Midsimmertwirre

Ut Wikipedy
Springe nei navigaasje Springe nei sykjen
Midsimmertwirre
plak en tiid
lân Flag of the Netherlands.svg Nederlân
provinsje Frisian flag.svg Fryslân
gemeente Heerenveen flag.svg It Hearrenfean
plak Aldeboarn vlag.svg Aldeboarn
holden yn 4 lokaasjes (sjoch tekst)
datum 23 juny 2018
bysûnderheden
soarte evenemint muzykfestival
sjenre ferskaat
org. troch Paulus Folkertsma Stichting
en Stifting Aldeboarn Foarút
offisjele webside
www.paulusfolkertsma.nl

Midsimmertwirre wie in iendeisk muzykfestival foar ien kear, dat op sneon 23 juny 2018 holden waard yn it Fryske doarp Aldeboarn. Mei dit evenemint waarden libben en wurk fierd fan 'e Fryske komponist Paulus Folkertsma (1901-1972), dy't jierrenlang yn Aldeboarn wenne.

Beskriuwing[bewurkje seksje | boarne bewurkje]

Midsimmertwirre waard organisearre troch de Paulus Folkertsma Stichting, dy't de muzikale neilittenskip fan Paulus Folkertsma op 'e noed hat, yn gearwurking mei de Stichting Aldeboarn Foarút. Doe't de Boarnsters yn it foarjier fan 2018 fia Aldeboarn Foarút nije strjitferljochting krigen, mochten se dêroan in kultureel evenemint fan harren eigen kar keppelje. Hja keazen foar de muzyk fan harren âld-doarpsgenoat Folkertsma yn 'e foarm fan Midsimmertwirre.

It festival bestie út fjouwer beskieden konserten op fjouwer ferskillende lokaasjes, wêrby't it publyk groepgewiis fan lokaasje wiksele. De konserten waarden jûn yn 'e Flintertún fan Aldeboarn, de tún fan 'e Dokterswente, de Doelhoftsjerke en de Minnistetsjerke, en waarden fersoarge troch û.o. pianist Johan Bijhold, tenoar Albert Bonnema, fioeliste Marieke de Bruijn (fan it Vondel Kwartet) en jazzmuzikant Wiebe Kaspers. Foarôf en healwei, yn it skoft fan 'e konsertrige, spile fierders Muzykkorps Concordia op in pream yn 'e Boarn ferskate marsen fan Folkertsma.

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  • Nammensma, Rudolf, Een Minifestival Rond Paulus Folkertsma, yn: de Ljouwerter Krante, 22 juny 2018, s. 26.