [[dochter]]ke yn gefaar.

Troch alle aktiviteiten fan 'e taakgroep duorret it net lang ear't Díaz weromroppen wurdt nei Meksiko om yn persoan oan Alarcón út te lizzen hoe't it allegear sa misrinne kinnen hat. Macer sjocht net yn hoe't se dêr wat oan hawwe, mei't de Amerikaanske autoriteiten gjin foech hawwe op Meksikaansk grûngebiet. [[Ergernis|Yrritearre]] troch har oanhâldende tsjinakseljen jout Graver dan einlings en te'n lêsten ta dat sy en Wayne inkeld en allinne yn 'e operaasje behelle binne om't de CIA sûnder tafersjoch troch de FBI of in oare federale plysjetsjinst net op Amerikaansk grûngebiet aktyf wêze mei. Wayne riedt Macer lulk oan om Graver-en-dy fierders yn harren eigen sop gearsiede te litten, mar Macer wol perfoarst meidwaan oan in plande oerfal op 'e drugstunnel by Nogales, om mear te witten te kommen oer Graver syn geheimen.

Nei't de kommando's de tunnel mei grou [[geweld]] ynnommen hawwe, folget Macer as iennichste Alejandro hielendal nei de Meksikaanske útein ta, dêr't se der tsjûge fan is hoe't er Silvio [[ûntfiering|ûntfierd]], in korrupte Meksikaanske plysjeman dy't as [[drugskoerier]] foar it Sonoarakartel aktyf is. Macer besiket Alejandro te arrestearjen, mar hy sjit har sûnder te wifeljen twa kear yn har [[kûgelfrij fest]], wêrmei't er har de siken benimt en tydlik bûten gefjocht stelt. Wylst Macer har [[pine]] ferbyt en muoisum krûpend nei har fallen pistoal ta beweecht, riidt Alejandro fuort mei Silvio yn dyselde syn eigen plysje-auto.

Tsjin 'e tiid dat Macer weromkeard is oan 'e Amerikaanske útein fan 'e tunnel, beseft se dat Alejandro no yllegaal yn Meksiko operearret mei stipe fan 'e Amerikaanske oerheid yn 'e persoan fan Graver. De arrestaasje fan Alarcón troch de taakgroep wie nea mear as in dekmantel. As se Graver mei har fermoedens konfrontearret, leit dy út dat de Amerikaanske oerheid weromwol nei de sitewaasje sa't dy yn 'e [[1980-er jierren]] bestie, doe't de hiele drugshannel yn 'e hannen wie fan ien inkele [[organisearre misdie|kriminele organisaasje]], it [[Kolombia]]anske [[Medellínkartel]]. Om't der doe mar ien tsjinspiler wie, bestie der in oersichtlike sitewaasje dy't foar de Amerikaanske oerheid folle mear mooglikheden ta stjoering bea as de hjoeddeiske gaos. Alejandro is in [[hiermoardner]] dy't wurket yn opdracht fan it Medellínkartel om Alarcón, in wichtige [[konkurrint]], [[moard|út 'e wei te romjen]]. De motiven fan Alejandro binne lykwols persoanlik: doe't er noch ofsier fan justysje yn [[Ciudad Juárez]] wie, hat Alarcón syn frou [[ûnthalzing|ûnthalzje]] en syn dochter yn in fet [[sâltsoer]] smite litten.

Underwilens, yn Meksiko, twingt Alejandro de plysjeman Silvio om Díaz oan te hâlden. Hy sjit Silvio dea en riidt mei Díaz fierder nei de [[hacienda]] fan Alarcón. As er dêr arrivearret, sjit er Díaz dea en datselde docht er mei alle trewanten fan Alarcón dy't er tsjinkomt, foardat se alaarm slaan kinne. Mei help fan 'e ynformaasje dy't de taakgroep oan him trochjout troch de [[ynfraread]]bylden dy't in [[helikopter]] heech yn 'e loft boppe de hacienda makket, kringt Alejandro djip yn it gebou troch, dêr't er Alarcón mei syn frou en beide jonge [[soan]]nen oan it miel treft. Dêr deadet er Alarcón, mar pas nei't er de frou en de beide jonges deasketten hat.

Nei ôfrin fan 'e operaasje ferskynt Alejandro yn it appartemint fan Macer, dêr't er har ûnder bedriging mei har eigen tsjinstpistoal in ferklearring ûndertekenje lit dêr't yn stiet dat de taakgroep him de hiele operaasje troch oan 'e wet holden hat. As er him ôfjout, rjochtet se fan har [[balkon]] ôf har pistoal op him, mar se kin harsels der net ta bringe om 'e [[trekker (fjoerwapen)|trekker]] oer te heljen.

==Rolferdieling==
[[File:Cannes_2015_24.jpg|right|thumb|260px|[[Josh Brolin]], [[Emily Blunt]], [[regisseur]] [[Denis Villeneuve]] en [[Benicio del Toro]] (f.l.n.rj.) by de fertoaning fan ''Sicario'' op it [[Ynternasjonaal Filmfestival fan Cannes]] yn [[2015]].]]
;haadrollen
{| height="100px" width="350px" style="background:#F8F8F8; border:1px solid #aaaaaa"
| style="background:gold"| '''personaazje''' 
| style="background:gold"| '''akteur/aktrise''' 
|- 
| Kate Macer
| [[Emily Blunt]]
|-
| Alejandro Gillick
| [[Benicio del Toro]]
|-
| Matt Graver
| [[Josh Brolin]]
|-
|}
<br>
;byrollen
{| height="100px" width="350px" style="background:#F8F8F8; border:1px solid #aaaaaa"
| style="background:gold"| '''personaazje''' 
| style="background:gold"| '''akteur/aktrise''' 
|- 
| Reggie Wayne
| [[Daniel Kaluuya]]
|-
| Dave Jennings
| [[Victor Garber]]
|-
| Ted
| [[Jon Bernthal]]
|-
| Steve Forsing
| [[Jeffrey Donovan]]
|-
| Rafael
| [[Raoul Trujillo]]
|-
| Fausto Alarcón
| [[Julio Cesar Cedillo]]
|-
| Phil Coopers
| [[Hank Rogerson]]
|-
| Manuel Díaz
| [[Bernardo Saracino]]
|-
| Silvio
| [[Maximiliano Hernández]]
|-
| Guillermo Díaz
| [[Edgar Arreola]]
|-
|}

==Produksje==
''Sicario'' waard regissearre troch de [[Frankryk|Frânske]] [[regisseur]] [[Denis Villeneuve]], nei in [[senario]] fan [[Taylor Sheridan]]. It wie it earste senario dat ferfilme waard fan Sheridan syn '[[trilogy]]' oer [[misdie]] oan 'e moderne [[Amerikaanske frontier|Amerikaanske ''frontier'']]. De oare beide ferfilmings binne ''[[Hell or High Water (film út 2016)|Hell of High Water]]'' ([[2016]]) en ''[[Wind River (film út 2017)|Wind River]]'' ([[2017]]). ''Sicario'' waard [[filmprodusint|produsearre]] troch [[Basil Iwanyk]], [[Edward L. McDonnell]], [[Molly Smith (filmprodusinte)|Molly Smith]], [[Thad Luckinbill]] en [[Trent Luckinbill]] foar de [[filmstudio's]] [[Black Label Media]] en [[Thunder Road Films]]. As [[útfierend produsint]] wiene [[John H. Starke]], [[Erica Lee]] en [[Ellen H. Schwartz]] by de film belutsen. De [[kamerarezjy]] waard fierd troch [[Roger Deakins]], wylst de [[Iislân|Iislânske]] [[komponist]] [[Jóhann Jóhannsson]] de [[filmmuzyk]] fersoarge. Foar ''Sicario'' wie in [[budget]] fan [[$]]30 miljoen beskikber. De [[opnamen (film)|opnamen]] setten op [[30&nbsp;juny]] [[2014]] útein op lokaasje yn [[Albuquerque (Nij-Meksiko)|Albuquerque]] yn [[Nij-Meksiko]].

De [[filmdistribúsje]] foar ''Sicario'' waard útbestege oan [[Lionsgate Films]]. De earste fertoaning fan 'e film wie op [[19&nbsp;maaie]] [[2015]], ûnder it [[Ynternasjonaal Filmfestival fan Cannes]], yn [[Frankryk]]. Dêrnjonken wie de film op [[11&nbsp;septimber]] [[2015]] ek te sjen ûnder it [[Ynternasjonaal Filmfestival fan Toronto]], yn [[Kanada]]. ''Sicario'' gie yn 'e Feriene Steaten yn [[premiêre]] op [[18&nbsp;septimber]] [[2015]] mei in fertoaning yn in beheind tal [[bioskopen]], wêrnei't er op [[2&nbsp;oktober]] [[2015]] yn bioskopen yn it hiele lân iepene. Op [[5&nbsp;jannewaris]] [[2016]] waard ''Sicario'' útbrocht op [[dvd]] en [[blu-ray]].

==Untfangst==
''Sicario'' waard rûnom mei loovjende [[filmkritiken]] ûntfongen. Yn 'e ''[[Chicago Sun-Times]]'' joech [[resinsint]] [[Richard Roeper]] de film in 10. Hy fûn it ien fan 'e bêste films fan it jier en hie benammen in protte lof foar it optreden fan [[akteur]] [[Benicio del Toro]] yn 'e rol fan 'e ûnmeilydsume en tagelyk tramtearre Alejandro. [[Dan Jolin]] fan it [[tydskrift]] ''[[Empire (filmtydskrift)|Empire]]'' joech ''Sicario'' fiif stjerren (fan fiif) en omskreau de film as "in prachtich troebele, hurde skriller." Ek neamde er ''Sicario'' ien fan 'e bêste films fan it jier. Yn 'e [[Grut-Brittanje|Britske]] [[krante]] ''[[The Guardian]]'' priizge [[Peter Bradshaw]] it [[aktearjen]] fan [[Emily Blunt]], [[Benicio del Toro]] en [[Josh Brolin]]. Hoewol't it [[personaazje]] fan Kate Macer neffens him ûnoannimlik wie, oerwûn Blunt datoangeande de ûnevenredichheden troch har aktearprestaasje. [[Krityk]] kaam der fral fan [[Enrique Serrano Escobar]], de [[boargemaster]] fan [[Ciudad Juárez]], dy't oprôp ta in [[boycot]] fan ''Sicario'' om't de film syn stêd yn in kwea deiljocht stelle soe.

Op 'e [[webside]] [[Rotten Tomatoes]], dy't [[resinsje]]s sammelet, hie ''Sicario'' in tige heech goedkarringspersintaazje fan 92%, basearre op 259 ûnderskate resinsjes. De konsensuskrityk fan 'e webside, gearstald út al dy resinsjes, stelt: "Oanfierd troch it treflike wurk fan [[Emily Blunt]] en [[Benicio del Toro]] is ''Sicario'' in spande, strak opwûne skriller dy't folle mear biedt as oandachtssykjende fêste setten." Op [[Metacritic]], de wichtichste [[konkurrint]] fan Rotten Tomatoes, behelle ''Sicario'' in goedkarringspersintaazje fan 82%, basearre op 48 resinsjes.

==Resultaat==
''Sicario'' iepene yn 'e Amerikaanske [[bioskopen]] tagelyk mei ''[[The Martian (film)|The Martian]]'' en ''[[The Walk (film út 2015)|The Walk]]''. De film behelle yn 'e [[Feriene Steaten]] en [[Kanada]] in opbringst fan [[$]]46,9&nbsp;miljoen, wylst yn oar [[lannen en territoaria]] nochris $38,0&nbsp;miljoen binnenbracht waard. Dêrmei kaam de totale opbringst út op $84,9&nbsp;miljoen. Ofset tsjin in [[budget]] fan $30&nbsp;miljoen komt dat del op in winst fan $54,9&nbsp;miljoen.

''Sicario'' waard nominearre foar in grut tal [[priis (ûnderskieding)|prizen]]. Sa mocht de film op it [[Ynternasjonaal Filmfestival fan Cannes]] meitingje nei de [[Gouden Palm]]. Fierders waard ''Sicario'' nominearre foar [[Oscars]] yn 'e kategoryen bêste [[sinematografy]] ([[Roger Deakins]]), bêste orizjinele [[filmmuzyk]] ([[Jóhann Jóhannsson]]) en bêste [[lûdsmontaazje]] ([[Allan Robert Murray]]). Fierders waard de film nominearre foar [[BAFTA's]] foar bêste [[byrol]] fan in [[akteur]] ([[Benicio del Toro]]), bêste sinematografy en bêste filmmuzyk. De filmmuzyk fan Jóhannsson waard ek nominearre foar in [[Critic's Choice Movie Award]] en in [[Saturn Award]], wylst [[Joe Walker (filmeditor)|Joe Walker]] foar de [[montaazje (film)|montaazje]] in [[Satellite Award]] wûn.

==Ferfolch==
Nei it súkses fan ''Sicario'' besleat [[Lionsgate Films]] in [[ferfolch]] te meitsjen oer Alejandro, it [[personaazje]] fan [[Benicio del Toro]]. It [[senario]] foar de nije film waard wer skreaun troch [[Taylor Sheridan]], en njonken Del Toro wie ek [[Josh Brolin]] wer fan 'e partij, yn 'e rol fan Matt Graver. Om't [[Denis Villeneuve]] troch oare ferplichtings net beskikber wie, waard foar de [[rezjy]] de [[Itaalje|Italjaanske]] filmmakker [[Stefano Sollima]] oanlutsen. De film krige de [[titel (opskrift)|titel]] ''[[Sicario: Day of the Soldado]]'', en kaam yn [[juny]] [[2018]] yn 'e [[bioskopen]].

==Keppelings om utens==
* {{en}} [http://www.imdb.com/title/tt3397884/ Ynformaasje oer ''Sicario'' yn 'e ''Internet Movie Database'']

{{boarnen|boarnefernijing=
Foar boarnen en oare literatuer, sjoch ûnder: [http://en.wikipedia.org/wiki/Sicario_(2015_film) ''References'', op dizze side].
}}
{{DISPLAYTITLE:''Sicario'' (film út 2015)}}

[[Kategory:Amerikaanske aksjefilm]]
[[Kategory:Amerikaanske skrillerfilm]]
[[Kategory:Amerikaanske misdiefilm]]
[[Kategory:Ingelsktalige film]]
[[Kategory:Film fan Black Label Media]]
[[Kategory:Film fan Thunder Road Films]]
[[Kategory:Film fan Lionsgate Films]]
[[Kategory:Film fan Denis Villeneuve]]
[[Kategory:Film út 2015]]
[[Kategory:Film oer Meksikaanske drugskartels]]
[[Kategory:Film oer in drugsbaron]]
[[Kategory:Film oer wraak]]
[[Kategory:Film oer de FBI]]
[[Kategory:Film oer de CIA]]
[[Kategory:Film oer de United States Marshals Service]]
[[Kategory:Film oer it Amerikaanske Leger]]