Besjoch de boarne foar Netflix

{{Bedriuw
| ôfbylding                    = Netflix 2015 logo.svg
| ôfbyldingstekst              = 
| ôfbyldingsbreedte            = 
| namme                        = Netflix
| histoaryske namme            = 
| nasjonaliteit                = [[File:Flag of the United States.svg|border|20px]] [[Feriene Steaten|Amerikaansk]]
| type                         = publyk
| sektor                       = [[streaming media|streamingtsjinst]] foar <br>&nbsp;&nbsp;&nbsp;[[video-on-demand]]
| haadkertier                  = [[Los Gatos (Kalifornje)|Los Gatos]] ([[Kalifornje]])
| fêstige yn                   = 
| oprjochte                    = [[1997]]
| opdoekt                      = 
| oprjochter                   = [[Reed Hastings]] en <br>&nbsp;&nbsp;&nbsp;[[Marc Randolph]]
| eigner                       = 
| fuortkommen út               = 
| opgien yn                    = 
| memme-ûndernimming           = 
| dochterûndernimmings         = 
| omset                        = $25 miljard <small>([[2020]])</small>
| winst                        = $2,8 miljard <small>([[2020]])</small>
| wearde                       = $39,3 miljard <small>([[2020]])</small>
| aktyf yn                     = hast hiele wrâld 
| wurknimmers                  = 12.135 <small>([[2021]])</small>
| tal lokaasjes                = 
| webside                      = [http://netflix.com/ netflix.com]
}}
'''Netflix''' (offisjeel: '''Netflix, Inc.''') is in [[Feriene Steaten|Amerikaanske]] [[streaming media|streamingtsjinst]] foar [[video-on-demand]], dy't ek aktyf is as [[filmstudio|film]]- en [[tillefyzjestudio]] en as [[filmdistribúsje|distributeur]]. It [[bedriuw]], dat yn [[1997]] oprjochte waard, jout [[abonnemint|abonnees]] fia it [[ynternet]] tagong ta in digitale [[bibleteek]] fan [[film]]s en [[tillefyzjesearje]]s dy't wannear't en wêr't men mar wol besjoen wurde kinne. Ek is der ynteraktive ynhâld, lykas [[fideospultsje]]s, al is wol ferlet fan 'e ynstallaasje fan spesjale [[software]] om dêrfan gebrûk te meitsjen. Sûnt [[2010]], doe't Netflix him foar it earst útwreide bûten de grinzen fan 'e Feriene Steaten, is it bedriuw útwoeksen ta de bekendste, ynfloedrykske en meast universeel beskikbere streamingtsjinst fan 'e wrâld.

==Skiednis==
Netflix waard yn [[1997]] yn [[Scotts Valley (Kalifornje)|Scotts Valley]], yn 'e [[Amerikaanske steat]] [[Kalifornje]], oprjochte troch [[Reed Hastings]] en [[Marc Randolph]]. Yn 't earstoan lei it bedriuw him ta op 'e [[ferkeap]] fan [[dvd's]], mar it ferlei de saken al rillegau nei de [[hier (jild)|ferhier]] fan dvd's oer de [[posterijen|post]]. Yn [[2007]] wreide Netflix him foar it earst út nei [[streaming media]] oer it [[ynternet]], hoewol't ek doe de postferhier fan dvd's en [[blu-ray's]] earst noch it wichtichste wurkmêd bleau. 
[[File:Netflix_booth_(36079051696).jpg|left|thumb|250px|De stand fan Netflix op 'e [[San Diego Comic-Con]] fan [[2017]].]]

Yn [[2010]] wreide Netflix syn wurkgebiet foar it earst út oant bûten de Feriene Steaten, troch ek yn [[Kanada]] as streamingtsjinst los te gean. Yn [[2011]] folge in útwreiding dy't [[Latynsk-Amearika]] en it [[Karibysk Gebiet]] derby skuorde, en yn [[2012]] kaam it bedriuw foar it earst oer nei [[Jeropa]], dêr't úteinset waard mei it [[Feriene Keninkryk]] en [[Ierlân]], letter datselde jier folge troch de [[Skandinaavje|Skandinavyske lannen]]. Yn [[2013]] kaam Netflix beskikber yn [[Nederlân]], en yn [[2014]] yn [[Belgje]], [[Lúksemboarch (gruthartochdom)|Lúksemboarch]], [[Dútslân]], [[Frankryk]], [[Switserlân]] en [[Eastenryk]]. Yn [[2015]] wreide it bedriuw him út nei [[Súd-Jeropa]], it [[Ibearysk Skiereilân]], [[Australaazje]] en [[Japan]].

Op 'e [[Consumer Electronics Show]] yn [[Las Vegas]] kundige Netflix yn [[jannewaris]] [[2016]] oan dat de streamingtsjinst fan it bedriuw no sa goed as wrâldwiid beskikber wie. De wichtichste útsûndering dêrop wie de [[Folksrepublyk Sina]]. Yn [[april]] [[2017]] berikte Netflix in oerienkomst mei [[IQiyi]], in Sineeske streamingtsjinst dy't eigendom is fan [[Baidu]], om ûnder [[lisinsje]] orizjinele Netflix-ynhâld yn Sina beskikber te meitsjen.

Sûnt [[2012]] hat Netflix himsels in aktivere rol oanmetten op it mêd fan 'e produksje fan 'e eigen ynhâld. Foartiid fungearre de streamingtsjinst by wize fan sprekken inkeld as in trochjoulûk, mar yn [[2013]] ferskynde mei de [[dramasearje]] ''[[House of Cards (Amerikaanske tillefyzjesearje)|House of Cards]]'' foar it earst in produksje dy't troch Netflix besteld en [[finansiering|finansierd]] wie. Teffens is it bedriuw sûnt dy tiid aktyf op it mêd fan [[filmdistribúsje|distribúsje]] fan 'e eigen produksjes. Netflix is lid fan 'e Amerikaanske [[Motion Picture Association]] (MPA), in [[koepelorganisaasje]] fan [[filmstudio's]]. 
[[File:100 Winchester Circle.jpg|right|thumb|250px|It [[haadkantoar]] fan Netflix yn [[Los Gatos (Kalifornje)|Los Gatos]].]]

Netflix foarme yn 'e [[2010-er jierren]] it bêst prestearjende [[oandiel]] yn 'e wichtige Amerikaanske [[effektebeursyndeks]] [[S&P&nbsp;500]], mei in [[opbringst (jild)|opbringst]] fan 3.693%. Yn [[2020]] hie Netflix in [[opbringst (jild)|omset]] fan [[$]]25&nbsp;miljard; datselde jiers wie it bedriuw [[$]]39,3&nbsp;miljard wurdich.

==Bedriuwsstruktuer==
It [[haadkertier]] fan Netflix stiet yn [[Los Gatos (Kalifornje)|Los Gatos]], yn [[Kalifornje]]. Der binne ek [[kantoar]]en op oare plakken yn 'e [[Feriene Steaten]] en fierders yn [[Kanada]], [[Brazylje]], it [[Feriene Keninkryk]], [[Frankryk]], [[Yndia]], [[Japan]], [[Nederlân]] en [[Súd-Koreä]]. De iepening fan nije kantoaren yn [[Sweden]], [[Itaalje]] ([[Rome]]) en [[Turkije]] ([[Istanbul]]) waard yn [[april]] [[2021]] oankundige. 

Foar de produksje fan [[film]]s en [[tillefyzjesearje]]s hat Netflix fasiliteiten yn [[Los Angeles]], [[Albuquerque (Nij-Meksiko)]], [[Vancouver]], [[Toronto]], [[Londen]] en [[Madrid]]. Der is ek in [[postproduksje]]fasiliteit yn [[Bombay]]. Yn [[2021]] hie Netflix wrâldwiid 12.135 [[wurknimmer]]s. It bedriuw hat trije [[difyzje (ûndernimming)|difyzjes]]: Streaming yn 'e Feriene Steaten, Ynternasjonale Streaming en Dvd's yn 'e Feriene Steaten. Yn dy lêste poat is de ferhier fan [[dvd's]] en [[blu-ray's]] oer de [[posterijen|post]] ûnderbrocht, it oarspronklike wurkmêd fan Netflix, dat it bedriuw noch altyd fuortset. 

Netflix hat ferskate [[dochterûndernimming]]s, dy't foar it meastepart de aktiviteiten yn in beskaat lân beheare, lykas Netflix Streaming Services International B.V., de dochterûndernimming dy't yn Nederlân fêstige is. Dêrnjonken is Netflix ek eigner fan:
*[[Millarworld]], in [[útjouwerij]] fan [[strip]]boeken; 
*[[Netflix Albuquerque Studios]], in grutskalige opnamefasiliteit yn [[Albuquerque (Nij-Meksiko)]]; 
*[[Netflix Pictures]], in [[filmstudio]]; 
*[[Netflix Animation]], in [[tekenfilmstudio]];
*[[Grauman's Egyptian Theatre]], in [[bioskoop]] yn [[Hollywood]].
[[File:Netflix area.svg|right|thumb|300px|Beskikberens fan Netflix ([[jannewaris]] [[2016]]).<br>
{{Color box|#8B0000}} beskikber<br>
{{Color box|#000000}} net beskikber]]

==Beskikberens==
As streamingtsjinst is Netflix yn hast de hiele wrâld beskikber, útsein:
*de [[Folksrepublyk Sina]], fanwegen [[wet]]like beheinings dêre,
*[[Syrje]], [[Noard-Koreä]] en [[Ruslân]], omreden fan Amerikaanske sanksjes tsjin dy gebieten.
Yn [[april]] [[2021]] hie Netflix wrâldwiid 208&nbsp;miljoen abonnees, wêrfan 74&nbsp;miljoen yn 'e [[Feriene Steaten]] en [[Kanada]].

==Keppelings om utens==
*{{en}}[http://netflix.com/ Offisjele webside fan Netflix]

{{boarnen|boarnefernijing=
Foar boarnen en oare literatuer, sjoch ûnder: [http://en.wikipedia.org/wiki/Netflix ''References'', op dizze side].
----
{{commonscat|Netflix}}
}}

[[Kategory:Netflix| ]]
[[Kategory:Amerikaanske video-on-demandtsjinst]]
[[Kategory:Amerikaanske filmstudio]]
[[Kategory:Amerikaanske telefyzjestudio]]
[[Kategory:Amerikaanske filmdistributeur]]
[[Kategory:Amerikaansk ynternetbedriuw]]
[[Kategory:Amerikaansk mediabedriuw]]
[[Kategory:Streaming media]]
[[Kategory:Bedriuw oprjochte yn 1997]]