Besjoch de boarne foar Ruy Gómez de Silva, prins fan Éboli

{{Dyn koart
| namme                       = [[don (predikaat)|don]] Ruy Gómez de Silva,<br> prins fan Éboli
| ôfbylding                   = 
| ôfbyldingstekst             = 
| ôfbyldingsbreedte           = 
| nasjonaliteit               = [[File:Flag of Cross of Burgundy.svg|20px]] [[Spanje|Spaansk]]
| bertedatum                  = [[27 oktober]] [[1516]]
| berteplak                   = [[Chamusca]] ([[Portegal]])
| stjerdatum                  = [[29 july]] [[1573]]
| stjerplak                   = [[Madrid (stêd)|Madrid]] ([[Spanje]])
| dynasty                     = [[De Silva Fernández de Híjar Portugal|De Silva Fernández de <br>&nbsp;&nbsp;&nbsp; Hijar Portugal]]
| etnisiteit                  = [[File:Flag of Portugal.svg|20px]] [[Portegezen|Portegeesk]]
| prizen                      = 
| funksje1                    = grutskathâlder fan [[Kastylje (keninkryk)|Kastylje]]
| regear1                     = 
| amtsperioade1               = [[1556]] – [[1573]]
| foargonger1                 = 
| opfolger1                   = 
| funksje2                    = prins fan Éboli<br> hartoch fan Pastrana
| regear2                     = [[1556]] – [[1573]]
| amtsperioade2               = 
| foargonger2                 = 
| opfolger2                   = 
| funksje3                    = hear fan Ulme en Chamusca
| regear3                     = [[1554]] – [[1573]]
| amtsperioade3               = 
| foargonger3                 = 
| opfolger3                   = 
}}
{{Portegeeske namme|Jose ("Rui")|Gomes|da Silva|da Silva|Gomes da Silva}}
[[Don  (predikaat)|Don]] '''José ("Ruy") Gómez de Silva''', [[prins]] fan [[Éboli]], [[hartoch]] fan [[Pastrana (Spanje)|Pastrana]] en [[grande (weardichheid)|grande]] fan [[Spanje]] (eins, [[Portegeesk]]: [[dom (predikaat)|dom]] '''Jose ("Rui") Gomes da Silva'''; [[Chamusca]] ([[Portegal]]), [[27 oktober|27&nbsp;oktober]] [[1516]]&nbsp;– [[Madrid (stêd)|Madrid]], [[29 july|29&nbsp;july]] [[1573]]) wie in [[Spanje|Spaansk]] [[ealman]] en [[politikus]] fan [[Portegal|Portegeesk]] komôf. Fan in [[adel|leechaadlik]] libbensbegjin wist er troch syn freonskip mei de Spaanske kening [[Filips II fan Spanje|Filips II]] op te klimmen ta hege posten, en ûntjoech er him ta ien fan 'e machtichste mannen yn it Spaanske Ryk. 

==Libben==
===Karriêre===
Éboli waard yn [[1516]] berne yn it [[Portegal|Portegeeske]] [[Chamusca]], as de twadde soan fan dom [[Francisco da Silva, hear fan Ulme en Chamusca]]. Yn [[maart]] [[1526]], doe't er tsien jier wie, eskortearre er de ''infanta'' [[Isabella fan Portegal]] nei [[Sevilla (stêd)|Sevilla]] ta, dêr't se troude mei [[Karel V]], de kening fan [[Spanje]]. Éboli bleau yn Spanje as lid fan 'e Isabella har hofhâlding, en doe't hja yn [[1527]] it libben skonk oan [[Filips II fan Spanje|Filips II]], waard Éboli oansteld as [[paazje]] fan 'e jonge prins. Nettsjinsteande it feit dat se alve jier skeelden, ûntjoech him tusken Éboli en Filips in hechte freonskip.

Yn [[1554]], doe't syn âldere broer Jan ûntidich kaam te ferstjerren, urf Éboli de [[hearlikheid|hearlikheden]] Ulme en Chamusca. Nei't Filips II yn [[1556]] op 'e Spaanske troan kommen wie, beleanne er syn freon troch him ferskate titels en lukrative amten ta te partsjen. Éboli waard doe ferheft ta prins fan [[Éboli]] en hartoch fan [[Pastrana (Spanje)|Pastrana]], en teffens waard er oansteld as lid fan 'e steatsried, as [[keamerhear|opperkeamerhear]] fan 'e kening en as [[minister fan Finânsjes|grutskathâlder]] fan [[Kastylje (keninkryk)|Kastylje]].

As riedshear en minister fan Filips II oefene Éboli hast tweintich jier lang in opmerklike ynfloed út op it regear fan Spanje en op it belied fan dat regear. Bûtenlânske [[ambassadeur]]s yn Spanje neamden him by túltsjes wol ''Rey Gomes II'' ("Kening Gomes II"). Hy wie de lieder fan 'e saneamde 'ebolistyske partij', ien fan 'e alles behearskjende partijskippen oan it Spaanske hof, wêrby't syn wichtichste politike tsjinstanner don [[Ferdinand Álvarez de Toledo, hartoch fan Alva]] wie. De rivaliteit tusken de beide eallju kaam fuort út tsjinstelde opfettings oer de Spaanske [[steatsynrjochting]], wêrby't Éboli in mear [[federalisme|federalistyske]] steatsfoarm foarstie, wylst Alva alle macht [[sintralisme|sintralisearje]] woe ûnder in feriene [[monargy]]. 

Foar de [[skiednis]] fan 'e [[Nederlannen]] wie Éboli noch sydlings fan belang om't er yn [[1559]] yn 'e mande mei Alva, [[Antoine Perrenot, hear fan Granvelle]] en biskop fan [[Atert]], en [[Willem fan Oranje]] ien fan 'e fjouwer Spaanske gesanten wie dy't mei de [[Frankryk|Frânsen]] de [[Frede fan Cateau-Cambrésis]] sleaten. Éboli stoar yn [[1573]], yn 'e âlderdom fan 56 jier.

===Houlik en neiteam===
Op oanrieden fan Filips II [[ferloving|ferloofde]] Éboli him yn [[1552]], doe't er 36 jier wie, mei de doe tolvejierrige [[Ana de Mendoza, prinsesse fan Éboli|Ana de Mendoza]], de dochter fan [[Diego Hurtado de Mendoza y de la Cerda]], prins fan Mélito en hartoch fan Francavilla. It houlik fûn plak op [[18 april]] [[1553]]. Éboli en syn [[bernebreid]] krigen njoggen bern:
* Diego da Silva e Mendoça (±1558-1563)
* [[Ana da Silva e Mendoça, hartoginne fan Medina Sidonia]] (1560-1610), sûnt 1572 troud mei [[Alonso Pérez de Guzmán, 7e hartoch fan Medina-Sidonia]]
* Rodrigo da Silva e Mendoça, 2e hartoch fan Pastrana (1562-1596)
* Pedro da Silva e Mendoça (±1563)
* [[Diego da Silva e Mendoça, 1e markys fan Alenquer]] (1564-1630), ûnderkening fan Portegal (1615-1621)
* Ruy da Silva e Mendoça, 1e markys fan La Eliseda (1565-1???)
* [[Fernando da Silva e Mendoça]] (1570-1639), biskop fan [[Sigüenza]] (1623-1639)
* Maria da Silva e Mendoça (±1570)
* Ana da Silva e Mendoça (1573-1614)

{{boarnen|boarnefernijing=
Foar boarnen en oare literatuer, sjoch ûnder: [http://en.wikipedia.org/wiki/Ruy_Gómez_de_Silva ''Sources'', op dizze side].
}}

{{DEFAULTSORT:Eboli, Ruy Gomez de Silva, prins fan}}
[[Kategory:Spaansk politikus]]
[[Kategory:Spaanske adel]]
[[Kategory:Portegeeske adel]]
[[Kategory:Spaansk persoan yn de Tachtichjierrige Oarloch]]
[[Kategory:Spaansk persoan fan Portegeesk komôf]]
[[Kategory:Persoan berne yn 1516]]
[[Kategory:Persoan stoarn yn 1573]]