Besjoch de boarne foar Nasjonaal Park De Lauwersmar

{{Universele ynfoboks natoergebiet
| namme                = Nasjonaal Park De Lauwersmar <br><small>''Nationaal Park Lauwersmeer''</small>
| ôfbylding            = NP-LauwersmeerKaart.jpg
| ôfbyldingsbreedte    = 
| ôfbyldingstekst      = Lânkaart fan it nasjonaal park.
| lân                  = [[File:Flag of the Netherlands.svg|border|20px]] [[Nederlân]] 
| bestj. ienh. 1       = provinsjes
| namme bestj. ienh. 1 = [[File:Frisian flag.svg|border|20px]] [[Fryslân]]<br> [[File:Flag of Groningen.svg|20px]] [[Grinslân]]
| bestj. ienh. 2       = gemeenten
| namme bestj. ienh. 2 = [[File:De Marne vlag.svg|border|20px]] [[De Marne (gemeente)|De Marne]] <br>[[File:Gjin Flagge (Bekend).PNG|border|20px]] [[Noardeast-Fryslân]]
| bestj. ienh. 3       = 
| namme bestj. ienh. 3 = 
| plak                 = 
| koördinaten          = 53°22′ NB 6°12′ EL
| status               = [[nasjonaal park]]
| oerflak              = 60 km²
| stifting             = [[2003]]
| behear               = [[Steatsboskbehear]]
| webside              = [http://www.np-lauwersmeer.nl/documents/home.xml?lang=nl www.np-lauwersmeer.nl] 
| mapname              = Nederlân-reliëf
| lat_deg              = 53
| lat_min              = 22
| lat_sec              = 0
| lat_dir              = N
| lon_deg              = 6
| lon_min              = 12
| lon_sec              = 0
| lon_dir              = E
| tekst by posysjekaart= Lokaasje yn Nederlân.
}}
It '''Nasjonaal Park De Lauwersmar''' ([[Nederlânsk]]: ''Nationaal Park Lauwersmeer'') is in [[nasjonaal park]] yn it [[Lauwersmar]]gebiet dat dielen fan [[Fryslân]] en [[Grinslân]] omfiemet. It beslacht likernôch 60&nbsp;km² en bestiet sûnt [[2003]]. It Nasjonaal Park De Lauwersmar is tagonklik foar besikers.

==Beskriuwing==
Nei de ôfsluting fan 'e [[Lauwerssee]], yn [[1969]], binne de heechleine seeboaiems (it [[Waad]]) yn it nije Lauwersmargebiet drûch kommen te stean. Yn 'e earste jierren binne grutte dielen dêrfan frijwol oan har lot oerlitten, sadat de [[natoer]] der syn gong gean koe. Dêrby gie it benammen om lân beëasten de [[wei]] fan [[Sâltkamp]] nei [[Lauwerseach]]. It Nasjonaal Park De Lauwersmar hat oer it generaal in iepen karakter, útsein de Ballastplaatbosk yn it [[noarden]], dy't súdeast fan Lauwerseach leit, en de Simmerhûsbosk yn it [[suden]], yn 'e neite fan 'e [[Dokkumer Nije Silen]].

Tsjintwurdich binne grutte dielen fan 'e Ballastplaat, de Rêch, de Sennerplaat, de Blikplaat, de [[Iezumakeech]], de Hoeke fan Bant en it nijfoarme [[eilân]] de Skoenderbult net mear tagonklik om 'e natoer dêr te beskermjen. De [[mar]] sels is foar it meastepart wol befarber, mar ferskate wetters kin men inkeld mei spesjale tastimming opfarre; dêrby giet it om Efter de Swarten, it Hoarnske Gat, de Flinterbalch, it Jaap Deensgat, de Babbeler, it Simonsgat en it Blikplaatgat.

==Floara en fauna==
It Nasjonaal Park De Lauwersmar is in ferbliuwplak foar sawol [[stânfûgel|stân]]- as [[trekfûgel]]s, lykas de [[sljochtfalk]] (''Falco peregrinus''), de [[reade skries]] (''Limosa lapponica'') en de [[leppelbek]] (''Platalea leucorodia''). [[Winter]]deis strike der in protte [[guozzen]] del. Op 'e [[Iezumakeech]] stiet in [[fûgelsjochhutte]]. In bysûnder diel fan it nasjonaal park is it saneamde Lân fan Juffer Ali, súdlik fan Lauwerseach, dat ferneamd is nei in meiwurkster fan [[Ministearje fan Ferkear en Wettersteat|Rykswettersteat]] dy't dêr yn 'e [[1980]]-er jierren ûndersyk die nei [[floara]] en [[fauna]]. Yn dat gebiet groeie in protte [[orchideeën]].

==Dark Sky Park==
Yn [[2016]] hat de [[International Dark Sky Association]] it Nasjonaal Park De Lauwersmar útroppen ta it twadde ''Dark Sky Park'' fan Nederlân. Parken mei dy kwalifikaasje binne gebieten yn 'e wrâld dêr't it [[nacht|nachtlik tsjuster]] optimaal ta syn rjocht komt. Minsken binne der nachts ek wolkom om fan it tsjuster te genietsjen. (It earste ''Dark Sky Park'' fan Nederlân wie de [[Boskplaat]].)

==Keppelings om utens==
*{{nl}}[http://www.np-lauwersmeer.nl/documents/home.xml?lang=nl Offisjele webside fan it Nasjonaal Park de Lauwersmar]

{{boarnen|boarnefernijing=
Foar boarnen en oare literatuer, sjoch ûnder: [http://en.wikipedia.org/wiki/Lauwersmeer_National_Park ''References'', op dizze side].
----
{{commonscat|Lauwersmeer|Lauwersmar}}
}}

{{Natuermonuminten}}
{{Steatsboskbehear}}

{{DEFAULTSORT:Lauwersmar, Nasjonaal Park}}

[[Kategory:Nasjonaal park yn Nederlân]]
[[Kategory:Natoergebiet yn Fryslân]]
[[Kategory:Bestjoerlike ienheid oprjochte yn 2003]]
[[Kategory:Geografy fan Dongeradiel]]
[[Kategory:Geografy fan Kollumerlân]]
[[Kategory:Geografy fan Noardeast-Fryslân]]
[[Kategory:Lauwersmar|Nasjonaal Park De Lauwersmar]]