Rugby Fives

Ut Wikipedy
Phil Bishop spilet tsjin Dave Fox

Rugby Fives is in Ingelske foarm fan muorrekeatsen besibbe oan it Eton Fives. Rugby Fives wurdt spile op baan mei 4 muorren en in betonnen flier. De baan is goed 8,5 meter lang en 5,5 meter breed. Der wurdt spile yn sawol inkel- as dûbelspul. In wedstryd wurdt spile oer 11 of 15 punten. As yn in wedstryd oer 11 punten in 10-10 stân foarkomt, dan wurdt de wedstryd ferlinge oant 12 punten.

Der binne in tal ferskillen mei it Ierske 4-wall handball:

  • Op de front muorre stiet in saneamde tel-line op sawat 50 sintimeter hichte. Ballen dy't dêrop of ûnder slein wurde, binne út.
  • De opslach ferrint as folget: De opslagger goait de bal fia in sydmuorre tsjin de frontmuorre en slach dy nei ien stuit, op 'e nij fia in sydmuorre tsjin de frontmuorre. As de bal dochs earst de frontmuorre rekket, dan beslist de ûntfangende partij as se de opslach akseptearret as net.
  • Allinne de ûntfangende partij kin punten skoare.

Jamer Toop út Londen is ien fan de topspilers yn sawol Rugby Fives as Eton Fives.

De Rugby Fives Association (RFA) regulearret it spul, skriuwt wedstriden út en soarget foar foldwaande goed materiaal.

Ferskaat[bewurkje seksje | boarne bewurkje]

In fariant op it spul is it Winchester Fives, in trije muorre foarm fan Rugby Fives.

De RFA runt tegearre mei de Eton Fives Association sûnt 2005 yn Londen in skoalleprojekt ûnder de namme We Play Fives, wêrby jongeren yn de earmere wyken yn de gelegenheid steld wurde one-wall fives, it ek by ús bekende muorrekeatsen, te spyljen.

Keppeling om utens[bewurkje seksje | boarne bewurkje]