Old First Reformed Church

Ut Wikipedy
Springe nei navigaasje Springe nei sykjen
Herfoarme Nederlânske Tsjerke fan Breukelen

Reformed Dutch Church of the Town of Breukelen

Old First Reformed Church Park Slope.jpg
lokaasje
lân Flag of the United States.svg Feriene Steaten
steat Flag of New York (1909–2020).png New York
stêd Flag of New York City.svg New York
stedsdiel (borough) Brooklyn
plak 126 7th Avenue
bysûnderheden
type bouwurk Tsjerke
boujier 1888–1893
arsjitekt George L. Morse
webside oldfirstbrooklyn

De Old First Reformed Church, offisjeel de Reformed Dutch Church of the Town of Breukelen (Herfoarme Nederlânske Tsjerke fan Breukelen), is in Nederlânsk herfoarmd tsjerkegebou oan de 126 7th Avenue op de hoeke fan Carroll Street yn it Park Slope-kertier fan Brooklyn, New York.

De gemeente waard as ien fan de earste herfoarme gemeentes fan New York yn 1654 stifte troch Nederlânske kolonisten. Yn dat jier liet gûverneur Pieter Stuyvesant trije tsjerken bouwe: ien yn Flatbush, ien yn Flatlands en ien yn Park Slope. De gemeente kaam ynearsten ûnder in beam by inoar, letter yn in skuorre en yn 1666 waard de earste tsjerke boud yn it doedestiidske Breukelen, wat no Fulton Street hjit. Nei in iwu waard de tsjerke ferfongen in nij tsjerkhôf oanlein. Mear feroarings folgen yn de 19e iuw.

Op de hjoeddeiske lokaasje waard yn de jierren 1888–1893 de neogoatyske tsjerke neffens in ûntwerp fan de arsjitekt George L. Morse boud. De gevel en de toer binne fan Indiana-kalkstien boud en de tsjerke rêst op in graniten basis.

De tsjerke is goed 30 meter breed en in lytse 50 meter lang. De toer mei spits is krapoan 65 meter heech.

It gebou waard yn 1998 tafoege oan it National Register of Historic Places.

Boarnen, noaten en referinsjes[boarne bewurkje]

Boarnen, noaten en/as referinsjes:

Skiednis op de side fan Oldfirst